champion_pakistani

سابق کپتان اور پی سی بی کے ڈائریکٹر جنرل جاوید میانداد نے چیمپئنز ٹرافی کیلیے استعمال کی جانے والی وکٹوں کو خطرناک قرار دیا ہے۔ پیر کو ایک انٹرویو میں انہوں نے کہا کہ بڑے اور اہم ٹورنامنٹ کیلے خوفناک پچز تیار کی گئی ہیں جو انٹرنیشنل کرکٹ کونسل اور اس کے رکن ممالک میں کرکٹ میں دلچسپی برقرار رکھنے میں ہرگز مددگار ثابت نہیں ہوں گی۔ بعض وکٹوں میں باؤنس مستقل نہیں گڈ لینتھ سے گیند اچانک اٹھ رہی ہے ون ڈے کرکٹ کی بقا کیلیے یہ وکٹیں کسی طرح بہتر نہیں۔ ماضی کے عظیم کرکٹر نے کہا کہ سنچورین اور جوہانسبرگ کی وکٹیں دیکھ کر مجھے حیرت ہوئی سنچورین میں ٹاس جیتنے والی ٹیم کو ایڈوانٹیج ہے ۔ آئی سی سی کو وکٹوں کی صورتحال مانیٹر کرکے مقامی کیوریٹرز سے اس بارے میں بات کرنی چاہیے۔