آبی ٹوکول

مراسلہ 172
عادل بھائی اس حدیث سے علماء نے کیا مراد لی ہے اور کس چیز کو کس شئے کی تنزیہہ قرار دیا ہے وہ ہم اوپر فتح الباری کے حوالہ سے نقل کر آئے آپ سے التماس ہے کہ اسکا ترجمہ حرف بحرف ہماری اور قارئین کی آسانی کے لیے مرحمت فرما دیں جزاک اللہ خیرا جاری ہے ۔ ۔

نوٹ :- اور یہ ترجمہ کرنے کے لیے آپ بلا شبہ ہمارے دلائل کے درمیان مخل ہوسکتے ہیں مگر فقط ترجمہ کی حد تک شکریہ ۔ ۔

آبی ٹوکول

مراسلہ 172
عادل بھائی بلاشبہ اللہ کے کلام سے احکامات فقط منطق کی رو سے اخذ نہیں کیے جاسکتے مگر میرے بھائی یہ تمام علوم و فنون یعنی منطق ،لغت صرف و نحو اور اس جیسے دیگر علوم و فنون وغیرہ خود قرآن و سنت کی تحصیل اور پھر قرآن و سنت سے احکامات کے اخذ کے لیے بنیاد ہیں سو اس اعتبار سے یہ علوم فنون موقوف علیہ ہیں لہزا قرآن و سنت کی تفہیم ان علوم کی تحصیل پر موقف ہے اور یہی وجہ کہ تمام مکاتب فکر اسلامی مدارس میں یہ تمام علوم وفنون اول پڑھائے جاتے ہیں کیونکہ بغیر ان علوم کی تحصیل کے براہ راست قرآں و سنت سے مسائل کا استنباط و استخراج حقیقت میں بیت بڑے فتنہ و فساد کا باعث ہوگا لہذا یہی وجہ ہے کہ ہم دیکھتے ہیں کہ تاریخ اسلام میں ان میں سے ہر ایک علم و فن پر باقاعدہ سے شخصیات کا تخصص ہے اور اسلام نے اس حوالے سے بڑے بڑے ائمہ پیدا کیے ہیں کہ جن میں سے ہر ایک کی اپنی جگہ پر باقاعدہ طور پر مستقل حیثیت و اتھارٹی ہے ۔ ۔

مراسلہ نمبر 173

بلا شبہ عادل بھائی آپ نے بالکل درست فرمایا یہاں پر ہم سے اصول لکھنے میں تسامح ہوا اللہ پاک آپکو جزائے خیر دے کہ آپ نے ہماری توجہ اس امر کی طرف دلوائی بلاشبہ صحیح ثابت شدہ خبر واحد کے ساتھ قرآن پاک کے عموم کی تخصیص اور مطلق کی تقیید واقع ہوسکتی ہے اور اسکے بےشمار نظائر ہیں ۔ ۔
اور مراسلہ نمبر174

اقتباس:

عابد بھائی شاید جلدی یا جوش میں آپ کو یاد نہیں رہا کہ صحیح مُسلم کے ابواب کے عناوین امام مسلم رحمہُ اللہ کے مقرر کیے ہوئے نہیں ہیں ، بلکہ صحیح معلومات کے مطابق امام النووی رحمہُ اللہ کے مقرر کیے ہوئے ہیں ، اور آپ کو یہ بھی پتہ ہو گا کہ امام النووی رحمہُ اللہ مسلکاً شافعی تھے اور شافعی مسلک میں عموماً """ اوامر """ کو """ استحباب """ پر اور """ نواہی """ کو """ تنزیہہ """ پر محمول کیا جاتا ہے ، اور صحیح مسلم کے ابواب میں یہ چیز بہت واضح طور پر نظر آتی ہے ،لہذا باب کے عنوان میں وہ مدلول نہیں جس کا آپ نے استخراج فرما کر اس قدرخوش ہوئے اور پر جوش ہوئے کہ""" حدیث مبارک کو بھونڈی دلیل """ کہہ دیا ، اور اس فرمان کی تو شاید وہ تاویل بھی نہ ہو سکے جو آپ نے اپنے مراسلہ رقم 169 میں پیش کی اور میں نے اس کا کچھ جواب مراسلہ رقم 171 میں دیا ہے

