محمدعدنان

السلامُ علیکم!
پاکستان نے چوتھے ون ڈے میچ میں جنوبی افریقہ کو ایک وکٹ سے مات دے کر سیریز 2/2میچز سے برابر کردی ہے جو کہ یقینا قوم کی دعائوں کا نتیجہ ہے۔ ابھی آخری یعنی کہ پانچواں ون ڈے کھیلنا باقی ہے جو کہ دونوں ٹیموں کے لئے فائنل کی حیثیت اختیار کرگیا ہے کہ جو ٹیم جیتے گی سیریز کی فاتح بن جائے گی میری اللہ عزوجل سے دعا ہے کہ وہ پاکستان کو اور پاکستان کرکٹ ٹیم کو ہر امتحان میں سرخرو کرے ۔ آمین۔

لیکن مجھے ایک بات کی سمجھ نہیں آتی وہ یہ کہ ہماری کرکٹ ٹیم کے کپتان جناب شاہد خان آفریدی صاحب ہر وقت ہوا کے گھوڑے پر سوار کیوں رہتے ہیں ہر بار ایک ہی غلطی دہرا کر ٹیم کو مشکلات میں ڈال جاتے ہیں موصوف اور ان کےلئے ہدایت کی دعا کرنے کی ضرورت ہی نہیں ہے کیونکہ انہوں نے کون سا ہدایت قبول کرنی ہے ۔ ایک اتنا میچور اور تجربے کار کھلاڑی ہوتے ہوئے بچوں جیسے کام میری تو سمجھ سے بالاتر ہیں۔

ایک طرف تو تمام عالم کی ٹیمیں ورلڈ کپ کی تیاری میں مصروف ہیں لیکن ہماری ٹیم کا بھی تک اوپننگ کا مسلہ ہی حل نہیں ہوا اور اس طرح کے اور بھی کئی مسائل ہیں جو کہ حل طلب ہیں اور میرے خیال سے تب تک حل نہیں ہونگے جب تک کہ ٹیم کا انتخاب میرٹ کی بنیاد پہ نہیں کیا جائے گا یعنی کہ رشتہ داری کی بجائے میرٹ کو اور کھلاڑی کی پرفارمنس کو ترجیح دی جائے تو اسی صورت میں ایک وننگ ٹیم تشکیل پاسکتی ہے۔ میری بورڈ حکام اور سلیکٹرز سے التجا ہے کہ خدارا ٹیم کے انتخاب کے وقت میرٹ کو بنیاد بنائیں نہ کہ سفارش کو یا پرچی کو۔ اور میرا مکمل یقین ہے کہ پاکستان میں الحمدللہ ایسا ٹیلنٹ موجود ہے جو پوری دنیا سے بہتر ہے۔اور بہت سے ایسے کھلاڑی ہیں جو کہ ایک موقعے کا انتظار کررہے ہیں اور کئی ایسے ہیں جن کو صرف چند میچز کھیلا کر باہر بٹھا دیا گیا اور اس کی وجہ یہ تھی کہ وہ کھلاڑی تو اچھے ہیں مگر ان کے پاس کسی کی سفارش یا پرچی نہیں ہوتی اور اسی طرح وہ ضائع ہوجاتے ہیں۔

اس کے علاوہ فزیکل ٹریننگ اور نیٹ پریکٹس کے علاوہ کھلاڑیوں کی ذہنی اور اخلاقی تربیت کی بھی ضرورت ہے تاکہ یہ لوگ پیسہ کی خاطر ملک و قوم کی نیک نامی پہ دھبہ نہ لگائیں۔


پاکستان کی جنوبی افریقہ کے خلاف فتح اور کچھ کڑوی باتیں ۔۔۔۔۔۔ - عدنان کا بلاگ

__________________

نیلم خان

ماشاء اللہ


عدنان بھائ پیسے کی چمک بہت بری ہے اور چمک کے لئے ہی رشتوں‌کا احترام ختم ہو گیا اب رشتوں‌کا احترام ہی ختم ہو گیا تو ملک و قوم کی عزت اور وقار کا کون خیال کرتا ہے

__________________
سمندر نے سمندر ،دریا نے دریا جانا مجھے
جسکا جتنا ظرف تھا اتنا ہی پہچانا مجھے

منتظمین

عمر بڑھنے سے انسان بڑا نہیں ہو جاتا ہے۔ آفریدی اس مقولے کی جیتی جاگتی تصویر ہے۔

MANZOORALI

ہمارے ملک میں نا اہل لوگوں کو بڑی بڑی پوسٹوں پر فائز کر دیا جاتا ہے جس کا خمیازہ پوری قوم کو بھگتنا پڑتا ہے۔ اس کی ایک مثال تو جناب شاہد خان بوم بوم آفریدی صاحب ہیں ہی۔ لیکن اگر غور کریں تو پتا چلتا ہے کہ صرف یہ نہیں بلکہ کئی اور ہستیاں بھی اپنا کردار بخوبی ادا کر رہی ہیں۔ اب یہ انتظامی امور ہوں، کھیل کا میدان ہو یا پھر ہمارے تعلیمی ادارے ہر جگہ آپ کو ایسے لوگ ہی نظر آئیں گے۔ جو لوگ نئی نسل کی اخلاقی اقدار کا تعین کرنے والے ہیں اگر ان کی اپنی اخلاقی اقدار ہی مخدوش ہوں تو آئندہ نسل سے ہم کیسے اچھائی کی توقع رکھ سکتے ہیں۔ ہمیں نہ صرف اس پر سوچنا ہوگا بلکہ ہمیں آگہی دینی ہے نئی نسل کو ان اخلاقی اقدار کی جو دین اسلام نے ہمیں تعلیم کی ہیں۔ امید ہے کہ اس دوا کی صرف ایک خوراک ہی کارگر ثابت ہوگی اور ہماری قوم کو اس بیماری سے چھٹکارا نصیب ہوگا۔

پاکستانی

رات کو بالرز نے بہت اچھا کھیل پیش کیا ، آفریدی کو بھی اس بات کا یقین نہیں تھا کہ رازق کے بعد میچ جیتا جا سکتا ہے۔

__________________

زارا

ذہانت کا تعلق عمر سے نہیں تجربے سے ہوتا ہے۔

راجہ اکرام

زہانت کا تجربے سے کتنا تعلق ہوتا ہے؟؟

راجہ اکرام

بہت خوب عدنان بھائی
بات تو سچ ہے مگر ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔

زارا

شیخ سعدی کا کہنا ہے پوری بات صحیح سے یاد نہین مگرمطلب یہی ہے کہ اِنسان کی عقل و ذہانت کا تعلق عُمرسے نہیں ہوتاتجربے سے ہوتا ہے۔

__________________