فیصل ناصر

گوہریہ مذہب بہت خطرناک فتنہ ہے اس کا بانی ریاض احمد گو ہر شاہی ہے گو ہر شاہی نے اس کا آغاز اپنی انجمن سر فرو شانِ اسلام کے نام سے کیا- علماء اسلام اس کو دین سے خارج قرار دیتے ہیں۔

اس فرقے کا طریقہ واردات اس لحاظ سے بہت پر اسرار اور خطر ناک ہے کہ نہ صرف اہلسنّت ہونے کا دعوٰی کرتے ہیں بلکہ اعلحٰضرت امام اہلسنّت مولانا شاہ احمد رضاخا ن صاحب علیہ الرحمہ کی اتباع اور عقیدت کا بھی دم بھرتا ہے فتنہ گو ہر یہ اہلسنّت کو بد نام کرنے اور نوجوانوں کو راہِ حق سے بہکانے کےلئے اہلسنّت کا لیبل لگا کر مسلمانوں کو گمراہ کرتے ہیں ۔
گو ہر شاھی نے اپنی گمراہیت ان تینوں کتابوں میں تحریر کی ہیں جنکے نام ”روحانی سفر ،روشناس اور مینارہ نور“ وغیرہ ہیں اب آپکے سامنے ان کتب کی عبا رات ثبوت کیساتھ پیش کی جارہی ہیں ۔
گو ہر شاہی اور اسکے معتقدین کے عقائد و نظر یات::
عقیدہ :نماز، روزہ ،زکوٰ ۃ اورحج کو اسلام کے وقتی رکن کہا گیا ہے کہ روزانہ پانچ ہزار مرتبہ عوام ،پچیس ہزار مرتبہ امام اور بہتر ہزار مرتبہ اولیاءکرام کو ذکر کرنا لازمی قرار دیا گیا ہے کہ ہر درجہ کے ذکر کے بغیر نماز بے فائدہ ہے اگرچہ سجدوں سے کمر کیوں نہ ٹیڑھی ہوجائے ۔(بحوالہ :کتاب :روشناس صفحہ نمبر 3)
عقیدہ :پیرو مرشد ہونے کے لئے عجیب و غریب شرط قائم کی ہے کہ اگر زیادہ سے زیادہ سات دن میں ذاکر قلبی نہ بنا دے تو وہ مرشد نا قص ہے اور اس کی صحبت سے اپنی عمر عزیز بر باد کرنا ہے ۔
(بحوالہ : کتاب :روشناس صفحہ نمبر6)
عقیدہ :حضرت آدم علیہ السلام نفس کی شرارت سے اپنی ورا ثت یعنی جنت سے نکال کر عالم
نا موت جو جنات کا عالم تھا پھینکے گئے ۔(معاذاللہ )(بحوالہ :کتاب :روشناس صفحہ 8 )
عقیدہ :حضرت آدم علیہ السلام پر یوں بہتان باندھا ہے کہ آپ جب اسم محمد صلی اللہ علیہ وسلم اللہ تعالیٰ کے نام کیساتھ لکھا دیکھا تو خیال ہوا کہ یہ محمد صلی اللہ علیہ وسلم کون ہیں ۔جواب آیا کہ تمہاری اولاد میں سے ہوں گے ۔نفس نے اُکسایا کہ یہ تیری اولا دمیں ہوکر تجھ سے بڑھ جائیں گے یہ ”بے انصافی “ہے اس خیال کے بعد آپ کو دوبارہ سزاد ی گئی۔(معاذ اللہ )(بحوالہ :کتاب :روشناس صفحہ نمبر 9)
عقیدہ :قادیانیوں اور مرزا ئیوں کو مسلمان کہا ہے البتہ جھوٹے نبی کو مان کر اصلی نبی کی شفاعت سے محروم کہا ہے ۔(بحوالہ :کتاب :روشناس صفحہ نمبر 10)
عقیدہ :اللہ تعالیٰ کا خیال ثابت کرکے اس کے علم کی نفی کی ہے ایک دن اللہ تعالیٰ کے دل میں خیال آیا کہ میں خود کو دیکھوں سامنے جو عکس پڑا تو ایک روح بن گئی اللہ اس پر عاشق اور وہ اللہ پر عاشق ہوگئی ۔(معاذاللہ )(بحوالہ :کتاب :روشناس صفحہ نمبر20)
عقیدہ :حضرت آدم علیہ السلام کی شدید ترین گستاخی اور اخیر میں ان پر شیطانی خور ہونے کا الزام لگایا ہے ۔(معاذاللہ )(بحوالہ :کتاب :مینارہ نو ر صفحہ نمبر 8 )
عقیدہ :ذکر کو نماز پر فضیلت دی ۔ذکر کا نیا طریقہ نکالا اور قرآنی آیت کے مفہوم کو بگاڑ کر اپنے باطل نظریہ پر استد لال کیا ہے ۔(بحوالہ :کتاب :مینارہ نو ر صفحہ نمبر17)
عقیدہ :جب تک حضورصلی اللہ علیہ وسلم کی زیارت کسی کو نصیب نہ ہو اسکا امتّی ہونا ثابت نہیں ۔
