محمدعدنان

احمد آباد میں جنوبی افریقہ کے خلاف دوسرے ٹیسٹ کی پہلی اننگز میں بھارت کی پوری ٹیم صرف چھہتر کے مجموعی سکور پر آؤٹ ہوگئی ہے۔
بھارتی بلے بازوں میں سے مہندر سنگھ دھونی اور عرفان پٹھان کے علاوہ کوئی بھی کھلاڑی دوہرے ہندسوں میں داخل نہیں ہو سکا۔دھونی نے چودہ جبکہ عرفان نے اکیس رنز بنائے۔

ہندوستانی ٹیم نے ٹاس جیت کر پہلے بلے بازی کرنے کا فیصلہ کیا اور ان کی اننگز صرف بیسں اوور میں ختم ہوگئی۔ بھارتی بلے بازوں میں سےسورو گنگولی، آر پی سنگھ اور سری سانتھ صفر پر آوٹ ہوئے جبکہ کپتان انیل کمبلے صفر رنز پر ناٹ آؤٹ رہے۔

چنئی ٹیسٹ میں شاندار ٹرپل سنچری بنانے والے سہواگ بھی اپنا جلوہ نہيں دکھا سکے اور وہ بارہ گیندوں پر صرف چھ رنز بناکر ڈی ڈبلیو سٹین کو اپنا وکٹ دے بیٹھے۔

جنوبی افریقہ کی جانب سے سب سے خطرناک بالر ڈی ڈبلیو سٹین ثابت ہوئے جنہوں نے تیئس رنز دے کر پانچ وکٹ لیے جبکہ نتنی نے اٹھارہ رنز دے کر تین ایم مارکل نے بیس رنز دے کر دو وکٹ لیے۔

دوسرے ٹیسٹ کے لیے بھارتی ٹیم میں ایک تبدیلی کی گئی اور سچن تندولکر کی جگہ عرفان پٹھان کو ٹیم میں شامل کیا گیا۔میچ سے پہلے کپتان انیل کمبلے فٹ قرار دیے گیے لیکن ایشانت شرما فٹنس ٹیسٹ پاس نہيں کر سکے۔

واضح رہے کہ چینئی میں کھیلا گیا پہلا ٹیسٹ ڈرا ہو گيا تھا۔ اس ٹیسٹ میں وریندر سہواگ نے ٹرپل سنچری بنائی تھی جبکہ راہل درواڈ نے اپنے ٹیسٹ کیریئر میں دس ہزار رنز پورے کیے تھے۔

__________________

منتظمین

یہ ہے اصل حقیقت

The Great

سھی بات ھے ۔۔۔

champion_pakistani

یہ ہماری شان ہے۔۔ایشا کی۔۔۔۔۔۔۔۔۔۔۔۔۔۔