زبیر

پاکستان کرکٹ بورڈ نے اوپننگ بیٹسمین سلمان بٹ کو پاکستانی کرکٹ ٹیم کا نیا نائب کپتان مقرر کردیا ہے یہ تقرری اس سال دسمبر تک کی گئی ہے۔

پاکستان کرکٹ بورڈ کے چیئرمین ڈاکٹر نسیم اشرف نے اتوار کو ایڈہاک کمیٹی کے اجلاس کے بعد صحافیوں کو بتایا کہ مستقبل میں کپتانی کو ذہن میں رکھ کر سلمان بٹ کو تیار کیا جارہا ہے، وہ نوجوان ہیں اور ٹیم میں ان کی جگہ بھی بنی ہوئی ہے۔

واضح رہے کہ ابوظہبی میں سری لنکا کے خلاف سیریز میں محمد آصف کو نائب کپتان مقرر کیا گیا تھا۔ ڈاکٹر نسیم اشرف سے جب یہ سوال کیا گیا کہ کیا پاکستان کرکٹ بورڈ نے محمد آصف میں قائدانہ صلاحیت نہ دیکھتے ہوئے ان پر عدم اعتماد ظاہر کیا ہے تو انہوں نے کہا کہ سلمان بٹ پر ایڈہاک کمیٹی نے متفقہ طور پر اعتماد کیا ہے جہانتک محمد آصف کا تعلق ہے تو وہ نوجوان ہیں اور ٹیم کے لئے کھیلتے ہیں اور انہیں بھی اس بات کا پتہ تھا کہ انہیں صرف ایک سیریز کے لئے نائب کپتان بنایا گیا تھا۔

پاکستان کرکٹ بورڈ ورلڈ کپ کے بعد یونس خان کو قیادت کی ذمہ داری سونپنا چاہتا تھا لیکن ان کے انکار کے بعد اب بورڈ مختلف کھلاڑیوں کو مستقبل کے لئے تیار کر رہا ہے ساتھ ہی اس نے یہ بھی واضح کردیا ہے کہ یونس خان کو آئندہ کپتانی نہیں دی جائے گی۔

شعیب ملک کو بھی اس سال کے اواخر تک قیادت کی ذمہ داری سونپی گئی ہے۔ سلمان بٹ کی مدت بھی اتنی ہی ہوگی جس میں ٹوئنٹی ٹوئنٹی کپ، جنوبی افریقہ کے خلاف ہوم سیریز اور بھارت کا دورہ شامل ہے۔

بائیس سالہ سلمان بٹ اب تک ٹیم میں مستقل جگہ نہیں بناسکے تھے۔ انہوں نے14 ٹیسٹ میچوں میں2 سنچریوں اور4 نصف سنچریوں کی مدد سے777 رنز بنائے ہیں جبکہ36 ون ڈے انٹرنیشنل میں 3سنچریوں اور4 نصف سنچریوں کی مدد سے ان کے 1072 رن ہیں۔
سورس bbc

__________________
[SIGPIC][/SIGPIC]

عبدالقدوس

بیچارا سلمان بٹ

زبیر

مجھے لگتا ہے اس کی ٹیم سے پکی چھٹی کرنے کا اردہ ہے

عبدالقدوس

اس لیے تو میں‌نے بیچارا لفط استعمال کیا تھا

زبیر

چلو دیکھتے ہیں کیا ہوتا ہے ویسے یونس بھی ٹیم میں واپس آگیا ہے

محمدعدنان

آلوجی

وقار احمد

بہت اچھی بات ہے نوجوانوں کو موقع ملنا چاہیئے

محمدعدنان

Good

سعید ادریس

جس بندے کی سلیکشن بھی مشکل تھی جو ٹیم سےبھی آؤٹ تھا، وہ آج کا نائب کپتان
اچھا پلئر مگر اسٹنما سے محروم، مینٹلی ویک، میرا خیال ہے کہ صرف 23ایوریج کا پلئر ہے اس سے آگے کا نہیں

منتظمین

بھائی میرے یہ پاکستان ہے ۔۔ یہاں پر کچھ بھی ممکن ہے۔۔یہ تو کسی کو بھی کپتان بنا سکتے ہیں۔۔ جس کو یہ بھی نہ پتہ ہو کہ ایک اور میں گیند کتنے ہوتے ہیں۔۔

__________________
تم سپاہی نہیں ہو پیشہ ور قاتلو!

عبدالقدوس

اس کو کرکٹ بورڈ کا چیرمین بنا دیتے ہیں یہ

پاکستانی لڑکی

صحیح کہا! پر اس وقت تو سب ھی ایک ھی جیسے ھیں!