خرم شہزاد خرم

لاہور (ثناء نیوز)آسٹریلین اے کرکٹ ٹیم 22 روزہ دورے پر لاہور پہنچ گئی ۔ سٹیورٹ میکیکل اور جیسن گلسپی ٹیم کے ہمراہ نہیں آسکے ۔ لاہور ائیر پورٹ پہنچنے پر کرکٹ بورڈ کے عہدیداروں نے ٹیم کا استقبال کیا ۔ اس موقع پر سیکورٹی کے سخت انتظامات کیے گئے تھے۔ آسٹریلوی ٹیم کی قیادت ایڈم گوریکوز کر رہے ہیں جبکہ ٹیم مینجر ڈیرل فوسٹر بھی ٹیم کے ہمراہ ہیںلیگ سپنر سٹیورٹ میکیل اور فاسٹ باؤلر جیسن گلسپی دو سے تین روز تک ٹیم کو جوائن کرلیں گے۔ آسٹریلین ٹیم اپنے دورے میںپاکستان اے کے خلاف دو چار روزہ اور پانچ ایک روزہ میچوں کی سیریز کھیلے گی ۔ پہلا میچ پانچ ستمبر کو لاہور ‘دوسرا ایک روزہ میچ سات ستمبر کو شیخوپورہ ‘ ایک روزہ میچ 9 ستمبر کو لاہور جبکہ پہلا چار روزہ میچ بارہ ستمبر سے فیصل آباد ‘ دوسرا چار روزہ میچ 19ستمبر سے لاہور میں کھیلا جائے گا ۔ آسٹریلین کھلاڑی صبح دس بجے پریکٹس کریں گے ۔ آسٹریلوی ٹیم کے مینجر کا کہنا ہے کہ پاکستان آسان حریف نہیں ہو گا اور دونوں ٹیموں کے درمیان اچھے مقابلے دیکھنے میں آئیں گے۔

__________________