(بحوالہ :کتاب :مینارہ نو ر صفحہ نمبر24)
عقیدہ :قرآن مجید کی آیت کا جھوٹا حوالہ دیا گیا ہے کہ قرآن مجید میں اللہ تعالیٰ نے باربار ”دع نفسک و تعالیٰ “فرمایا ہے حالانکہ پورے قرآن مجید میں کہیں بھی اللہ تعالیٰ کا یہ فرمان وارد نہیں ہوا۔ (معاذاللہ )(بحوالہ :کتاب :مینارہ نو ر صفحہ نمبر29)
عقیدہ :علماءکی شان میں شدید ترین گستاخیاں کی گئی ہیں ایک آیت کہ جو کہ یہود سے متعلق ہے علماءو مشائخ پر چسپاں کیا ہے ۔(معاذاللہ )(بحوالہ :کتاب :مینارہ نو ر صفحہ نمبر30,31) عقیدہ :حضرت خضر علیہ السلام اور ان کے علم کی تو ہین کی گئی ہے ۔
(بحوالہ :کتاب :مینارہ نو ر صفحہ نمبر35)
عقیدہ :انبیاءکرام علیہم السلام دیدار الہٰی کو تر ستے ہیں اور یہ (اولیاءاُمّت )دیدار میں رہتے ہیں ولی نبی کا نعم البدل ہے ۔(معاذاللہ )(بحوالہ :کتاب :مینارہ نو ر صفحہ نمبر39)
گوہر شاہی اپنی کتاب روحانی سفر کے صفحہ نمبر 49تا50پر رقم طراز ہے ۔
عبارت :اتنے میں اس نے سگریٹ سلگایا اور چرس کی بو اطراف میں پھیل گئی اور مجھے اس نفرت ہونے لگی ۔رات کو الہا می صورت پیدا ہوئی یہ شخص (یعنی چرسی )ان ہزاروں عابدوں ،زاہدوں اور عالموں سے بہتر ہے جو ہر نشے سے پر ہیز کر کے عبادت میں ہوشیار ہیں لیکن بخل ،حسد اور تکبّر انکا شعار ہے اور (چرس کا )نشہ اسکی عبادت ہے ۔
(معاذ اللہ !بالکل ہی واضح طور پر نشہ کو صرف حلا ل ہی نہیں بلکہ عبادت ٹہرایا جا رہا ہے ۔)
ریاض گوہر شاہی کے نزدیک نماز اور درود شریف کی
کوئی خاص اہمیت معلوم نہیں ہوتی
جیسا کہ روحانی سفر ص 3پر اپنے بارے میں لکھتا ہے ۔
عبارت :اب گو لڑہ شریف صاحبزادہ معین الدین صاحب سے بیعت ہوا انہوں نے نمازکیساتھ ایک تسبیح درود شریف کی بتائی ۔میں نے کہا اس سے کیا ہوتا ہے کوئی ایسی عبادت ہو جو میں ہر وقت کر سکوں (یعنی (معاذاللہ )نماز اور درود شریف سے کچھ فائدہ نہیں ہوتا )۔
گوہر شاہی نے جو روحانی منازل طے کئے ہیں ان میں عورتوں کا بھی بہت زیادہ دخل ہے ۔نہ شرم ،نہ حیا ۔ا سکے روحانی سفر میں ایک مستانی کا خصو صیت کیساتھ دخل ہے ۔
عبارت :میں دن کو کبھی کبھی اس عورت کے پاس چلا جاتا وہ بھی عجیب و غریب فقر کے قصّے سناتی اور کبھی کھانا بھی کھلا دیتی ۔(بحوالہ :روحانی سفر ص 34) عبارت :کہنے لگی آج رات کیسے آگئے ۔میں نے کہا پتہ نہیں اس نے سمجھا شاید آج کی اداو ¿ں سے مجھ پر قربان ہوگیا ہے اور میرے قریب ہو کر لیٹ گئی اور پھر سینے سے چمٹ گئی ۔(بحوالہ :کتاب : روحانی سفر ص 32)
کیا اس سے زیادہ دلیری کیساتھ کوئی دشمن اسلام دینِ متین کے چہرے کو مسخ کر سکتا ہے ۔کیا شریعت مطہرہ کی تنقیص کے لئے اس سے بھی زیادہ شرمناک پیرا یہ استعمال کیا جاسکتا ہے ۔کیا اپنے مذہب ،اپنے دین ،اپنے عقائد کا اسطرح سے خون کرنے والا یہ شخص مذہبی رہنما ہوسکتا ہے ؟
آج کل گوہر شاہی کے چیلوں نے ”مہدی فاؤنڈیشن “ کے نام سے کام کرنا شروع کردیا ہے یہ جماعت دوبارہ سرگرم ہورہی ہے اس کے کارکنان دنیا بھر میں ای میل اورخطوط کے ذریعہ خباثتیں پھیلارہے ہیں اس طرح گوہر شاہی کی فتنہ انگیز جماعت دوبارہ سرگرم ہوگئی ہے ۔
مسلمانوں کو اس فتنے سے بچنا چاہیے ۔

