زارا

دبئی میں کھیلے جانے والے پانچویں اور آخری ون ڈے انٹرنیشنل میچ میں جنوبی افریقہ کی ٹیم نے پاکستان کو ستاون رنز سے ہرا کر سیریز تین دو سے جیت لی۔

پاکستان کو میچ جیتنے کے لیے تین سو اٹھارہ رن کا ہدف ملا تھا لیکن پوری ٹیم دو سو ساٹھ رنز بنا کر آؤٹ ہو گئی۔

جنوبی افریقہ کی طرف سے پیٹرسن اور کالس نے تین تین کھلاڑیوں کو آؤٹ کیا۔

پاکستان کی طرف سے محمد حفیظ، عمر اکمل، شاہ زیب، عبدالرزاق اور کپتان شاہد آفریدی نے اچھا کھیل پیش کیا لیکن وہ ٹیم کو کامیابی سے ہمکنار نہ کر سکے۔

پاکستان کی پہلی وکٹ بیاسی کے سکور پر گری جب شاہ زیب کیچ آؤٹ ہو گئے۔ انھوں نے انتالیس رن بنائے۔

پاکستان کی دوسری وکٹ نوے رنز پر گِری جب یونس خان صرف تین رنز بنا کر کالس کی گیند پر وکٹ کیپر ڈویلیئر کے ہاتھوں کیچ ہو گئے۔

اس کے بعد کریز پر آنے والے محمد یوسف بھی زیادہ دیر تک وکٹ پر نہ ٹھہر سکے اور وہ بھی صرف تین رنز بنا کر کالس کی گیند پر وکٹ کے پیچے کیچ ہو گئے۔

پاکستان کی چوتھی وکٹ ایک سو ایک رنز کے مجموعی سکور پر گِری جب فواد عالم ایک رنز بنا کر ڈیل سٹین کی گیند پر وکٹ کیپر ڈویلیئر کے ہاتھوں کیچ ہوئے۔

پاکستان کی طرف سے آؤٹ ہونے والے پانچ کھلاڑی محمد حفیظ تھے جو انسٹھ رنز بنا کر بوتھا کی گیند پر کالس کے ہاتھوں کیچ ہوئے۔

پاکستان کی چھٹی وکٹ اس وقت گری جب کپتان شاہد آفریدی چوبیس رنز بنا کر پیٹرسن کی گیند پر ڈویلیئر کے ہاتھوں کیچ ہوئے۔

پاکستان کے ساتویں آؤٹ ہونے والے کھلاڑی عمر اکمل تھے جو ساٹھ رنز بنا کر ڈیل سٹین کی گیند پر گریم سمتھ کے ہاتھوں کیچ ہوئے۔

پاکستان کی آٹھویں وکٹ اس وقت گِری جب وہاب ریاض نو رنز بنا کر پیٹرسن کی گیند آؤٹ ہو گئے۔

پاکستان کے نویں آؤٹ ہونے والے کھلاڑی عبدالرزاق تھے جو انتالیس رنز بنا کر ٹٹوبے کی گیند پر بوتھا کے ہاتھوں کیچ ہوئے۔

پاکستا کی اننگز کا اختتام اس وقت ہوا جب شعیب اختر ایک رنز بنا کر پیٹرسن کی گیند پر بولڈ ہوئے۔

جنوبی افریقہ کی اننگز کے آخری اووروں میں جے پی ڈمنی اور بوتھ کے درمیان شاندار شراکت ہوئی۔ جے پی ڈمنی نے اکتالیس گیندوں پر انسٹھ رن بنائے اور آؤٹ نہیں ہوئے۔ شعیب اختر کے ایک اوور میں چار چوکوں کی مدد سے انھوں نے اٹھارہ رن بنائے۔ بوتھ بھی آؤٹ نہیں ہوئے اور انھوں نے چھبیس گیندوں پر اٹھائیس رن بنائے۔

