خرم شہزاد خرم

ملتان(نمائندہ خصوصی)ملک میں سیکورٹی کی صورتحال اور کراچی میں بم دھماکے کے بعد ملتان میں سیکورٹی ریڈ الرٹ ہے۔ملتان اسٹیڈیم قلعے کا منظر پیش کررہا ہے۔اسٹیڈیم کے اندر پولیس کی بڑی تعداد تعینات ہے۔جبکہ اسٹیڈیم کے باہر ہر طرف پولیس موجود ہے۔اوپر تلے ہونے والی دہشت گردی کے واقعات کی وجہ سے حکام کو ئی خطرہ مول لینے کو تیار نہیں ہے۔پاکستان اور جنوبی افریقا کے درمیان ملتان کا ون ڈے انٹر نیشنل ڈے اینڈ نائٹ ہوگا اور سیریز میں پہلی بار میچ دوپہر ڈیڑھ بجے شروع ہوکر رات ساڑھے نو بجے ختم ہوگا۔یہ فیصلہ جمعے کی نماز کی وجہ سے کیا گیا ہے۔پاکستان کرکٹ بورڈ نے اوس کی وجہ سے ابتدائی تین میچ صبح ساڑھے گیارہ بجے شروع کرائے تھے۔ملتان میں سیریز کے چوتھے اور اہم ترین میچ کی پہلی اننگز دن میں کھیلی جائے گی اور دوسری اننگز فلڈ لائٹس میں ہوگی۔پنجاب میں سردیوں کی آمد آمدہے لیکن ملتان میں موسم گرم ہے تاہم شام کو گرمی کی شدت کم ہوجاتی ہے۔اس لئے رات میں فیلڈنگ کرنے والی ٹیم کو فائدہ ہوسکتا ہے۔

__________________