مسافر

واہ جی واہ ۔ ۔ ۔ ۔ سبحان اللہ
نہ تو ہم بزرگو کو زندگی میں چین سے رہنے دیتے ہیں اور پردہ فرمانے کے بعد بھی انکو تنگ کرنے سے منع نہیں ہو تے

سرفروش

میں ان فتوؤں پر اس لئے کوئی تبصرہ نہیں کرنا چاہوں گا کیونکہ یہ فتوے سراسرجھوٹ، بددیانتی اور ذاتی بغض و مذہبی مخاصمت اور بلاتحقیق گھٹیا ترین جھوٹے الزامات کی بناء پر جاری کئے گئے ہیں اور اس ثبوت بھی میں آپ کو دینا چاہوں گا۔ جس سے آپ کو بخوبی اندازہ ہوجائیگا کہ فتوٰی دینے والا کس درجہ منصف مزاج اور قابل مفتی ہے۔ مندرجہ بالا اقتباس میں‌ فتوٰی دینے والے نے گھٹیا ترین الزام عائد کرتے ہوئے کہ ہے کہ
”قرآن مجید میں بار بار آیا ہے کہ ”دع نفسک وتعال“ ترجمہ: ”نفس کو چھوڑ اور چلا آ“ (بحوالہ مینارہ نور طبع اول ۱۴۰۲ھ) حالانکہ قرآن کریم میں کہیں یہ الفاظ موجود نہیں “۔

