Real_Light

ٹوئنٹی ، 20کرکٹ : شعیب اختر اور دو کھلاڑی نائٹ کلبوں میں

کینیڈا میں 20،ٹوئنٹی کرکٹ چیمپین شپ کے موقع پر قومی کرکٹ ٹیم کے شہرہ آفاق فاسٹ بولر شعیب اختر دیگر دو کھلاڑیوں کے ہمراہ ٹورنٹو کے نائٹ کلبوں میں رات گئے تک پائے گئے جبکہ ٹیم منیجر طلعت علی راولپنڈی ایکسپریس کی ان سرگرمیوں سے مکمل طور پر باخبر ہونے کے باوجود کچھ نہ کر سکے۔

قومی کرکٹ ٹیم چار ملکی کرکٹ چیمپین شپ کے موقع پر ٹورنٹو شہر سے تقریبا 30کلو میٹر دور فائیو اسٹار ہوٹل میں دیگر ٹیموں کے ہمراہ قیام پذیر ہے جہاں 10اکتوبر کو آرگنائزنگ کمیٹی کی جانب سے ہونیوالی آفیشل ڈنر کی تقریب میں بھی متعدد کھلاڑی غائب پائے گئے تھے ۔ قومی ٹیم کے منیجر طلعت علی نے قومی کھلاڑیوں کو ڈسپلن پر عملدرآمد کرانے کی بجائے کھلی چھٹی دے رکھی ہوئی ہے جس کے باعث متعدد کھلاڑی اگلے روز میچ ہونے کے باوجود رات گئے تک ہوٹلوں سے باہر پائے گئے۔

قومی ٹیم کے شہرہ آفاق فاسٹ بولر شعیب اختر دیگر دو کھلاڑیوں کے ہمراہ گزشتہ شب ٹورنٹو میں ڈاون ٹاون کے علاقے میں قائم نائٹ کلب "دس از لندن"میں رات گئے تک پائے گئے جبکہ اس دوران وہ مختلف مشروبات بھی نوش کرتے رہے جبکہ رات کے تین بج جانے کے بعد راولپنڈی ایکسپریس یک دم نائٹ کلب سے غائب ہو گئے جس کے باعث فاسٹ بولر کو پروٹوکول دینے والے عملے کو سخت پریشانی کا سامنا کرنا پڑا تاہم الصبح چار بجے کے قریب شعیب اختر مدہوش حالت میں نائٹ کلب میں دوبارہ آئے جنہیں آرگنائزنگ کمیٹی کے پروٹوکول عملے نے فوری طور پر ہوٹل جانے کی درخواست کی اور بتایا کہ ان کی ٹیم کا صبح میچ ہے تاہم اس کے باجود شعیب اختر نے نائٹ کلب مزید رکنے کا اصرار کیا لیکن پروٹوکول عملے نے انہیں زبردستی گاڑی میں بیٹھا کر ہوٹل تک پنچایا ۔

قومی ٹیم کے منیجر طلعت علی کو دورہ کینیڈا کے موقع پرآرگنائزنگ کمیٹی نے قومی کھلاڑیوں کی ہونیوالی غیر اخلاقی سرگرمیوں کے حوالے سے پہلے ہی آگاہ کر دیا تھا تاہم وہ گزشتہ شب ہونیوالے واقعہ سے آگاہ ہونے کے باوجود لا علمی کا اظہار کرتے رہے ۔دریں اثناء کینیڈا میں مقیم بڑی تعداد میں کرکٹ شایقین نے شعیب اختر اور دیگر کھلاڑیوں کے ٹورنٹو کے نائٹ کلبوں میں پائے جانے اور نشے میں مدہوش ہونے کے اقدام پر سخت افسوس اور تشویش کا اظہار کرتے ہوئے کہا ہے کہ ایسا لگتا ہے کہ کھلاڑیوں پر ٹیم مینجمنٹ اور پاکستان کرکٹ بورڈ کا کوئی کنٹرول نہیں ہے جبکہ قومی کھلاڑیوں کے ایسے اقدام سے کینیڈا میں پاکستان کی جگ ہنسائی ہوئی ہے

__________________

منتظمین

یہ کرکٹ ہے کوئی مقدس پیشہ تو نہیں۔۔۔۔ اپ لوگ ہی ان کو سرآنکھوں‌پر بیھٹاتے ہیں۔

Real_Light

ہاہا ہا۔۔۔۔۔ زبردست۔۔۔۔

بہت اچھے خیالات کا اظہار فرمایا ۔۔۔

واقعی یہ ہم ہی تو ہیں‌جنہوں نے ایسے ایسے افراد کو سر پر چڑھا رکھا ہے ۔۔۔

champion_pakistani

آپ کا بہت بہت شکریہ۔۔۔

محمدخلیل

تو اس میں کیا برا ہے۔۔۔۔۔۔۔۔۔ان کی اپنی بھی زندگی ہے انجوائے کریں

Real_Light

اپنے خیالات سے نوازنے کا بہت شکریہ

Real_Light

اس میں یہ قباحت ہے کہ مثال کے طور پر جس طرح آپ پاک نیٹ کے اعلٰی عہدے پر فائز ہیں تو آپ جو بھی حرکات و سکنات کرتے ہیں وہ فورم پاک نیٹ کی نمائندگی کرتی ہیں۔

اسی طرح ایک مسلمان کا ویزہ جب بیرون ملک کے لئے لگ جاتا ہے تو پھر پورے مسلمانوں کی نمائندگی کرتا ہے ۔ اس کے اٹھنے ۔ بیٹھنے کی یا کام کاج میں معمولی سی غلطی کو بھی مسلمانوں پر تھوپ دیا جائے گا۔ اور ساتھ ساتھ پورے ملک عظیم پاکستان کو موردِالزام بنایا جائے گا۔

اسی طرح جب ہمارے ملک کی نمائندگی کرتے ہوئے ۔۔۔ کھلاڑی دوسرے ممالک میں پاکستان گورنمنٹ کے خرچہ پر ۔۔ پاکستان کی نمائندگی کرتے ہوئے جاتے ہیں تو پھر وہ صرف ایک کھلاڑی نہیں ہوتا بللکہ پورے مُلک کی نمائندگی کر رہا ہوتا ہے اور پھر اگر وہ مسلمان بھی ہو تو پھر تو اور بھی سنگین معاملہ بن جاتا ہے۔

امید ہے اب اپنے جملوں‌پر غور فرمائیں‌گے۔ بہت شکریہ