،
بالکل بجا فرمایا آپ نے عادل بھائی مسلم شریف پر ابواب کا اضافہ امام نووی شافعی علیہ رحمہ نے فرمایا مگر اتنا عرض کردوں یہاں پر ہماری بحث عقیدہ کے باب میں ہورہی ہے اور عقیدہ میں چاروں ائمہ اور انکے پیروکار متفق ہیں اسی لیے سب اہل سنت والجماعت کہلواتے ہیں ۔ میں نے چونکہ ہرقسم کے طعن و تشنیع و طنز سے اپنے مراسلات کو پاک رکھنا ہے لہزا فقط اتنا عرض کروں گا میرے بھائی کہ تحریم کی تقسیم مکروہ تحریمی و تنزیہی میں کبھی بھی عقیدہ کے باب میں نہیں ہوا کرتی بلکہ احکام و مسائل میں ہوتی ہے لہزا امام نوووی علیہ رحمہ کا ان الفاط کو خلاف ادب قرار دینا اور اس پر باقاعدہ باب قائم کرنا اس امر کی نشانی ہے کہ ان کے نزدیک بھی ان الفاظ سے شرک ثابت نہیں ہوتا کیونکہ شرک تو شرک ہی ہوتا ہے اور حرام قطعی ہوتا ہے اس میں تنزیہہ وغیرہ کا سوال ہی نہیں ۔ ۔ ۔

آبی ٹوکول

جی میرے بھائی اس حدیث پر جتنا چاہے جس مرضی اینگل سے غور فرما لیں یہ حدیث ہمارے مؤقف کی دلیل تو بن سکتی ہے جب کہ اس سے آپ کے مؤقف کا سراسر بطلان ثابت ہوتا ہے کیونکہ یہ ہمارا مؤقف ہے کہ جس کام کو نبی کریم صلی اللہ علیہ وسم کرنے کا حکم دیں وہ کرنا ہے اور جس سے منع فرمائیں اس سے باز رہنا ہے اور جس کا ذکر نہ کریں وہ معاف ہے اور جائز ہے لہذا یہی وجہ ہے کہ اس صحابی نے جب بار بار ہر سال حج کی فرضیت کا پوچھا تو آپ صلی اللہ علیہ وسلم نے فرمایا کہ ۔ ۔لو قُلت ُ نَعم لَوَجَبَتْ وَلَمَا اسْتَطَعْتُمْ ۔ ۔ترجمہ کہ اگر میں ہاں کہہ دیتا تو تم پر ہرسال حج فرض ہوجاتا اور تم نہ کرپاتے ۔ لہذا آپ نے " ہاں " نہیں کہا دوسرے لفظوں میں آپ نے ہر سال حج لازم کرنے کا حکم نہیں دیا لہزا یہ ہر سال حج کے فرض نہ ہونے کی دلیل ہے لیکن اگر کوئی چاہے تو آج بھی ہر سال حج کرسکتا ہے مگر اس کا فقط پہلا حج فرض کے درجے میں ہوگا باقی سب حج مباح کے درجے میں جائز ہونگے ۔ ۔
اور یہی ہمارا دعوٰی ہے کہ اس مخصوص مقام پر آپ کا ہر سال حج ادا کرنے کو فرض نہ قرار دینا اسکی (یعنی حج کی) ہر سال کی فرضیت کی نفی تو کرتا ہے مگر اس کے جواز کی نفی نہیں کرتا ۔۔
لہزا جس طرح سے نبی کریم صلی اللہ علیہ وسلم نے فرمایا کہ اگر میں " ہاں " کہہ دیتا تو تو ہر سال فرض ہوجاتا تو یہ ہماری دلیل ہے کہ جس طرح سے فرض کے لیے آپکا حکم
بطور " ہاں " کہ ضروری ہے بالکل اسی طریقے سے حرام کے لیے بھی آپکا حکم
بطور " ناں " کہ ضروری ہے اور جس بات پر آپ سکوت فرمائیں یعنی مطلقا ترک فرمائیں وہ معاف ہے اور اس پر قرینہ اسی حدیث کے یہ الفاظ ہیں کہ "جو چیز میں ترک کردوں تم بھی اس میں مجھ کو چھوڑ دیا کرو کہ تم سے پہلی امتیں بھی کثرت سوال کے باعث ہلاک ہوئیں " ۔ ۔ یہاں پر اگر غور کیا جائے تو پہلی امتوں کا کثرت سوال کی وجہ سے ہلاک ہونا مطلقا فقط زائد سوالات کی ہی وجہ سے نہ تھا بلکہ ان کے سوال پوچھنے کے بعد جب اللہ تعالٰی کی طرف سے مزید حدود وقیود نازل ہوا کرتی تھیں اور وہ ان حدود و قیود کی رعایت نہیں کرپاتے تھے تو ایسے میں ان کا ان حدود و قیود کی پابندی نہ کرنا جو کہ خود انہی کے سوالات کی وجہ سے نازل ہوئیں تھیں حالانکہ ان کے سوال کرنے سے پہلے وہ معاف تھیں لیکن جب وہ اللہ نے ان پر ظاہر فرما دیں تو اب وہ انھے ناگوار گزریں اور وہ انکی رعایت نہ کرسکنے کے باعث ہلاک ہوئے جیسا کہ قوم بنی اسرائیل کا گائے کہ ذبح کا واقعہ سورہ بقرہ میں تفصیلا مذکور ہے کہ کس طرح سے بنی اسرائیل سوال در سوال کرتے چلے گئے اور یوں ان کے لیے ایک مخصوص گائے کا حصول و ذبح کس قدر دشوار ٹھرا ۔ ۔ ۔




