محمدعدنان

جیسا کہ آپ سب جانتے ہیں کہ ورلڈ کپ 2011 کا موسم شروع ہوچکا ہے اور آج سے کچھ دن بعد یعنی 19 فروری 2011کو دنیائے کرکٹ کا سب سے بڑا ایونٹ شروع ہوجائے گا اور زیادہ تر ٹیمیں ورلڈ کپ میزبان ملکوں میں‌پہنچ چکی ہیں اور وارم اپ میچز کھیلے جارہے ہیں۔ پاکستانی کرکٹ ٹیم بھی بنگلہ دیش پہنچ چکی ہے اور ورلڈ کپ کی تیاریاں شروع کرچکی ہے۔مختلف ٹیموں کے کوچز اور کپتانوں کی طرف سے طرح طرح کے بیانات سننے کو اور پڑھنے کومل رہے ہیں کہ ہم یہ کردیں گے ہم وہ کردیں گے ۔ میں غیب کا علم تو نہیں‌جانتا کہ دعوی کرسکوں کہ کون سی ٹیم ورلڈ کپ جیتے گی اور کون سی نہیں ۔ اور یہ بات بھی سب پہ عیاں ہے کہ جو ٹیم کھیل کے تمام شعبوں میں سو فیصد کارکردگی دیکھائے گی وہی ٹیم ٹائٹل جیتے گی اور وہ چاہے کوئی بھی ٹیم ہو۔

بحثیت پاکستانی میری تمام نیک خواہشات، تمنائیں اور دعائیں اپنی پاکستانی کرکٹ ٹیم کے ساتھ ہیں اور میری دلی خواہش بھی یہ ہے کہ پاکستان اب کی بار ورلڈ کپ جیت جائے (آمین)۔ لیکن اگر تمام حقائق کا جائزہ لیا جائے اور پاکستان کی گزشتہ فتوحات کا ریکارڈ دیکھا جائے تو یہ بات سمجھ میں آتی ہے کہ پاکستان نے جب بھی فتح حاصل کی اس فتح میں‌پاکستان کی بائولنگ نے کلیدی کردار ادا کیا ۔اور اس وقت پاکستانی بائولنگ کی جو پوزیشن ہے وہ بھی سب کے سامنے ہے ۔ پاکستانی ٹیم کے دوفاسٹ بائولر محمد آصف اور محمد عامر اسپاٹ فکسنگ اسکینڈل میں‌ملوث ہونے کی پاداش میں‌میں بالترتیب 7 اور 5 سال کی پابندی لگوا کر کرکٹ سے باہر بیٹھے ہوئے ہیں۔ میرے خیال سے محمد عامر کے ٹیم میں‌موجود ہونے سے پاکستان کا بائولنگ اٹیک کافی مضبوط تھا۔سہیل تنویر کو بھی ان فٹ قرار دے کر ورلڈ کپ سکواڈ سے باہر کیا جاچکا ہے ۔ شعیب اختر کی میں اب وہ پہلے والا دم خم نہیں‌رہا ۔ اور پیچھے باقی بائولرز میں عمر گل اور وہاب ریاض رہ جاتے ہیں‌اور پاکستانی ٹیم کی بائولنگ کا سارا دارومدار ابھی انہی دونوں کے کندھوں پر ہے ۔

رہ گئی بات پاکستانی بیٹنگ لائن اپ کی تو آن پیپر دیکھا جائے تو اس وقت پاکستان کے پاس سب سے اچھی بیٹنگ لائن اپ ہے ۔ لیکن میں نے اسی بیٹنگ لائن اپ کو میدان میں تاش کے پتوں کی طرح سے بکھرتے ہوئے دیکھا ہے ۔ یا سیدھی طرح یوں کہہ لیں کہ ان کا کوئی اعتبار نہیں‌ہے کہ کب کیا کردیں۔

لیکن میں‌ٹھہرا ایک سیدھا سادا پاکستانی اور میرا دل چاہتا ہے کہ میرے ملک کی ٹیم اس بار ورلڈ کپ جیت کر لائے ۔ تو میری تمام کھلاڑیوں سے التماس ہے کہ وہ تمام آپسی رنجشوں کو بھول بھال کر متحد ہوکر اور جی جان سے کھیلیں تو فتح و کامرانی ان کے قدم چومے گی ۔ اور میں اللہ عزوجل سے دعا کرتاہوں کہ وہ ہمارے کھلاڑیوں کے آپس میں‌پیار و محبت میں اضافہ فرمائے اور انہیں‌ملک کےلئے کھیلنے اور جیتنے کا حوصلہ عطا فرمائے ۔

آخر میں میں‌یہ کہوں گا کہ وش یو گڈ لک آفریدی، وش یو گڈ لک پاکستان!!!

کرکٹ ورلڈ کپ 2011- گڈ لک پاکستان | عدنان کا بلاگ

__________________

عبدالقدوس

وش یو گڈ لک پاکستان

محمدعدنان

بہت شکریہ عبدالقدوس بھائی

عدنان دانی

ہماری دعائیں پاکستان ٹیم کے ساتھ ہے، انشاللہ اس بار جیت کے لوٹیں گے

محمدعدنان

ان شاء اللہ بھائی
اللہ پاک بہتر کرے گا

شبنم

ہماری دعائیں پاکستان ٹیم کے ساتھ ہے، اس بار جیت کے لوٹیں گےانشاللہ

محمدعدنان

ان شاء اللہ ۔

عروج

انشاء اللہ ھم ھی جیتیں گے۔۔۔۔۔۔۔۔۔۔۔۔۔ ۔

محمدعدنان

ان شاء اللہ ۔

طارق راحیل

کوئی ہے جو پاکستان کی حفاظت کر سکے؟

champion_pakistani

گڈ لک پاکستان ۔

asakpke

ہم جیتیں (آمین)
یا ہاریں (اللہ نہ کرئے)
پر ہمت نہیں ہارنی (انشااللہ)
یہی ہماری جیت ہے (ماشااللہ)

قاسم شاہ

پاکستان ان شاء اللہ 92 ورلڈ کپ کی روایت دہرائے گا

جانی

جو ٹیم محنت کرے گی وہی جیتے گی خواہ کوئی بھی ہو
لیکن دل کرتا ہے کہ پاکستان جیت جائے

__________________
"السلام و علیکم" کی بجائے "السلامُ علیکم" لکھیں

کائنات

وش یو گڈ لک آفریدی، وش یو گڈ لک پاکستان!!!