سیفی خان

افغانستان کی کرکٹ ٹیم پاکستان اے کے خلاف تین ون ڈے میچوں کی سیریز کا پہلا میچ بدھ کو اسلام آباد میں کھیل رہی ہے۔

سیریز کا دوسرا میچ ستائیس مئی کو راولپنڈی میں کھیلا جائے گا۔

فیصل آباد انتیس مئی کو کھیلے جانے والے ڈے اینڈ نائٹ میچ کی میزبانی کرے گا۔

افغانستان کی کرکٹ ٹیم نوروز منگل کی قیادت میں پاکستان کے دورے پر آئی ہوئی ہے۔

ٹیم کے کوچ پاکستان کے سابق وکٹ کیپر کپتان راشد لطیف ہیں۔

راشد لطیف نے بی بی سی کے نامہ نگار عبدالرشید شکور سے بات کرتے ہوئے کہا کہ افغانستان کو جب تک زیادہ سے زیادہ میچز بڑی ٹیموں کے خلاف کھیلنے کو نہیں ملیں گے تو اس کی کرکٹ پروان نہیں چڑھے گی اور انہیں خدشہ ہے کہ کہیں افغانستان کا حال بھی کینیا جیسا نہ ہو۔

انہوں نے کہا کہ افغانستان کو ون ڈے انٹرنیشنل کا استحقاق محدود وقت کے لیے دیا گیا ہے لہذا آئی سی سی اور ایشین کرکٹ کونسل کو چاہیے کہ وہ افغانستان کو بڑی ٹیموں کے خلاف کھیلنے کا موقع فراہم کریں۔

راشد لطیف نے کہا کہ ایشیا کپ میں افغانستان کی ٹیم کو شامل نہ کرنا حیران کن فیصلہ تھا۔انہوں نے کہا کہ افغان کرکٹرز میں بے پناہ صلاحیت موجود ہے جس کا بخوبی اندازہ ان کی مرحلہ وار ترقی اور کارکردگی سے لگایا جا سکتا ہے۔

دو سال قبل سری لنکن کرکٹ ٹیم پر لاہور ٹیسٹ کے دوران ہونے والے دہشت گرد حملے کے بعد افغانستان پہلی کرکٹ ٹیم ہے جو پاکستان آئی ہے تاہم اسے پھر بھی پاکستان کی قومی کرکٹ ٹیم کے ساتھ کھیلنے کا موقع نہیں مل سکا اور یوں پاکستان اے کے خلاف کھیلے جانے والے ان میچوں کو ون ڈے انٹرنیشنل کا درجہ حاصل نہیں ہوگا۔

افغانستان کو دو سال قبل ون ڈے انٹرنیشنل کا درجہ دیا گیا تھا لیکن اس کے بعد سے کسی بھی ٹیسٹ رکن ملک نے افغانستان کے ساتھ ون ڈے انٹرنیشنل کھیلنے کی زحمت نہیں کی اور افغانستان کی کرکٹ ابھی تک آئرلینڈ، سکاٹ لینڈ، ہالینڈ، کینیڈا اور کینیا تک محدود رہی ہے ۔

ان ٹیموں کے خلاف کھیلے گئے سولہ ون ڈے انٹرنیشنل میچوں میں افغانستان نے نو جیتے ہیں اور سات میں اسے شکست ہوئی ہے۔

بی بی سی اردو

__________________

میرا بلاگ۔ صدائےقلندرhttp://saifikhan011.blogspot.com/

راجہ اکرام

خوشی کی بات ہے
ویسے اگر افغانستان کے کھلاڑی سنجیدہ ہو جائیں تو یہ وخت ڈال دیں گے ساری دنیا کو

__________________
محتاج اصلاح و دعا

سام

پخیرآغلے۔۔۔۔۔۔۔۔۔۔۔۔۔۔۔۔۔ ۔۔۔

سیفی خان

ٹھیک کہا آپ نے ۔ ۔ایک میدان میں تو پہلے ہی افغانیوں نے 44ممالک کو” وخت “ ڈال رکھا ہے
اگر یہ یہاں بھی سنجیدہ ہو گے تے کوئی ناں کوئی ” چن “ ضرور چاڑن گے