فیصل ناصر

گوہریہ مذہب بہت خطرناک فتنہ ہے اس کا بانی ریاض احمد گو ہر شاہی ہے گو ہر شاہی نے اس کا آغاز اپنی انجمن سر فرو شانِ اسلام کے نام سے کیا- علماء اسلام اس کو دین سے خارج قرار دیتے ہیں۔

اس فرقے کا طریقہ واردات اس لحاظ سے بہت پر اسرار اور خطر ناک ہے کہ نہ صرف اہلسنّت ہونے کا دعوٰی کرتے ہیں بلکہ اعلحٰضرت امام اہلسنّت مولانا شاہ احمد رضاخا ن صاحب علیہ الرحمہ کی اتباع اور عقیدت کا بھی دم بھرتا ہے فتنہ گو ہر یہ اہلسنّت کو بد نام کرنے اور نوجوانوں کو راہِ حق سے بہکانے کےلئے اہلسنّت کا لیبل لگا کر مسلمانوں کو گمراہ کرتے ہیں ۔
گو ہر شاھی نے اپنی گمراہیت ان تینوں کتابوں میں تحریر کی ہیں جنکے نام ”روحانی سفر ،روشناس اور مینارہ نور“ وغیرہ ہیں اب آپکے سامنے ان کتب کی عبا رات ثبوت کیساتھ پیش کی جارہی ہیں ۔
گو ہر شاہی اور اسکے معتقدین کے عقائد و نظر یات::
عقیدہ :نماز، روزہ ،زکوٰ ۃ اورحج کو اسلام کے وقتی رکن کہا گیا ہے کہ روزانہ پانچ ہزار مرتبہ عوام ،پچیس ہزار مرتبہ امام اور بہتر ہزار مرتبہ اولیاءکرام کو ذکر کرنا لازمی قرار دیا گیا ہے کہ ہر درجہ کے ذکر کے بغیر نماز بے فائدہ ہے اگرچہ سجدوں سے کمر کیوں نہ ٹیڑھی ہوجائے ۔(بحوالہ :کتاب :روشناس صفحہ نمبر 3)
عقیدہ :پیرو مرشد ہونے کے لئے عجیب و غریب شرط قائم کی ہے کہ اگر زیادہ سے زیادہ سات دن میں ذاکر قلبی نہ بنا دے تو وہ مرشد نا قص ہے اور اس کی صحبت سے اپنی عمر عزیز بر باد کرنا ہے ۔
(بحوالہ : کتاب :روشناس صفحہ نمبر6)
عقیدہ :حضرت آدم علیہ السلام نفس کی شرارت سے اپنی ورا ثت یعنی جنت سے نکال کر عالم
نا موت جو جنات کا عالم تھا پھینکے گئے ۔(معاذاللہ )(بحوالہ :کتاب :روشناس صفحہ 8 )
عقیدہ :حضرت آدم علیہ السلام پر یوں بہتان باندھا ہے کہ آپ جب اسم محمد صلی اللہ علیہ وسلم اللہ تعالیٰ کے نام کیساتھ لکھا دیکھا تو خیال ہوا کہ یہ محمد صلی اللہ علیہ وسلم کون ہیں ۔جواب آیا کہ تمہاری اولاد میں سے ہوں گے ۔نفس نے اُکسایا کہ یہ تیری اولا دمیں ہوکر تجھ سے بڑھ جائیں گے یہ ”بے انصافی “ہے اس خیال کے بعد آپ کو دوبارہ سزاد ی گئی۔(معاذ اللہ )(بحوالہ :کتاب :روشناس صفحہ نمبر 9)
عقیدہ :قادیانیوں اور مرزا ئیوں کو مسلمان کہا ہے البتہ جھوٹے نبی کو مان کر اصلی نبی کی شفاعت سے محروم کہا ہے ۔(بحوالہ :کتاب :روشناس صفحہ نمبر 10)
عقیدہ :اللہ تعالیٰ کا خیال ثابت کرکے اس کے علم کی نفی کی ہے ایک دن اللہ تعالیٰ کے دل میں خیال آیا کہ میں خود کو دیکھوں سامنے جو عکس پڑا تو ایک روح بن گئی اللہ اس پر عاشق اور وہ اللہ پر عاشق ہوگئی ۔(معاذاللہ )(بحوالہ :کتاب :روشناس صفحہ نمبر20)
عقیدہ :حضرت آدم علیہ السلام کی شدید ترین گستاخی اور اخیر میں ان پر شیطانی خور ہونے کا الزام لگایا ہے ۔(معاذاللہ )(بحوالہ :کتاب :مینارہ نو ر صفحہ نمبر 8 )
عقیدہ :ذکر کو نماز پر فضیلت دی ۔ذکر کا نیا طریقہ نکالا اور قرآنی آیت کے مفہوم کو بگاڑ کر اپنے باطل نظریہ پر استد لال کیا ہے ۔(بحوالہ :کتاب :مینارہ نو ر صفحہ نمبر17)
عقیدہ :جب تک حضورصلی اللہ علیہ وسلم کی زیارت کسی کو نصیب نہ ہو اسکا امتّی ہونا ثابت نہیں ۔
