عبدالقدوس

دورئہ آسٹریلیا : پریکٹس میچ میں سنتھ جے سوریا کے دھواں دار 156رنز

سری لنکا نے دورئہ آسٹریلیا کا آغاز حوصلہ افزا طریقے سے کرتے ہوئے چیئرمین کرکٹ آسٹریلیا الیون کے خلاف تین روزہ میچ کے پہلے دن چاروکٹ پر355 رنز اسکور کرلیے، میچ کی خاص بات تجربہ کار اوپنر سنتھ جے سوریا کی شاندار سنچری تھی انہوں نے154 رنز بنائے 153 گیندوں پر مشتمل ان کی دھواں دار اننگز میں چھ چھکے اور16چوکے شامل تھے، لیگ اسپنر کیولن بیلی جے سوریا کی ستم گری کا خاص نشانہ تھے ، ایک موقع پر انہوں نے بیلی کی صرف 10 گیندوں پر36 رنز اسکور کیے۔ سابق کپتان اور آخری لمحات میں ٹیم میں شامل کیے جانے والے اسٹائلش بیٹسمین اتاپتو نے بھی سری لنکن ٹیم میں شاندار انداز میں کم بیک کرتے ہوئے پہلی ہی میچ میں56 رنز بنا کر اپنی فٹنس اور فارم ثابت کردی۔ انہوں نے انتہائی پراعتماد طریقے سے کھیلتے ہوئے140 گیندوں پر56 رنز بنائے۔مائیکل وینڈورٹ نے55 رنز بنائے، دن کے اختتام پر سماراویرا 53 پر ناٹ آؤٹ تھے ۔جے وردھنے کوئی رن نہ بناسکے جبکہ کمار سنگاکارا ایک رن بنا کر ہیمسٹرنگ انجری کے سبب ریٹائرڈ ہرٹ ہوئے ۔

بشکریہ
جنگ

__________________