میرے بھائی ہم نے بھی یہ کہیں نہیں کہا کہ جس کام سے نبی کریم صلی اللہ علیہ وسلم نے منع فرمایا ہوا س کو مختلف حیلوں اور بہانوں سے انجام دیا جائے باقی یہ ایک الگ بات ہے اور یہ آپ بھی اچھی طرح سے جانتے ہیں کہ ہر امر کا تقاضا وجوب کے درجہ میں نہیں ہوتا اور بالکل اسی طرح ہر نہی کا تقاضا بھی حرام کے درجہ میں نہیں ہوتا ہے لہزا یہی وجہ ہے کہ تمام کی تمام امت مسلمہ کے فقہاء نے متفقہ طور پر اصول فقہ میں امر و نواہی کے مختلف مدارج بیان کیئے ہیں کہ جن میں سے سے فرض ،واجب، سنت موکدہ و غیر موکدہ اور اسی طرح حرام مکروہ تحریمی و تنزیہی کے مدارج ہیں ۔ ۔درجہ بدرجہ ۔ ۔ ۔ اگر ہر امر کا تقاضا وجوب ہی ٹھرے اور ہر نہی کا تقاضا حرام ہی ٹھرے تو پھر ان شرعی اصطلاحات کی فرض واجب سنت اور حرام مکروہ تحریمی و تنزیہی میں تقسیم چہ معنٰی دارد؟؟؟؟؟؟؟؟

اقتباس:

عابد بھائی ، آپ جانتے ہی ہوں گے کہ """ علم الاصول الفقہ """ میں مقرر ہے کہ """ الامر یقتضی الوجوب اِلا أن یصرفہُ صارف ::: حُکم کا تقاضا وجوب ہوتا ہے سوائے اِس کے کہ کوئی اورپھیرنے والا (یعنی قران و صحیح سُنّت کی نص یا فہم صحابہ )اسےمُقام ءِ وجوب سے پھیر دے """ پس کسی بھی حُکم کو اس کی بنیادی حیثیت سے ہٹانے کے لیے کوئی """ قرینہ """ درکار ہوتا ہے ، حکم کسی کام کرنے کا ہو یا نہ کرنے کا ، یعنی امر ہو یا نہی ہو ، جی تو ہم یہ سیکھ رہے ہیں کہ کسی نہی ، یعنی کام نہ کرنے کے حُکم کو کو کراہت یا تقسیم مزید کے تحت کراہتء تحریمی ، یا کراہتء تنزیہی پر محمول کرنے کے لیے کوئی قرینہ چاہیے ہوتا ہے ، ،، جومیری ذکر کردہ حدیث مبارک ((((( ،،،،، ولا يَقُلْ أحدكم عَبْدِي أَمَتِي وَلْيَقُلْ فَتَايَ وَفَتَاتِي وَغُلَامِي ::: ،،،،، تُم میں سے کوئی یہ نہ کہے کہ میرا بندہ ، میری بندی بلکہ یہ کہے کہ میرا نوجوان خدمتگارغُلام، میری نوجوان باندی اور میرا چھوٹا خدمتگار ))))) کے لیے میسر نہیں ، لہذا اس میں مذکور ممانعت کو وجوب کی بجائے کسی اور درجے پر محمول کرنے کی کوئی صورت نہیں ، بلکہ صحابہ رضی اللہ عنہم اجمعین کا اس کے مطابق عمل اس بات کی مزید تاکید کرتا ہے کہ کسی انسان کے نام غیر اللہ کی بندگی والا ، بندگی کے اظہار والا نہیں ہونا چاہیے ،

