محمدعدنان

بشکریہ بی بی سی

پاکستان کرکٹ بورڈ نے بدھ کے روز سری لنکا کے خلاف پانچ ون ڈے انٹرنیشنل میچوں کی سیریز کے لیے سولہ رکنی ٹیم کا اعلان کردیا ہے۔

آئی سی ایل چھوڑ کر پاکستان کرکٹ بورڈ کو اپنی دستیابی پیش کرنے والے عمران نذیر اور رانا نوید الحسن ٹیم میں جگہ بنانے میں کامیاب ہوگئے ہیں۔

ان کے علاوہ ناصر جمشید، عمراکمل اور راؤ افتخار بھی سلیکٹرز کا اعتماد حاصل کرنے میں کامیاب ہوگئے ہیں۔شاہد آفریدی کی بھی واپسی ہوئی ہے انہوں نے ذاتی وجوہات کی بنا پر ٹیسٹ سیریز کھیلنے سے معذرت کرلی تھی۔

عمراکمل نے پاکستان اے کرکٹ ٹیم کے آسٹریلیا کے حالیہ دورے میں شاندار کارکردگی کا مظاہرہ کرتے ہوئے تین سنچریاں سکور کی ہیں۔ٹیسٹ اسکواڈ میں شامل سلمان بٹ، خرم منظور، دانش کنیریا، فیصل اقبال اور عبدالرؤف کو ڈراپ کردیا گیا ہے۔

پاکستان کی سولہ رکنی ون ڈے ٹیم ان کھلاڑیوں پر مشتمل ہے۔ یونس خان ( کپتان ) ، عمران نذیر، ناصر جمشید، محمد یوسف، مصباح الحق، شعیب ملک، کامران اکمل، شاہد آفریدی، عمرگل، سعید اجمل، محمد عامر، رانانوید الحسن، عبدالرزاق، عمراکمل، فواد عالم اور راؤ افتخار۔
پاکستان اور سری لنکا کے درمیان پہلا ون ڈے انٹرنیشنل میچ تیس جولائی کو دمبولا میں کھیلا جائے گا۔

پاکستان کرکٹ بورڈ نے اس سال ستمبر میں جنوبی افریقہ میں ہونے والی چیمپئنز ٹرافی کے لیے تیس ممکنہ کھلاڑیوں کے ناموں کا اعلان بھی کردیا ہے۔

فاسٹ باؤلر شعیب اختر جن کے بارے میں عبوری چیف سلیکٹر وسیم باری نے یہ کہا تھا کہ ان کے نام پر غور کیا جائے گا اسکواڈ میں شامل نہیں ہیں البتہ ممنوعہ ادویات استعمال کرنے کی پاداش میں ایک سال کی پابندی کی سزا بھگتنے والے محمد آصف کی واپسی ہوئی ہے۔ ان پر عائد پابندی ستمبر میں ختم ہوگی۔

تیس ممکنہ کھلاڑیوں میں جن نئے چہروں کو جگہ ملی ہے ان میں اظہر علی۔ عمراکمل۔ شہریار غنی اور محمد طلحہ شامل ہیں۔

چیمپئنز ٹرافی کے لیے پاکستان کی حتمی ٹیم کا اعلان اگست میں کیا جائے گا۔

champion_pakistani

اچھی خبر ہے ۔۔آپ کا بہت بہت شکریہ

محمدعدنان

آپ کا بھی بہت شکریہ وسیم بھائی

تفسیر حیدر

مڈل آرڈر میں اب 4 بیٹسمین ہوگئے ہیں
یونس، یوسف، مصباخ،ملک۔
اب سوال یہ ہے کون سے 3 کو کھلایا جائے اور کسے ڈراپ کیا جائے؟

تفسیر حیدر

آپ لوگوں کے خیال میں ٹیم کمبینیشن کیا ہو گا؟

ghanmi

عمران نذیر اور عبدالرزاق کو شامل ہونے سے ٹیم مضبوط ہوگی ۔۔

محمدعدنان

میرے خیال سے تو ملک اور یونس دونوں کو ٹیم سے آئوٹ کردینا چاہئیے ان لوگوں نے ٹیم کا بیڑہ غرق کردیا ہے

ghanmi

ویسے آپ کی بات بھی ٹھیک ہے ۔ لیکن بحیثیت کپتان یونس خان برا نہیں ہے ۔۔ البتہ اس نے تقریبا سبھی میچوں میں عمدہ بولنگ کروائی اور شاید بیثنگ پر زیادہ توجہ نہ دے سکا ۔
شعیب ملک کو آوٹ کرنا چاہیے ۔۔

محمدعدنان

دونوں کا آئوٹ ہونا ہی ٹیم کے حق میں اچھا ہے