خرم شہزاد خرم

کیپ ٹاؤن ٹیسٹ: ویسٹ انڈیز کے 96 پر چار آؤٹ، 16رنز کی برتری حاصل



کیپ ٹاؤن (جنگ نیوز) ویسٹ انڈیز نے جنوبی افریقہ کے خلاف دوسرے ٹیسٹ کے تیسرے روز چار وکٹ کے نقصان پر 96 رنز بنالیے،اسے ہوم سائیڈ پر 16 رنز کی برتری حاصل ہوگئی ہے جبکہ اس کی ابھی چھ وکٹیں باقی ہیں۔ دن کے اختتام پر چندر پال8 اور کرس گیل1 پر بیٹنگ کررہے تھے ۔ آؤٹ ہونے والوں میں ڈرین گنگا نے 22 ، دنیش رام دین نے32 ،مورٹن نے1 اور سموئلز نے18 رنز بنائے ۔اس سے پہلے جنوبی افیریقہ پہلی اننگز میں 321 رنز بنا کر آؤٹ ہوگئی ۔ ایشول پرنس نروس نائنٹیز کا شکار بننے والے نئے سال کے پہلے کھلاڑی بن گئے۔ انہوں نے بدقسمتی سے رن آؤٹ ہونے سے قبل شاندار بیٹنگ کا مظاہرہ کرتے ہوئے98 رنز بنائے۔ وہ 302 منٹ تک وکٹ پر موجود رہے، 225 گیندیں کھیلیں اور11 چوکے لگائے ۔ مارک باؤچر جنوبی افریقہ کے دوسرے نمایاں بیٹسمین رہے وہ 59 رنز بنا کر آؤٹ ہوئے۔ ویسٹ انڈین آل راؤنڈر وین براوو نے شاندار بولنگ کا مظاہرہ کرتے ہوئے 4 وکٹیں حاصل کیں جبکہ پاول اور جیروم ٹیلر کے حصہ میں دو دو وکٹیں آئیں اور لیوس نے ایک کھلاڑی کو آؤٹ کیا ۔