خرم شہزاد خرم

بنگلورپولیس پاکستان سے آنے والے تماشائیوں کی کڑی نگرانی کریگی



بنگلور(نمائندہ خصوصی) بنگلور کی پولیس نے پاکستان سے آنے والے تماشائیوں پر کڑی نظر رکھی ہوئی ہے ۔ایک مقامی اخبار کے مطابق سیریز کے لیے بھارتی حکومت نے248 تماشائیوں اور8 صحافیوں کو ویزے جاری کیے ہیں ۔اخبار نے دعویٰ کیا ہے کہ 2005 میں بنگلور آنے والے پاکستانیوں میں سے18غائب ہوگئے تھے اس لیے اس بار پولیس تمام پاکستانیوں کی نگرانی کررہی ہے شہر کے تمام ہوٹلوں سے کہا گیا ہے کہ ان کے ہاں جو بھی پاکستانی قیام کرے اس کے کوائف فراہم کیے جائیں اور اس کی اطلاع فور ی طور پر پولیس کو دی جائے ۔پاکستانی تماشائیوں کو ایسے ویزے جاری کیے گئے ہیں جس کے تحت انہیں24 گھنٹے میں اپنی آمد کی اطلاع پولیس کو دینا ہوگی ۔