میں اس کتاب کا وہی صفحہ اس جواب کے ساتھ منسلک کررہا ہوں، جس میں یہ تحریر ہے کہ حدیث میں‌بار بار آیا ہے، جس فتوٰی دینے والے نے بددیانتی اور محض‌مذہبی مخاصمت کی بناء پر حضورسیدنا ریاض احمد گوھر شاہی مدظلہ العالیٰ کی تحریر کی تحقیق بھی ضروری نہ سمجھتے ہوئے فتوٰی صادر کردیا حالانکہ فتوٰی دینے سے پہلے لازم ہے کہ مکمل تحقیق کرلی جائے۔ قارئین اسی سے بخوبی اندازہ لگا سکتے ہیں کہ کس طرح ایک گھناؤنی سازش کے تحت حضورسیدنا ریاض احمد گوھر شاہی مدظلہ العالیٰ کی ذات اقدس کو گھناؤنے الزامات کے ذریعے متنازع بنانے کی سازشیں کی جارہی ہیں۔

مذکورہ بالا حدیث کے حوالے کے لئے ڈاکٹر طاہرالقادری کی کتاب تذکرے اور صحبتیں کا صفحہ نمبر 142 ملاحظہ کیا جاسکتا ہے۔
اللہ تعالیٰ حضورسیدنا ریاض احمد گوھر شاہی مدظلہ العالیٰ کے مخالفین کو سچ سمجھنے کی توفیق عطا فرمائے! آمین!

Attached Thumbnails

 

سرفروش

731 / 83. عَنْ أَبِي هُرَيْرَةَ رضي الله عنه قَالَ : قَالَ رَسُوْلُ اﷲ صلي الله عليه وآله وسلم : إِنَّ مِنْ عِبَادِ اﷲِ عِبَادًا لَيْسُوْا بِأَنْبِيَاءَ، يَغْبِطُهُمُ الْأَنْبِيَاءُ وَالشُّهَدَاءُ. قِيْلَ : مَنْ هُمْ لَعَلَّنَا نُحِبُّهُمْ؟ قَالَ : هُمْ قَوْمٌ تَحَابُّوْا بِرُوْحِ اﷲِ مِنْ غَيْرِ أَرْحَامٍ وَلَا إِنْتِسَابٍ، وُجُوْهُهُمْ نُوْرٌ عَلَي مَنَابِرَ مِنْ نُوْرٍ، لَا يَخَافُوْنَ إِذَا خَافَ النَّاسُ، وَلَا يَحْزَنُوْنَ إِذَا حَزِنَ النَّاسُ، ثُمَّ قَرَأَ : (أَلَا إِنَّ أَوْلِيَاءَ اﷲِ لَا خَوْفٌ عَلَيْهِمْ وَلَا هُمْ يَحْزَنُوْنَo) (يونس، 10 : 62).

رَوَاهُ ابْنُ حِبَّانَ وَأَبُوْيَعْلَي وَالْبَيْهَقِيُّ.

الحديث رقم 83 : أخرجه ابن حبان في الصحيح، 2 / 332، الرقم : 573، وأبويعلي في المسند، 10 / 495، الرقم : 6110، والبيقهي في شعب الإيمان، 6 / 485، الرقم : 8997، 8999، والمنذري في الترغيب والترهيب، 4 / 12، الرقم : 4580.

’’حضرت ابوہریرہ رضی اللہ عنہ روایت کرتے ہیں کہ حضور نبی اکرم صلی اللہ علیہ وآلہ وسلم نے فرمایا : اللہ تعالیٰ کے کچھ بندے ایسے ہیں جو انبیاء نہیں لیکن انبیاء کرام اور شہداء بھی ان پر رشک کریں گے۔ عرض کیا گیا : (یا رسول اﷲ!) وہ کون لوگ ہیں (ہمیں ان کی صفات بتائیں)؟ تاکہ ہم بھی ان سے محبت کریں۔ آپ صلی اللہ علیہ وآلہ وسلم نے فرمایا : وہ ایسے بندے ہیں جو آپس میں بغیر کسی قرابت داری اور واسطہ کے محض اللہ تعالیٰ کی خاطر محبت کرتے ہیں، ان کے چہرے پر نور ہوں گے اور وہ نور کے منبروں پر جلوہ افروز ہوں گے، انہیں کوئی خوف نہیں ہوگا جب لوگ خوفزدہ ہوں گے اور انہیں کوئی غم نہیں ہو گا جب لوگ غمزدہ ہوں گے پھر آپ صلی اللہ علیہ وآلہ وسلم نے یہ آیت تلاوت فرمائی : ’’خبردار! بے شک اولیاء اللہ پر نہ کوئی خوف ہے اور نہ وہ رنجیدہ و غمگین ہوں گے۔‘‘

