عبدالقدوس

بیجنگ اولمپکس کیلئے 1.85 ملین ٹکٹوں کی فروخت کا اعلان

بیجنگ اولمپکس کے منتظمین نے اعلان کیا ہے کہ 1.85 ملین ٹکٹوں کی فروخت 2008 بیجنگ اولمپکس کے لئے چین میں اس ہفتے سے شروع ہوجائے گی۔ منگل کو مزید ٹکٹوں کے ریلیز کے بعد مقامی شائقین کو گیمز کے لئے سیٹ بک کرنے کا دوسرا موقع مل جائے گا۔ چین نے 2.2ملین ٹکٹیں ہوم مارکیٹ کیلئے اپریل میں پیش کی تھیں اور ایک ماہ کے اندر ایک ملین سے زائد ٹکٹیں فروخت ہوچکی تھیں اور اہم ایونٹس کے لئے درخواستیں دی تھی کئی شائقین کو مایوسی ہوئی ہے چین کی رہائشی کو ٹکٹیں ”پہلے آیئے اور پہلے پایئے“ کی بنیاد پر دی جائیں گی۔ ٹکٹ کی بلیک مارکیٹنگ کو روکنے کیلئے آرگنائزنگ کمیٹی نے ایک سسٹم رائج کیا ہے جس کے تحت ٹکٹ کے خریدار کو اپنی ذاتی شناخت رجسٹر کرانا پڑے گی۔ منتظمین نے بتایا کہ افتتاحی اور اختتامی تقاریب کی ٹکٹیں پہلے ہی فروخت ہوچکی ہیں۔ چین کے شائقین سرکاری نرخ سے 25 گنا زیادہ ٹکٹوں کے پیسے دے رہے ہیں وہ 110 میٹرز ہرڈلز ورلڈ چیمپئن لیوژیانگ کو ٹائٹل کا دفاع کرتے ہوئے دیکھنے کے خواہشمند ہیں۔

__________________