خرم شہزاد خرم

کراچی (اسٹاف رپورٹر) انڈین کرکٹ لیگ سے پاکستانی کھلاڑیوں کے معاہدے کی تصدیق اور آل راؤنڈر عبدالرزاق کی عالمی کرکٹ سے بطور احتجاج دستبرداری سے پی سی بی میں بوکھلاہٹ نمایاں نظر آرہی ہے۔ پاکستان کرکٹ بورڈ کے چیئرمین ڈاکٹر نسیم اشرف نے نیویارک سے جیو ٹی وی کو دیئے گئے خصوصی انٹرویو میں بورڈ کا نیا موقف پیش کیا اور کہاکہ لیگ کے معاہدے پر دستخط کرنے والے کھلاڑیوں کے خلاف پابندی کا تاحال کوئی فیصلہ نہیں کیا گیا۔ اس یوٹرن سے قبل پچھلے دنوں انہوں نے واضح طور پر اشارہ دیا تھا کہ انڈین لیگ کھیلنے والے کھلاڑیوں پر کرکٹ کے دروازے تاحیات بند کردیئے جائیں گے۔ پیر کو پاکستان کے پانچ کھلاڑیوں کی اس تصدیق کے بعد کہ انہوں نے انڈین کرکٹ لیگ سے معاہدہ کرلیا ہے، کرکٹ بورڈ میں بھونچال نظر آنے لگا۔ پی سی بی ایڈہاک کمیٹی کے چیئرمین ڈاکٹر نسیم اشرف نے کہا ہے کہ محمد یوسف کے دستخط کرنے پر مجھے ذاتی طور پر صدمہ اور دکھ ہوا ہے۔ وہ عظیم کھلاڑی ہیں، میں ان سے رابطہ کر کے انہیں فیصلہ تبدیل کرنے پر رضامند کروں گا۔ انہوں نے کہاکہ ٹیم میں کوئی اختلافات نہیں اگر کوئی کھلاڑی ملک کے لئے نہیں کھیلنا چاہتا ہے تو یہ اس کا ذاتی فیصلہ ہے تاہم کھلاڑی ضابطہ اخلاق سے بالاتر نہیں۔ انہوں نے کہاکہ ٹیم ٹوئنٹی۔20 ورلڈ چیمپئن شپ جیتنے کے لئے پرامید ہے۔ کسی کھلاڑی نے جنوبی افریقا جانے سے انکار نہیں کیا۔ ڈاکٹر نسیم اشرف کے برعکس پیر کو لاہور میں میڈیا سے گفتگو کرتے ہوئے پی سی بی کے کرکٹ آپریٹنگ آفیسر شفقت نغمی نے کہا کہ مجھے نہیں معلوم کہ ہمارے کھلاڑیوں نے انڈین کرکٹ لیگ کھیلنے کا فیصلہ کیوں کیا مگر بورڈ کی واضح پالیسی ہے کہ ان کھلاڑیوں کو مستقبل میں ٹیم میں شامل نہیں کیا جائے گا، اس دستخط کے ساتھ ہی ان کا عالمی کرکٹ کیریئر بھی ختم ہوگیا۔ پی سی بی ایڈہاک کمیٹی کے اگلے اجلاس میں اس صورتحال پر غور ہوگا اور اس حوالے سے اہم فیصلے کئے جائیں گے۔ انہوں نے کہاکہ انڈین کرکٹ لیگ تسلیم شدہ نہیں اس لئے میں اسے قبول نہیں کر سکتا۔ انہوں نے امید ظاہر کی کہ محمد یوسف عظیم کھلاڑی ہیں، پاکستان کرکٹ کو ان کی ابھی مزید ضرورت ہے اور وہ انڈین کرکٹ لیگ جوائن نہیں کریں گے۔

__________________

پاکستانی لڑکی

ہاہاہا۔۔۔۔۔۔۔۔۔۔۔۔۔۔۔۔۔۔

محمدعدنان

مجھے تو سمجھ نہیں آتی کہ ڈاکٹر نسیم اشرف کو بورڈ چئرمین کا عہدہ کیوں دیا گیا ہے

منتظمین

پورے پاکستان میں سب سے لائق اور ہونہار وہی ہیں۔ انکو اتنا پتہ ہے کہ ایک اور میں کتنے بال ہوتے ہیں تو اور کیا چاہیے؟

__________________
تم سپاہی نہیں ہو پیشہ ور قاتلو!

پاکستانی لڑکی

ہی ہی ہی!
بس یہیں رہ گئے ہمارے M بھائی ورنہ انہیں ہی چیئرمین نہ بنا دیا ہوتا!

خرم شہزاد خرم

ویسے مجھے بھی پتہ ہے کرکٹ میں کتنے گول ہوتے ہیں مجھے بھی کوئی کرسی ملنی چاہے

Zullu230

ڈاکٹر نسیم اشرف Mbbs ڈاکٹر ہیں۔ کرکٹ سے اُن کا کیا تعلق۔۔۔ ہمارے محترم جنرل صاحب کے زیادہ قریب ہیں۔ حکومت پنجاب میں شاید صحت کے مشیر بھی ہیں۔ بڑوں سے قرابت داری کا یہی تو فائدہ ہوتا ہے ایک وقت میں دو دو عہدے مل جاتے ہیں۔ کسی غریب کو تین یا چار ہزار روپے کی نوکری دینا پڑ جائے یا تنخواہ میں سو پچاس روپے کا اضافہ کرنا ہو تو ان کے پیٹ میں شدید درد شروع ہو جاتا ہے۔ لیکن بیک وقت دو عہدوں پر قبضہ کر کے قومی خزانے سے لاکھوں روپے ماہوار ہڑپ کرتے ہوئے ان بیچاروں کو ڈکار بھی نہیں آتے۔

__________________
Watch your thoughts; they become words. Watch your words; they become actions. Watch your actions; they become habits. Watch your habits; they become character. Watch your character; it becomes your destiny.

پاکستانی لڑکی

ہاہاہا۔۔۔۔
جو بھی ہے۔۔۔ مجھے اس بندے سے نفرت ہے!

خرم شہزاد خرم

اور مجھ سے،،،،،،،،،،،،،،،،،،؟

پاکستانی لڑکی

میں نے بندے کی بات کی ہے!
مذاق کر رہی ہوں ابھی کچھ نہیں کہہ سکتی!

Back To The Topic!