champion_pakistani

بھارت کے خلاف ون ڈے سیریز میں شعیب ملک کی ولولہ انگیزی سے عاری کپتانی پر سابق کپتان جاوید میاں داد نے سخت تنقید کی اور شعیب ملک کو ٹیم سے ہی باہر کر دینے کا مطالبہ کیا ۔ انہوں نے کہاکہ کسی سینئر کھلاڑی کویہ ذمہ داری دی جانی چاہیے۔ میاں داد نے سیریز میں شکست کے لیے شعیب ملک کے یکطرفہ فیصلوں کو ذمہ دار قرار دیا اور مطالبہ کیا کہ قطعی ٹیم کے انتخاب کے لیے سلیکٹر کو زیادہ اختیارات دئیے جانے چاہئیں۔ انہوں نے کہاکہ ملک وہ سب کچھ کر رہے ہیں جو وہ چاہتے ہیں۔ سلیکشن کمیٹی نے انہیں ایک ٹیم دی ہے لیکن وہ نوجوان کھلاڑیوں کو کھلانے کے بارے میں سوچ بھی نہیں رہے ہیں۔ ٹیم میں چار اسپیشلسٹ اوپنرز کی موجودگی کے باوجود انہوں نے کامران اکمل، شاہد آفریدی اور خود کو آزمایا ہے۔

محمدعدنان

بات بالکل ٹھیک ہے میانداد کی کہ شعیب ملک تمام سیریز کے دوران کافی پریشر اور ڈپریشن کا شکار نظر آئے اور ان کی اپنی پرفارمنس بھی بہت بری طرح متاثر ہوئی اور میرے خیال سے ان کو کپتانی سے ہٹایا جائے اور کوئی اور کپتان بنایا جائے لیکن یونس خان کو ہر گز کپتان نہ بنایا جائے

__________________