(بحوالہ :کتاب :مینارہ نو ر صفحہ نمبر24)
عقیدہ :قرآن مجید کی آیت کا جھوٹا حوالہ دیا گیا ہے کہ قرآن مجید میں اللہ تعالیٰ نے باربار ”دع نفسک و تعالیٰ “فرمایا ہے حالانکہ پورے قرآن مجید میں کہیں بھی اللہ تعالیٰ کا یہ فرمان وارد نہیں ہوا۔ (معاذاللہ )(بحوالہ :کتاب :مینارہ نو ر صفحہ نمبر29)
عقیدہ :علماءکی شان میں شدید ترین گستاخیاں کی گئی ہیں ایک آیت کہ جو کہ یہود سے متعلق ہے علماءو مشائخ پر چسپاں کیا ہے ۔(معاذاللہ )(بحوالہ :کتاب :مینارہ نو ر صفحہ نمبر30,31) عقیدہ :حضرت خضر علیہ السلام اور ان کے علم کی تو ہین کی گئی ہے ۔
(بحوالہ :کتاب :مینارہ نو ر صفحہ نمبر35)
عقیدہ :انبیاءکرام علیہم السلام دیدار الہٰی کو تر ستے ہیں اور یہ (اولیاءاُمّت )دیدار میں رہتے ہیں ولی نبی کا نعم البدل ہے ۔(معاذاللہ )(بحوالہ :کتاب :مینارہ نو ر صفحہ نمبر39)
گوہر شاہی اپنی کتاب روحانی سفر کے صفحہ نمبر 49تا50پر رقم طراز ہے ۔
عبارت :اتنے میں اس نے سگریٹ سلگایا اور چرس کی بو اطراف میں پھیل گئی اور مجھے اس نفرت ہونے لگی ۔رات کو الہا می صورت پیدا ہوئی یہ شخص (یعنی چرسی )ان ہزاروں عابدوں ،زاہدوں اور عالموں سے بہتر ہے جو ہر نشے سے پر ہیز کر کے عبادت میں ہوشیار ہیں لیکن بخل ،حسد اور تکبّر انکا شعار ہے اور (چرس کا )نشہ اسکی عبادت ہے ۔
(معاذ اللہ !بالکل ہی واضح طور پر نشہ کو صرف حلا ل ہی نہیں بلکہ عبادت ٹہرایا جا رہا ہے ۔)
ریاض گوہر شاہی کے نزدیک نماز اور درود شریف کی
کوئی خاص اہمیت معلوم نہیں ہوتی
جیسا کہ روحانی سفر ص 3پر اپنے بارے میں لکھتا ہے ۔
عبارت :اب گو لڑہ شریف صاحبزادہ معین الدین صاحب سے بیعت ہوا انہوں نے نمازکیساتھ ایک تسبیح درود شریف کی بتائی ۔میں نے کہا اس سے کیا ہوتا ہے کوئی ایسی عبادت ہو جو میں ہر وقت کر سکوں (یعنی (معاذاللہ )نماز اور درود شریف سے کچھ فائدہ نہیں ہوتا )۔
گوہر شاہی نے جو روحانی منازل طے کئے ہیں ان میں عورتوں کا بھی بہت زیادہ دخل ہے ۔نہ شرم ،نہ حیا ۔ا سکے روحانی سفر میں ایک مستانی کا خصو صیت کیساتھ دخل ہے ۔
عبارت :میں دن کو کبھی کبھی اس عورت کے پاس چلا جاتا وہ بھی عجیب و غریب فقر کے قصّے سناتی اور کبھی کھانا بھی کھلا دیتی ۔(بحوالہ :روحانی سفر ص 34) عبارت :کہنے لگی آج رات کیسے آگئے ۔میں نے کہا پتہ نہیں اس نے سمجھا شاید آج کی اداو ¿ں سے مجھ پر قربان ہوگیا ہے اور میرے قریب ہو کر لیٹ گئی اور پھر سینے سے چمٹ گئی ۔(بحوالہ :کتاب : روحانی سفر ص 32)
کیا اس سے زیادہ دلیری کیساتھ کوئی دشمن اسلام دینِ متین کے چہرے کو مسخ کر سکتا ہے ۔کیا شریعت مطہرہ کی تنقیص کے لئے اس سے بھی زیادہ شرمناک پیرا یہ استعمال کیا جاسکتا ہے ۔کیا اپنے مذہب ،اپنے دین ،اپنے عقائد کا اسطرح سے خون کرنے والا یہ شخص مذہبی رہنما ہوسکتا ہے ؟
آج کل گوہر شاہی کے چیلوں نے ”مہدی فاؤنڈیشن “ کے نام سے کام کرنا شروع کردیا ہے یہ جماعت دوبارہ سرگرم ہورہی ہے اس کے کارکنان دنیا بھر میں ای میل اورخطوط کے ذریعہ خباثتیں پھیلارہے ہیں اس طرح گوہر شاہی کی فتنہ انگیز جماعت دوبارہ سرگرم ہوگئی ہے ۔
مسلمانوں کو اس فتنے سے بچنا چاہیے ۔

