champion_pakistani

السلام علیکم
لاہور ہائیکورٹ نے فاسٹ باؤلر شعیب اختر کے نامناسب رویے اور ڈانس پارٹیوں میں شرکت سے متعلق پاکستان کرکٹ بورڈ کی متفرق درخواست پر پی سی بی سے ریکارڈ طلب کر لیا۔لاہور ہائیکورٹ کے چیف جسٹس سید زاہد حسین شعیب اختر کیس کی سماعت کر رہے ہیں۔ کرکٹ بورڈ کے وکیل تفضل حیدر رضوی نے عدالت میں ایک متفرق درخواست دائر کی، جس میں موقف اختیار کیا گیا کہ شعیب اختر نے عدالت کے روبرو اپنے رویے میں مثبت تبدیلی لانے کا وعدہ کیا تھا، لیکن ایسا نہیں ہوا، انھوں نے بھارت جا کر ڈانس پارٹیوں میں شرکت کی اور کرکٹ بورڈ کے خلاف بیان بازی بھی کی۔ عدالت نے پی سی بی سے ثبوت کے طور پر ریکارڈ طلب کیا تو کرکٹ بورڈ کے وکیل نے وقت مانگ لیا، جس پر عدالت نے انہیں سات روز میں ریکارڈ پیش کرنے کی ہدایت کرتے ہوئے سماعت ملتوی کردی۔ پاکستان کرکٹ بورڈ نے شعیب اختر پر عائد جرمانے کی سزا کے حوالے سے رہنمائی کیلئے بھی درخواست دے رکھی ہے۔

Real_Light

لاتوں کے بھوت باتوں سے نہیں مانتے ۔۔۔ اس کو چارج ہونا چاہئے