champion_pakistani

قومی کرکٹ ٹیم کے کپتان شعیب ملک نے کہا ہے کہ سلیکٹرز نے ٹورنٹو ٹورنامنٹ کے لئے ٹیم کا انتخاب ان کی مشاورت کے بغیر کیا۔ وہ کینیڈا سے لاہور پہنچنے پر میڈیا سے بات چیت کر رہے تھے۔

شعیب ملک نے کہا کہ سلیکٹرز نے ٹورنٹو ٹورنامنٹ کے لئے ٹیم کے انتخاب کے سلسلے میں ان سے مشورہ نہیں کیا تھا۔ ان کا کہنا تھا کہ ٹیم نے فائنل میں دس سے پندرہ رنز کم سکور کئے جبکہ باولرز بھی اچھی پرفارمنس نہیں دے سکے۔

قومی ٹیم کے کپتان نے توقع ظاہر کی کہ ویسٹ انڈیز کے خلاف ہونے والی سیریز میں ٹیم اچھی کارکردگی کا مظاہرہ کرے گی۔ شعیب ملک نے اگلے برس آئی سی سی چیمپیئنز ٹرافی پاکستان میں ہی کرانے کو خوش آئند قرار دیا۔

قومی ٹیم کے کوچ جیف لاسن کا کہنا تھا کہ ان کو کوچ برقرار رکھنے کا فیصلہ چیئرمین بورڈ نے کرنا ہے۔ ٹورنٹو ٹورنامنٹ کے حوالے سے انہوں نے کہا کہ شکست کی ذمہ دار پوری ٹیم ہے کسی ایک کو مورد الزام نہیں ٹھرایا جا سکتا۔

کوچ نے کہا کہ سلیکٹرز کو ٹیم کے انتخاب میں کپتان سے مشاورت کرنی چاہیے۔ ان کا کہنا تھا کہ پاکستان میں ایسے حالات پیدا کئے جائیں کہ یہاں زیادہ سے زیادہ کرکٹ ہو سکے۔
شکریہ جیو نیوز۔۔۔