عدنان دانی

انگلینڈ اور پاکستان کی کرکٹ ٹیموں کے درمیان تیسرے ایک روزہ میچ میں پاکستان نے ایک دلچسپ مقابلے کے بعد انگلینڈ کے شکست دے دی ہے۔ پاکستان نے انگلینڈ کو فتح کے لیے دو سو بیالیس رن کا ہدف دیا تھا لیکن انگلینڈ کی پوری ٹیم 45.4 اوورز میں 218 رنز بنا کر آؤٹ ہو گئی۔
پاکستان کی جیت میں تیز بولر عمر گل کا اہم کردار تھا جنہوں نے 42 رنز دے کر انگلینڈ کے چھ کھلاڑیوں کو آؤٹ کیا۔

انگلینڈ کی طرف سے سٹراس اور ڈیویز نے اننگز کا آغاز کیا لیکن جب سکور پینتیس پر پہنچا تو عبدالرزاق نے ڈیویز کو بولڈ کر دیا۔

جب سکور بیالیس پر پہنچا تو شعیب اختر نے نئے بیٹسمین ٹراٹ کو بولڈ کر دیا۔ انہوں نے صرف دو رنز بنائے۔ پاکستان کی طرف سے تیسری وکٹ سعید اجمل نے حاصل کی اور روی بوپارہ کو آٹھ رنز پر آؤٹ کر دیا۔

انگلینڈ کی چوتھی وکٹ پچانویں کے سکور پر گری جب سٹراس آؤٹ ہوئے۔ انہیں عمر گل نے 57 کے سکور پر بولڈ کیا۔ پانچویں وکٹ بھی عمر گل کے حصے میں ہی آئی۔ انہوں نے یارڈی کو چار رنز پر ایل بی ڈبلیو آؤٹ کر دیا۔ اس کے بعد عمر گل انگلینڈ کی ٹیم کے لیے بہت خطرناک ثابت ہوئے اور یکے بعد دیگرے مارگن، بریسنن، براڈ اور سوان کو بھی آؤٹ کر گئے اور اس طرح انہوں نے پاکستان کو جو کہ بظاہر میچ ہارتا ہوا نظر آ رہا تھا جیت کے دہانے پر لا کھڑا کیا۔اس کے بعد عبدالرزاق میچ ختم کرنے کے لیے اپنے اوور کی صرف چار گیندیں کیں اور چوتھی گیند پر اینڈرسن کو بولڈ کر دیا۔ اس طرح پاکستان یہ میچ 23 رنز سے جیت گیا۔پاکستان کی ٹیم پچاسویں اوور میں دو سو اکتالیس رن بنا کر آؤٹ ہوئی۔ پاکستانی اننگز کی خاص بات فواد عالم کی عمدہ بلے بازی تھی۔ فواد نے چونسٹھ رنز کی ذمہ دارانہ اننگز کھیلی۔لندن میں اوول کے میدان پر کھیلے جانے والے اس میچ میں پاکستان کی ٹیم نے ٹاس جیت کر پہلے بیٹنگ کرنے کا فیصلہ کیا اور اس کی تین وکٹیں صرف اکتیس رنز پر گر چکی تھیں۔تاہم چوتھی وکٹ کے لیے اسد شفیق اور فواد عالم کے درمیان چونسٹھ رن کی شراکت ہوئی جو اسد شفیق کی چالیس رن کی انفرادی اننگز کے خاتمے کے ساتھ ہی ختم ہوئی۔ فواد عالم نے عمدہ کھیل کا مظاہرہ کرتے ہوئے نصف سنچری بنائی، انہیں یارڈی نے آؤٹ کیا۔اس کے علاوہ آٹھویں وکٹ کے لیے عمرگل اور عبدالرزاق نے بیالیس رن بنائے جو انگلینڈ کے خلاف اس وکٹ کے لیے پاکستان کی جانب سے سب سے بڑا سکور ہے۔

انگلینڈ کی جانب سے ٹم بریسنن اور جیمز اینڈرسن نے تین،تین جبکہ سٹورٹ براڈ، مائیکل یارڈی اور گریم سوان نے ایک ایک وکٹ حاصل کی۔

اس میچ کے لیے پاکستان کی ٹیم میں ایک تبدیلی کی گئی اور محمد عرفان کی جگہ عبدالرزاق کو ٹیم میں شامل کیا گیا ہے۔ پانچ ایک روزہ میچوں کی سیریز میں انگلینڈ کی ٹیم کو دو صفر کی برتری حاصل ہے۔پاکستان کی ٹیم: کامران اکمل، محمد حفیظ، محمد یوسف، اسد شفیق، عمر اکمل، شاہد آفریدی، فواد عالم، عبدالرزاق، عمرگل، شعیب اختر اور سعید اجمل انگلینڈ کی ٹیم: اینڈریو سٹراس، ایس ایم ڈیویز، جوناتھن ٹراٹ، این مورگن، روی بوپارہ، لیوک رائٹ، مائیکل یارڈی، ٹم بریسنن، گریم سوان، سٹورٹ براڈ اور جیمز اینڈرسن۔
بی بی سی اردو

__________________

اور اس نے میرے ساغر میں
مئے سرخ انڈیلی ۔۔۔ تو کہا
مت سوچو !

عدنان دانی

سب کو مبارک ہو