اصول فقہ کا قاعدہ اپنی جگہ بالکل درست مگر مجھے افسوس ہے کہ بھائی آپکو حدیث میں وارد شدہ ممانعت کو حرام سے نچلے درجہ کی ممانعت لینے کا کوئی قرینہ نہیں ملا جب کہ امام ابن حجر عسقلانی کو ہماری پیش کردہ آیت نظر آگئی اور انھوں نے اس حدیث کی شرح کرتے ہوئے قرآن کے ان الفاظ کو (قرینہ جانتے ہوئے ) حدیث میں وارد شدہ ممانعت کہ مکروہ تنزیہی ہونے کا فتوٰی دیا ۔ ۔ حالانکہ آپ ایسے ناموں کو حرام سے بھی بڑھ کر شرک قرار دے چکے ہیں اور دلیل بھی اسی حدیث سے لا رہے ہیں کہ جس سے امام ابن حجر مکروہ تنزیہی ثابت کررہے ہیں ۔ ۔ ۔جاری ہے

آبی ٹوکول

وعلیکم السلام بھائی آپ یہاں پر خوامخواہ میں بات کو عربی اور اردو کے تراجم میں الجھا رہے ہیں حالانکہ قرآن سب کے لیے آیا چاہے کوئی اردو دان ہو یا عربی دان اور یہ بات بھی سب جانتے ہیں کہ اردو زبان مخلتف زبانوں کا مرقع ہے کہ جس میں عربی اور فارسی سر فہرست ہیں لہذا یہاں پر عربی کے غلام اور اردو کے بندہ یا پھر اردو کے غلام اور عربی کے عبد کی کیا بحث ؟؟؟؟؟
پھر بھی اگر آپکو بڑا شوق ہے اردو لغت سے ان تمام الفاظ کا معنی دیکھنے کا تو ہم درج زیل میں آپ اور قارئین کی سہولت کے لیے آن لائن اردو لغت سے حوالہ جات مہیا کردیتے ہیں ۔ ۔
پہلے لفظ بندہ کے اردو میں معنی ۔ ۔
فارسی زبان میں 'بستن' مصدر سے اسم مشتق ہے جس کا فعل مضارع 'بندد' ہوتا ہے اسی سے 'بند' ہے اصل لفظ اسم فاعل کے طور پر مستعمل ہے۔ اردو میں 1649ء کو "خاورنامہ" میں مستعمل ملتا ہے۔

(کسی کی) عبادت کرنے والا، پوجنے والا، پرستش کرنے والا، (کسی کو) ماننے والا، عبد۔
غلام، نوکر، مطیع، فرمانبردار۔
عاجز، نیازمند، ناچیز، خاکسار (بطور انکسار خود متکلم کے لیے
اندھی تقلید کرنے والا، (غلاموں کی طرح) پابند۔
لطیفہ :- ہمارے ہاں ہمارے پنجابی میں یعنی ہمارے پنجاب میں بھی اکثر عورتیں اپنے شوہر کو اپنا بندہ کہتی ہے ہاہاہااہ للوز
شخص، آدمی۔آنلائن حوالہ
اب لفظ عبد کے معنٰی ۔ ۔
عربی زبان میں ثلاثی مجرد کے باب سے مشتق اسم ہے۔ اردو میں بھی بطور اسم استعمال ہوتا ہے اور سب سے پہلے 1707ء کو "کلیات ولی" میں مستعمل ملتا ہے۔
آنلائن ربط
بندہ، غلام، تابعدار، خدمت گزار، خدا کا بندہ۔
اب لفظ غلام کے معنٰی ۔
زرخرید چھوکرا جو بے تنخواہ گھر کا کام کاج کرے، زرخرید نوکر جو کسی عمر کا ہو۔
آنلائن ربط
اب مجھے بتائیں کے مذکورہ بالا تمام الفاط کے معنٰی میں کتنا کوئی فرق ہے ؟؟؟؟؟؟؟؟
جب ہم پہلے ہی عرض کرچکے کہ عربی میں لفظ عبد مشترک المعنی ہے لہذا شرعی اعتبار سے لفظ عبد کے قرآن و سنت میں حتمی معنٰی کے تعین لیے یہی قرینہ ہے کہ جب اسکی اضافت غیر اللہ کی جانب ہو تو اسکا معنٰی عبد بمعنی غلام کے اور جب اللہ کی طرف ہوتو عبد بمعنی بندہ کے ہونگے ۔ ۔ ۔۔جاری ہے

آبی ٹوکول

پیارے بڑے بھائی آپکے مراسلہ نمبر115 میں ہمارے مراسلہ نمبر 86 کے جواب میں جو دلیل آپ نے پیش کی تھی یعنی ۔ ۔درج زیل ۔ ۔
اس پر ہمارا ایسا کہنا کہ ۔ ۔۔

