Real_Light

نیوزی لینڈ سیریز کیلئے کھلاڑیوں کی فہرست کو حتمی شکل

لاہور: قومی سلیکشن کمیٹی نے نیوزی لینڈ کے خلاف ون ڈے اور ٹیسٹ سیریز کے لئے سینتیس کھلاڑیوں کی فہرست کو حتمی شکل دے دی ہے۔چیف سلیکٹر اقبال قاسم نے قذافی اسٹیڈیم لاہور میں پی سی بی کے چیئرمین اعجاز بٹ سے ملاقات کی اور کھلاڑیوں کی ابتدائی فہرست کے بارے میں انہیں بریفنگ دی۔

پی سی بی نے نیوزی لینڈ کے ویزوں کے طویل پروسیس کی بناء پر سلیکشن کمیٹی کو کھلاڑیوں کی فہرست تیار کرنے کی ہدایت کی تھی تاکہ بروقت ویزے حاصل کئے جا سکیں۔ قومی کرکٹ ٹیم یو اے ای میں تین ون ڈے اور دو ٹوئنٹی ٹوئنٹی میچوں کی سیریز کھیلنے کے بعد ہوم ٹیسٹ سیریز کھیلنے نیوزی لینڈ جائے گی۔

__________________

Real_Light

پاک نیوزی لینڈسیریز:مصباح الحق پچیس کھلاڑیوں میں شامل نہیں
لاہور : پاکستان نیوزی لینڈ سیریز کیلئے منتخب ابتدائی پچیس کھلاڑیوں میں مصباح الحق شامل نہیں ہیں۔
پاکستان نیوزی لینڈ سیریز کیلئے جن پچیس کھلاڑیوں کا انتخاب کیا گیا ہے ،ان میں مصباح الحق اور شعیب اختر شامل نہیں ہیں، عمران فرحت ،سلمان بٹ ،محمدطلحہ اور وہاب ریاض سلیکٹرز کا اعتماد حاصل کرنے میں کامیاب ہوئے ہیں۔

سلیکشن کمیٹی کے ممبر اعجاز احمد کا کہنا ہے کہ عمران نذیر کوکافی مواقع دیئے گئے لیکن وہ ان سے فائدہ اٹھانے میں کامیاب نہیں ہوئے۔ اس لئے کسی نئے اوپنر کو چانس دیا جائیگا۔ اظہر علی اور احمد شہزاد بہتر چوائس ہیں۔ پاکستان ٹیم نومبر میں ابوظبی میں نیوزی لینڈ کے خلاف تین ون ڈے اور دبئی میں دو ٹی ٹوئنٹی میچز کھیلے گی۔

Real_Light

ابوظہبی سیریز کیلئے نوجوان کھلاڑی آزمائے جائیں، سکندر بخت
اسلام آ باد سابق ٹیسٹ کرکٹر سکندر بخت نے کہاہے کہ پاکستان کرکٹ بورڈ نیوزی لینڈ کے خلاف سیریز میں نئے ٹیلنٹ کو آزمائے، چیمپئنز ٹرافی میں سیمی فائنل سے پہلے فائنل کی منصوبہ بندی ہورہی تھی، پاکستان نے نیوزی لینڈ کی ٹیم کو آسان سمجھا جس کی وجہ سے منی ورلڈ کپ میں شکست ہوئی۔ انہوںنے کہا کہ نیوزی لینڈ کے خلاف سیریز اس طرح کی سیریز ہے جس میں پاکستان کرکٹ بورڈ کو چاہیے کہ نئے ٹیلنٹ کو سامنے لیکر آئے اور ان کو کھیلنے کا موقع دے تاکہ وہ اپنی صلاحیتوں کا کھل کر مظاہرہ کرسکیں ۔ انہوں نے دیگر ملکوں کی مثال دیتے ہوئے کہاکہ آسٹریلیا جیسے ملک میں بھی اس طرح کی سیریز میں ٹیم کے سینئر کھلاڑیوں کو آرام دیا جاتا ہے لیکن پاکستان کرکٹ بورڈ میں یہ روایت قائم نہیں کی ۔ انہوں نے کہا کہ میں پاکستان کرکٹ بورڈ سے درخواست کرتا ہوں کہ سینئر کھلاڑیوں کو آرام کا موقع دے اور نئے کھلاڑیوں کو کھیلنے کا موقع فراہم کرے تاکہ ایک ایک کر کے تمام سینئر کھلاڑیوں کو مکمل ریسٹ مل سکے اور کسی بھی بڑے ایونٹ میں کھل کر کھلاڑی اپنی صلاحیتوں کا مظاہرہ کرسکیں ۔

چیمپئنزٹرافی میں قومی ٹیم میں شکست کے حوالے سے
اس سیریز میں شکست کا اثر نیوزی لینڈ کے خلاف سیریز میں نہیں پڑے گا ۔ قومی ٹیم میں سارے پروفیشنل کرکٹر ہیں جو ماضی میں کی گئی غلطیوں پر قابو پر کر سیریز میں شرکت کرتے ہیں ۔ انہوں نے کہاکہ چییمپئنز ٹرافی میں قومی ٹیم نے نیوزی لینڈ کی ٹیم کو آسان سمجھا اور سنے یہ بھی آیا ہے کہ سیمی فائنل سے پہلے فائنل کی منصوبہ بندی کی جارہی تھی ۔ انہوں نے کہاکہ کرکٹ میں کو ئی بھی ٹیم کمزور نہیں ہوتی جس بھی ٹیم کو کمزور سمجھا جائے وہ ہی ٹیم شکست سے دوچار کرسکتی ہے۔ پاکستان ٹیم اگر نیوزی لینڈ کے خلاف میچ میں مضبوط حکمت عملی کے ساتھ میدان میں اترتی تو قومی ٹیم کے فائنل میں پہنچنے کے امکانات روشن تھے