محمدعدنان

ڈھاکہ میں کھیلے گئے پہلے ایک روزہ میچ میں پاکستان نے بنگلہ دیش کو پانچ وکٹ سے شکست دے دی ہے۔
بنگلہ دیش نے پاکستان کو بانوے رن کا ہدف فراہم کیا تھا جو اس نے اوور میں پانچ وکٹوں کے نقصان پر حاصل کر لیا۔

یہ ایک روزہ میچوں میں بنگلہ دیش پر پاکستان کی بیسویں لگاتار فتح ہے۔

بنگلہ دیش نے ٹاس جیت کر پہلے کھیلنے کا فیصلہ کیا جو صحیح ثابت نہ ہو سکا اور اسے پہلے ہی اوور میں اس وقت نقصان اٹھانا پڑا جب تمیم اقبال کو محمد حفیظ نے ایل بی ڈبلیو کر دیا۔

میزبان ٹیم اس دھچکے سے سنبھل نہیں پائی اور اکتیسویں اوور میں صرف اکیانوے رن بنا کر پویلین لوٹ گئی۔ پاکستان کی جانب سے شاہد آفریدی نے چھبیس رن کے عوض پانچ کھلاڑیوں کو آؤٹ کیا۔

بانوے رن کے ہدف کے تعاقب میں پاکستان کا آغاز بھی اچھا نہ تھا اور اس کی نصف ٹیم تریسٹھ کے مجموعی سکور پر پویلین لوٹ چکی تھی۔

تاہم اس موقع پر شاہد آفریدی اور مصباح الحق نے ذمہ داری سے بلے بازی کی اور مزید کسی نقصان کے بغیر مقررہ ہدف حاصل کر لیا۔آفریدی چوبیس اور مصباح سولہ رنز پر ناٹ آؤٹ رہے۔

شاہد آفریدی کو ان کی آل راؤنڈ کارکردگی پر میچ کا بہترین کھلاڑی قرار دیا گیا۔

تین ایک روزہ میچوں کی سیریز کا اگلا میچ ڈھاکہ میں ہی تین دسمبر کو کھیلا جائے گا جبکہ سیریز کا آخری میچ چھ دسمبر کو چٹاگانگ میں ہوگا۔

__________________

حیدر

بڑا اوکھا جیتے ہیں بھئی۔
اگر تھوڑا سا سکور مزید ہوتا تو پھر تو کھڈے لائن لگنے کا خطرہ ہوتا

محمدعدنان

۔

Attached Thumbnails

         

محمدعدنان

وہ تو اللہ بھلا کرے آفریدی کا جو جتوا گیا

حیدر

گزشتہ ایک سال سے آفریدی کی گُڈی بڑی چڑھی ہوئی ہے۔لگتا ہے اس کا پیر بڑا پہنچا ہوا پیر ہے۔

قاسمی

ویسے اگر دیکھاجائے تو قومی ٹیم کی بیٹنگ واقعی قابل دید تھی

مرزا عامر

63 رنز پر آدھی ٹیم کا واپس لوٹ جانا واقعی قابل دید ہوتا ہے