اقتباس:

میں پوچھتا ہوں جناب سے کہ کیا کسی بندے کو خرید لینے سے اور اسے اپنا غلام بنا لینے سے کسی بھی انسان کو مالکانہ حقوق کے ساتھ ساتھ آیا مرتبہ الوہیت(معاذاللہ) حاصل ہوجاتا ہے کہ جناب کو زرخرید غلام کی نسبت لفظ عبد کے استعمال پر کوئی اعتراض نہیں

یہ آپکی دلیل کا نقص بیان کرنا تھا ۔ ۔ ۔ یعنی ایک طرف تو آپ کہتے ہیں کہ لفظ عبد کی بندہ کی طرف نسبت جائز نہیں بلکہ یہ شرک ہے اور دوسری طرف آپ اسی لفظ عبد کو زر خرید غلام کے حق میں جائز کہتے ہیں ؟؟؟ ایں چہ بو العجبی است؟ تو اسی پر ہم نے یہ نقص وارد کیا تھا کہ کیا وجہ ہے کہ جب زرخرید غلام کی باری آتی ہے تو اس کی نسبت آپ کو لفظ عبد کہنا جائز لگتا ہے آیا آپ کے نزدیک نعوذباللہ من ذالک زرخرید غلام کو مرتبہ الوہیت حاصل ہے ؟؟؟
یہ نقص تھا میرے بھائی آپکی دلیل کا اس لیے کہ جو امر ایک جگہ شرک وہ ہرجگہ شرک ہی ہوگا یہ نہیں کہ ایک امر ایک جگہ شرک اور دوسری جگہ عین توحید بن جائے کیونکہ یہ دونوں ایکدوسرے کی ضد ہیں جہاں شرک پایا جائے گا وہاں سے توحید کی نفی ہوگی اور جہاں توحید پائی جائے گی وہاں پر شرک کا شائبہ تک نہ ہوگا اور یہ بھی کہ توحید اور شرک دونوں عقائد سے متعلقہ ہیں لہزا ان کا تحقق بھی عقائد کے اعتبار سے ہوگا ۔ ۔ ۔
لہذا جب آپ کہتے ہیں کہ کسی کو بھی غیراللہ کا عبد کہنا جائز نہیں کیونکہ یہ اللہ کی الوہیت میں شرک ہے تو اس کسی میں ہر فرد شامل ہے چاہے وہ آزاد ہو یا زرخرید غلام اب یہ نہیں ہوسکتا کہ کسی آزاد فرد کی نسبت اگر غیر اللہ کی جانب کردی جائے تو وہ شرک ٹھرے جبکہ اس کے مقابلے میں زرخرید غلام کی نسبت اس کے آقا کی طرف لفظ عبد سے کی جائے تو وہ جائز ٹھرے

کیونکہ اصلا ہر شئے کا مالک حقیقی اللہ ہی لہزا اس بندے کا مالک بھی وہی ہے کہ جسکی نسبت اس کے آقا کی طرف لفظ عبد سے کی جارہی ہے اور اس بندے کے آقا کا بھی مالک حقیقی اللہ ہی ہے ۔ ۔ ۔اور یہ ایک ایسی بدیہی بات ہے کہ جو ہر ادنٰی عقل والا سمجھ سکتا ہے چہ جائیکہ آپ جیسے صاحب علم کو ابھی تک سمجھ میں نہیں آرہی ۔ ۔ ۔جاری ہے

آبی ٹوکول

وعلیکم السلام پیارے بھائی برصغیر پاک و ہند میں علم حدیث کو متعارف کروانے والا سید گھرانہ میری مراد شاہ عبدالحق علیہ رحمہ اور آپکے تمام خانوادہ کہ جن میں شاہ ولی اللہ ،شاہ عبدالعزیز وغیرہ شامل ہیں یہ سب اللہ کو خدا کہتے اور لکھتے آئے ۔ ۔ آپ نہ ہی تو علم میں ان سے بڑے ہیں نہ ہی فضل و مرتبہ میں لہذا عقل مند راہ اشارہ کافی است ۔ ۔ ۔

عادل سہیل

السلام علیکم ورحمۃ اللہ و برکاتہ ،
امید ہے ان شاء اللہ آپ با خیر و عافیت ہوں گے ،
بھائی عابد عنایت ، کیا آپ اپنے جوابات مکمل کر چکے ہیں ؟؟؟
و السلام علیکم۔