عبدالقدوس

شعیب ملک شکست پر برہم، اوس کو وجہ قرار دیدیا

پاکستانی کرکٹ ٹیم کے کپتان شعیب ملک نے کہا ہے کہ اوس گرنا چوتھے ون ڈے میں پاکستان کی شکست کا سبب بنا۔میں نے ملتان کے گراوٴنڈز، مین سے پوچھا تھا لیکن ان کا کہنا تھا کہ اوس نہیں گررہی لیکن پہلی گیند سے اوس گررہی تھی جس نے ہمیں مشکلات سے دوچار کیا۔جمعے کو پریس کانفرنس سے خطاب کرتے ہوئے انہوں نے کہا کہ پاکستانی ٹیم کو اچھا اسٹارٹ نہ مل سکا۔وکٹ کو دیکھتے ہوئے230رنز کا ہدف برا نہ تھا۔انہوں نے کہا کہ سیریز جیتنے کے لئے آخری میچ میں تبدیلیاں ہوں گی۔شعیب ملک جو شکست کے بعد برہم دکھائی دے رہے تھے انہوں نے کہا کہ گیلی آؤٹ فیلڈ کی وجہ سے بولر اور فیلڈر مشکل میں دکھائی دیے۔پاکستان ٹیم کی خامیوں کو دور کرنے کی کوشش کی جارہی ہے۔ابھی بھارتی دورے کے بارے میں نہیں سوچاگیا۔گریم اسمتھ نے کہا کہ دوسری نئی گیند پر یونس خان کی وکٹ اہم تھی۔ہم نے جو فیصلے کئے وہ ہمارے حق میں رہے شان پولاک نے سنیئر کھلاڑی کی حیثیت سے حق ادا کردیا۔انہوں نے کہا کہ پاکستان میں دوٹرافیاں لے جانا بڑی بات ہوگی۔ہم ون ڈے سیریز بھی جیت کر جانا چاہتے ہیں۔ایک سوال کے جواب میں اسمتھ نے کہا کہ کیچ ڈراپ ہونا قسمت کی بات ہے لیکن ہم اچھا کھیل رہے ہیں۔

__________________