طارق راحیل

بہت شکریہ۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔

فیصل ناصر

جی کس بات کا شکریہ ؟؟؟؟؟؟؟؟؟

فیصل ناصر

اولیاء اللہ اور گوہر شاہی میں وہی فرق ہے جو رحمان اور شیطان میں
اولیاء اللہ کی تعلیمات سراپا حضور صلی اللہ علیہ وآلہ وسلم کی تعلیمات کے مطابق ھیں اور یہ فتنہ تو اپنی پوجا کراتا تھا

سرفروش

اس سے زیادہ کیا کہوں کہ تم لکیر کے فقیر ہو۔ علماء سو کی تقلید میںحد سے بڑھ چکے ہو، بھینگی آنکھ کے فریب میں‌مبتلا ہو۔ دراصل فتنہ تم میں ہے کیونکہ تمہارے انداز واطوار سے پتہ چلتا ہے کہ تمہیں حقیقت کو پہنچاننے اور جاننے کی توفیق ہی نہیں‌دی گئی، یہ آیہ مبارکہ تم جیسوں کے لئے ہی ہے:
صُمٌّ بُكْمٌ عُمْيٌ فَہُمْ لَا يَرْجِعُونَ [٢:١٨]
یہ بہرے، گونگے (اور) اندھے ہیں پس وہ (راہِ راست کی طرف) نہیں لوٹیں گے،
اللہ جل شانہ تمہارے حال پر رحم فرمائے!

چیتا چالباز

آمین
سرفروش صاحب لگتا ہے آپ غصے یا جھنجھلاہٹ کا شکار ہیں جو اس قسم کی باتیں کر رہے ہیں۔ بھائی اس طرح کی باتیں وہ کرتے ہیں جن کو تقوے کا ہیضہ ہو جاتا ھے اور وہ اپنے علاوہ کسی کو مسلمان نہیں سمجھتے۔ قرآن کریم کی ہی آہت تو آپ پر بھی فٹ آتی ہے۔ برائے مہربانی کردار کشی اور کفر کے فتوے دینے کے بجائے حکمت سے اپنا مذہب واضع کریں۔

ام طلحہ

یہ کیا ہے؟
یہ آپ سرفروش کا شکریہ ادا کر رہے ہیں؟
استغفر اللہ

سرفروش

بہت‌‌خوب، تو یہ بات آپ کو اُس وقت کیوں نہیں‌سوجھیں جب اس سے بھی زیادہ بیہودہ باتیں ان جیسے دیگر ممبران نے کیں؟ کیا سارے ادب و آداب و محاسن و فرائض‌میرے ہی حصے میں‌آتے ہیں؟

چیتا چالباز

ککو بھائی سرفروش صاحب بھی ہمارے بھائی ہیں مگر ان تک جو باتیں پہنچی ہیں وہ کچھ الگ ہیں یہ ہمارا بھی فرض بنتا ہے کہ ہم ان کو حق بتائیں اور ان کی ہدایت کے لئے دعا گو رہیں. ورنہ ہمارے اس رویے سے دلبرداشتہ ہو کر حق کو کیسے پہچانیں گے.
اگرچہ بت ہیں جماعت کی آستینوں میں.
مجھے ہے حکم اذاں لااللہ الللہ

