محمدعدنان

بشکریہ بی بی سی

انیس سالہ نوجوان باصلاحیت بیٹسمین عمراکمل کے لئے آسٹریلیا اے کے خلاف شاندار کارکردگی کے باوجود پاکستانی کرکٹ ٹیم میں شمولیت کی خبر خوشگوار حیرت لیے ہوئے تھی۔

تیس جولائی سےسری لنکا کے خلاف شروع ہونے والی پانچ ون ڈے انٹرنیشنل میچوں کی سیریز کے لیے جس سولہ رکنی ٹیم کا اعلان کیا گیا ہے ان میں عمراکمل بھی شامل ہیں۔

عمراکمل کا تعارف فوری طور پر اسطرح سامنے آتا ہے کہ وہ پاکستانی ٹیم کے وکٹ کیپر کامران اکمل کے چھوٹے بھائی ہیں ۔ان کے ایک اور بھائی عدنان اکمل بھی فرسٹ کلاس کرکٹ میں وکٹ کیپر کی حیثیت سے کھیل رہے ہیں لیکن عمراکمل نے اپنے مختصر سے فرسٹ کلاس کریئر میں بڑی تیزی سے سلیکٹرز کی توجہ اپنی جانب مبذول کرائی ہے۔

وہ گزشتہ سال ملائشیا میں منعقدہ جونیئر ورلڈ کھیلنے والی پاکستانی ٹیم میں شامل تھے تاہم پانچ میچوں میں قابل ذکر کارکردگی نہ دکھاسکے البتہ سری لنکا میں کھیلی گئی سہ فریقی سیریز میں وہ 255 رنز کے ساتھ ٹاپ اسکورر تھے۔

پاکستان اے ٹیم کے حالیہ آسٹریلوی دورے میں عمراکمل نے چار روزہ میچوں میں دو سنچریاں اسکور کیں جبکہ ایک سنچری ون ڈے میں بنائی۔

عمراکمل کہتے ہیں ’وہاں کی وکٹیں تیز تھیں۔ یہ بھی ہوا کہ ابتدائی وکٹیں جلد گرگئیں۔ اسوقت میں یہی دعا کرتا تھا کہ ان کی بیٹنگ ٹیم کے کام آسکے اور ایسا ہی ہوا۔ البتہ ایک بار ایسا ہوا کہ میں نے اپنے لیے کھیلنے کی کوشش کی لیکن جلد آؤٹ ہوگیا۔ اسوقت احساس ہوا کہ اپنے لیے نہیں بلکہ ٹیم کے لئے کھیلنا بہتر ہے۔‘

عمراکمل نے ابتدا میں وکٹ کیپنگ بھی کی۔ لیکن پھر بڑے بھائی کے کہنے پر وکٹ کیپنگ گلوز اتار کر رکھ دیئے۔

’ کامی بھائی نے مجھے کہا کہ بیٹنگ پر توجہ رکھو۔ میں نے آف اسپن بولنگ بھی کی ہے اور اس میں بھی کامیاب رہا ہوں۔‘

عمراکمل کے خیال میں عدنان اکمل ، کامران سے بہتر کرکٹر ہیں۔ ’عدنان کی کارکردگی بھی ہر سیزن میں اچھی رہی ہے لیکن ابھی تک انہیں پاکستانی ٹیم میں آنے کا موقع نہیں ملا ہے ان کی خواہش ہے کہ وہ بھی ٹیم میں آئیں۔‘

اس سوال پر کہ اگر آپ کی یہ دعا قبول ہوتی ہے تو پھر کامران کو جگہ چھوڑنی پڑے گی؟ عمراکمل کا فوراً جواب سامنے آیا’نہیں ایسی بات نہیں ہے عدنان بھی اے ٹیم کی طرف سے اچھی کارکردگی کا مظاہرہ کررہے ہیں۔‘

عمراکمل گھر میں چھوٹا ہونے کے ناتے سب کے لاڈلے ہیں لیکن گھر میں کس کی بات مانی جاتی ہے؟ اس سوال پر وہ کامران کا نام لیتے ہوئے کہتے ہیں’ ظاہر ہے کہ وہ بڑے ہیں لہذا ان کی بات سنی جاتی ہے۔‘

عمراکمل کو اپنے بھائیوں پر فخر ہے کہ وہ کرکٹ کے معاملے میں ان کی ہروقت رہنمائی کرتے رہے ہیں۔

عمراکمل کو جب یہ یاد دلایا گیا کہ وہ فرسٹ کلاس کرکٹ کی پہلی ہی اننگز میں صفر پر آؤٹ ہوئے تھے تو انہوں نے کہا ’جب میں صفر پر آؤٹ ہوا تویہ سوچ رہا تھا کہ گھروالوں کو کیا بتاؤں گا لیکن انہیں پہلے ہی پتہ چل گیا تھا لیکن انہوں نے مایوسی کے بجائے حوصلہ دیا۔ خاص کر کامی بھائی کا کہنا تھا کہ بڑے بڑے کھلاڑی پہلی اننگز میں صفر پر آؤٹ ہوئے ہیں لیکن انہوں نے ہمت نہیں ہاری اگر تم بھی ہمت ہارگئے تو قدم نہیں جماسکوگے۔

champion_pakistani

عدنان بھائی بہت اچھا کام پیش کیا ہے شکریہ

محمدعدنان

وسیم بھائی آپ کا بہت شکریہ

candid

بہت شکریہ عدنان بھائی عمر اکمل کے بارے میں معلومات فراھم کرنے کا

ایس اے نقوی

عدنان بھائی پہلی بار معذرت کیونکہ مجھے اس کھیل میں کوئی دلچسپی نہ ہے اور نہ میں اس کے بارے میں معلومات رکھتا ہوں اس لئے اس تھریڈ سے غریب کو اجازت دی جائے شکریہ

champion_pakistani

او جا یارا۔۔۔۔۔۔۔۔۔۔۔۔۔۔۔۔۔سید انجم شاہ

ایس اے نقوی

یعنی کے سرعام بستی ہو گئی میری چلو کوئی گل نئی نوئی گل تھوڑی اے