تفسیر حیدر

بھارتی کپتان مہندراسنگھ دھونی کے حوالے سے میڈیامیں خبر گردش کر رہی ہے کہ انہوں نے سلیکشن کمیٹی کی جانب سے روڑا پرتاب سنگھ کو ایک روزہ اسکواڈ میں شامل نہ کئے جانے پر احتجاجا کپتانی چھوڑنے کی پیشکش کی ہے ۔ انڈین کرکٹ بورڈ نے اطلا عات کو غلط قرار دیتے ہوئے اس بات کی تردید کی ہے ۔ٹیلی ویژن اطلاعات کے مطابق انگلینڈ اور بھارت کے درمیان چوتھے ایک روزہ میچ کے لئے سلیکشن کمیٹی اور کپتان دھونی کے درمیان جمعرات کو ہونے والی میٹنگ میں ٹیم کے انتخاب پر اختلافات ہو گئے جس کے بعد انہوں نے قیادت چھوڑنے کے لئے مستعفی ہونے کی پیشکش کی ہے ۔ٹی وی رپورٹ میں کہا گیا ہے کہ دھونی آر پی سنگھ کو سلیکشن کمیٹی کی جانب سے ڈراپ کرنے اور عرفان پٹھان کو ٹیم میں شامل کرنے پر ناخوش تھے اور اس بات پر انہوں نے مستعفی ہونے کی پیشکش کر دی ۔بھارتی کرکٹ بورڈ کی جانب سے فوری طور پر ان اطلاعات کی تردید کی گئی ہے ۔بی سی سی آئی کے سیکرٹری این سری نویسان نے کہا کہ ہم ان اطلاعات کے بارے میں کوئی زمہ داری نہیں لیتے اور یہ صرف افواہیں ہیں ۔