سرفروش

محترم سعود صاحب، دعا یہ کریں کہ اللہ تبارک و تعالیٰ ہم سب کو راہ حق پہنچاننے کی توفیق عطا فرمائے کیونکہ اللہ کی تائید و توفیق کے بناء‌کچھ بھی نہیں ہوسکتا ہے اور یہ میرا آزمایا ہوا نسخہ ہے۔ خصوصاماہِ رمضان کے دنوں میں‌اللہ تعالیٰ کے حضور بس ایک ہی دُعاکریں کہ اے اللہ! اس دورِ پرُفتن میں‌ہمیں اُس راہ سے شناسائی دے جوکہ صداقت و حقانیت کی طرف لے جائے۔یقینا اللہ تبارک و تعالیٰ ضرور بالضرور آپکی رہنمائی فرمائے گا۔ میں نے بھی آج سے دس سال قبل اللہ کے حضور ماہِ‌رمضان المبارک میں‌رو روکر یہی دُعا کی تھی اور اللہ کے فضل و کرم سے مجھے حضور سیدنا ریاض احمد گوھر شاہی مدظلہ العالیٰ کی نسبت و صحبت مسئیر آئی اور اُس وقت سے آج تک دل اللہ کے پاک نام کی تسبیح پڑھ رہا ہے اور فیضان گوھر شاہی کی صداقت کی گواہی دے رہا ہے اور ہونٹوں پہ یہی کلام آتا ہے کہ
اللہ تبارک وتعالیٰ ہم سب کے دلوں‌کو ہدایت کی روشنی سے معمور و منور فرمائے! آمین

چیتا چالباز

سرفروش صاحب مجھے یقین کامل ہے کے آپ قرآن کریم پر مکمل ایمان رکھتے ہوں گے اور اس کو اللہ کی آخری کتاب مانتے ہوں گے آپ کو ایک برادرانہ مشورہ ہے کہ میں نے پوسٹ کی تھی اسی فورم پر ( ہمارے متانازہ مسائل اور خدائی فیصلے- اس میں تمام حوالے قرآن کریم سے ہیں- برائے مہربانی ایک نظر اس پر بھی ڈال لیں انشااللہ بہت کچھ واضع ہو جائے گا.
آپ کا خیر اندیش

سرفروش

الحمداللہ، اللہ کے پاک کلام قرآن پاک کامل ایمان ہے اور میں‌اس ویب سائٹ کے دیگر تھریڈز کے ساتھ ساتھ مذکورہ بالا تھریڈ کا بھی جائزہ لے چکا ہوں!
یہ تھریڈ جوکہ فیصل ناصر نے شروع کیا تھا، اس میں حضور سیدنا ریاض احمد گوھر شاہی مدظلہ العالیٰ جوکہ عالمی روحانی تحریک انجمن سرفروشان اسلام کے سرپرست و بانی اور عالم اسلام کی واحد روحانی شخصیت ہیں جن کہ مسلمانوں‌کے علاوہ دیگر مذاہب کے لوگوں نے بھی اپنی عبادت گاہوں میں مدعو کیا اور اکتساب فیض کیا۔ لیکن چند غلط فہمیوں اور سازشی عناصر کے منفی پروپیگنڈوں کے ذریعے مسلمانوں کی ایک بڑی تعداد کو حضور سیدنا ریاض احمد گوھر شاہی مدظلہ العالیٰ سے بدظن کیا جارہا ہے جیسا کہ اس تھریڈ میں بھی آپ ملاحظہ کرسکتے ہیں۔ میری درخواست یہ ہے کہ آپ حضور سیدنا ریاض احمد گوھر شاہی مدظلہ العالیٰ سے متعلق جتنی بھی منفی معلومات یا سنی سنائی باتوں کی بناء پر حضور سیدنا ریاض احمد گوھر شاہی مدظلہ العالیٰ سے بدگمانی رکھتے ہیں، یہاں پیش کریں تاکہ سیرحاصل گفتگو ہو سکے اور غلط فہمیوں کا ازالہ ہوسکے۔
اللہ تبارک و تعالیٰ ہم سب کو صحیح معنوں میں دین حنیف پر چلنے کی توفیق عطا فرمائے! آمین

چیتا چالباز

قرآن کہتا ہے کہ اللہ نے مومنوں سے ان کے جان اور مال جنت کے عوض خرید لیئے ہیں. یعنی اپنی بندگی، دین کی تبلیغ اور جہاد کے بدلے. جب کہ آپ کا سودا کچھ مختلف سا ہے.