آخری آؤٹ ہونے والے کھلاڑی انگرم تھے جو رن آؤٹ ہوئے۔ انگرم ایک رن لینا چاہتے تھے لیکن عبدالرحمان نے تیزی سے گیند فیلڈ کرکے وکٹ پر مار دی۔ ان کا نشانہ ٹھیک بیٹھا اور انگرم چند انچوں کی دوری سے رن آؤٹ ہو گئے۔

اس سے قبل ژاک کیلس تراسی رن بنا کر آفریدی کی گیند پر وہاب ریاض کے ہاتھوں کیچ آؤٹ ہوئے۔ وہاب نے زقند لگا کر ژاک کیلس کا کیچ پکڑا جو ان سے چند قدموں کی دوری پر تھا۔ ژاک کیلس نے اس میچ میں اپنی فارم میں واپس آئے اور انھوں نے ایک روزہ میچوں میں اپنی اسیویں نصف سنچری بنائی۔

ڈی ویلیئرز آؤٹ ہونے والے تیسرے کھلاڑی تھے جو 61 رنز بنا کر محمد حفیظ کی گیند پر یونس خان کے ہاتھوں کیچ آؤٹ ہوئے۔

جنوبی افریقہ کی طرف سے ہاشم آملہ اور گریم سمتھ نے بڑی تیزی سے اننگز کا آغاز کیا تھا اور پہلے چار اوور میں چھتس رن بنائے تھے۔ ہاشم آملہ نے میچ کے پہلے اوور کی پہلی گیند پر چوکا لگا کر اپنا کھاتہ کھولا تھا۔ لیکن پانچویں اوور میں سمتھ شعیب اختر کی ایک گیند پر اونچا شاٹ کھیلتے ہوئے کیچ آؤٹ ہو گئے۔

سمتھ کی جگہ ژاک کیلس کھیلنے آئے لیکن انھوں نے رن بنانے کی رفتار کو برقرار رکھا اور پہلے دس اوور میں جنوبی افریقہ کا مجموعی سکور تہتر رن تک پہنچا دیا۔ آملہ اور کیلس کے درمیان شراکت کے پہلے پچاس رن صرف چھیالیس گیندوں پر بنے۔

ہاشم آملہ چودہویں اوور میں کپتان شاہد آفریدی کی گیند پر ایک اونچا شاٹ کھیلتے ہوئے باونڈری پر کھڑے شعیب اختر کے ہاتھوں کیچ آؤٹ ہو گئے۔

ہاشم آملہ ان دنوں شاندار فارم میں ہیں۔ اس میچ میں بھی انھوں نے اپنا بھرپور جوہر دکھایا اور باسٹھ رن صرف چھیالیس گیندوں پر بنائے۔ آملہ کے آؤٹ ہونے کے بعد رن بنانے کی رفتار میں کمی آئی۔ اور سولہوں اوور میں جنوبی افریقہ نے پہلے سو رن بنالیے۔

پاکستان ٹیم میں وکٹ کیپر ذوالقرنین حیدر کی جگہ عمر اکمل کو کھلایا گیا ہے۔ وکٹ کیپر پراسرار طور پر اپنے ہوٹل کے کمرے سے غائب ہو گئے ہیں اور ٹیم انتظامیہ کو اس بارے میں کچھ علم نہیں ہے۔

ذوالقرنین حیدر نے چوتھے ایک روزہ میچ میں آخری اوور میں پاکستان کی فتح میں اہم کردار ادا کیا تھا اور ان کی وجہ سے پاکستان مطلوبہ ہدف حاصل کرنے میں کامیاب ہو گیا تھا۔

بی بی سی اُردو

__________________

یاسر عمران مرزا

کیلس ان کی جیت میں‌ مرکزی کردار ہے۔ لیکن اس کے ساتھ ساتھ ٹیم ورک بھی ہے۔

زارا

بالکل اور کہتے ہیں نہ کہ اِتفاق میں برکتہے تو یہاں بھی وہی معاملہ ہے