عبدالقدوس

ویسے آپ کس بنا پر کہ سکتے ہیں‌کہ جملے متعصب ہیں؟ براہ کرم مجھ جیسے کم علم کے لیے متعصب لفظ کی تشریح فرمادیں

منتظمین

سب سے پہلے یہ کہ "گوہر شاہی عقائد" کو عام مسلمان علماء اسلام سے خارج تصور کرتے ہیں۔ اس بنا پر ان عقائد کو باطل ہی قرار دیا جا سکتا ہے۔ ( مسلمانوں‌کے نقطہ نظر سے)۔

پہلے پیرے میں‌مناسب تبدیلیاں کر دوں گا۔ لیکن دوسرا پیرے میں‌کوئی ایسی چیز نہیں جو کہ قابل گرفت ہو-

اپ کے جوابات کا انتظار رہے گا۔

__________________
"یہ ضروری تو نہیں کہ ہم جن سے محبت کرتے ہیں ان کے ساتھ زندگی بھی بتا سکیں"

سرفروش

معذورت کے ساتھ میرے بھائی، اس تھریڈ کے نام سے ہی جانبداری چھلکتی ہے، یعنی کے فیصلہ تو آپ نے پہلے ہی صادر کردیا، صفائی کا موقع دئیے بغیر۔ابتدائی دونوں پیرائے کے بعد سرخی آتی ہے عقائد کی تو وہاں‌سے میں ایک ایک سطر کا جواب دے دونگا۔ اگر مسلمان علماء کی بات کرتے ہیں‌تو علماؤں نے تو حضورسیدنا غوث‌پاک، محی الدین ابن عربی، شاہ شمس سبزواری، منصور حلاج جیسی ہستیوں‌کو بھی نہیں چھوڑا۔ لہذٰا مناسب یہی ہے کہ آپ اس کا نام تبدیل کریں اور دونوں پیرا حذف کریں۔

سرفروش

میاں شاہد و دیگر منتظمین کے تعصب کے اظہار کی وجہ سے میں ایسے الفاظ استعمال کرنے پر مجبور ہوگیا لیکن اگر ایسا نہیں ہے تو اس کا عملی ثبوت درکار ہے، یعنی اس تھریڈ میں‌سے حضور قبلہء عالم سے متعلق گستاخانہ عبارات حذف کی جائیں کیونکہ تھریڈ کا مقصد گفت و شنید کو آگے بڑھانا ہوتا ہے ناکہ اپنے تئیں فیصلہ صادر کرنا۔

منتظمین

تبدیلیاں کر دی گئ ہیں۔ اگر اپکو مناسب لگتا ہے تو جوابات دے کر اپنا دفاع کریں۔ بصورت دیگر اپ اپنے عمل و فعل میں آزاد اور خود مختار ہیں۔

سرفروش

محترم، مجھے حیرت ہے کیوں کہ میری تو ایک بات بھی نہیں‌مانی گئی، نہ تو تھریڈ کا نام تبدیل کیا گیا نہ ہی پیراگراف حذف کئے گئے، کیا یہ جانبدارانہ روش نہیں؟

ام طلحہ

ٹھیک ہے تو پھر جاؤ نا بھائی
کیون ہمارا وقت برباد کرتے ہو۔

عبدالقدوس

بھائی مجھے ہسٹریا کے دورے پڑنا شروع ہوجائیں گے اگر آپ نے اب لفظ متعصب کی تشریح نا کی تو

سرفروش

ویسے حیرت ہوئی کہ اگر آپ کو متعصب کے معنی بھی نہیں‌پتہ یہ تو وہی بات ہوئی بقول شاعر
ہم دلیلوں سے کریں‌بات تو رد ہوتی ہے
اُن کے ہونٹوں‌کی خاموشی بھی سند ہوتی ہے
کچھ نہ کہنے سے بھی چھن جاتا ہے اعزاز سخن
ظلم سہنے سے بھی ظالم کی مدد ہوتی ہے
بہرحال متعصب کے معنی ہیں: تعصب برتنے والا، اپنے حلقے، گروہ یا عقیدۂ خیال خصوصاً مذہبی خیال کی پچ کرنے والا، اپنے خلاف عقیدہ رکھنے والے سے دشمنی کرنے والا، کٹر، ہٹ دھرم۔حوالہ یہاں ملاحظہ فرمائیں!
اُمید ہے کہ اب آپ کو کافی افاقہ ہوا ہوگا!

سرفروش

.................................................. ..............................

عبدالقدوس

اس حساب سے تو متعصب اور ہٹ دھرم میں‌ تفرق ہوا جناب کیوں کہ معتصب میں آپ نے مذہبی خیال کی پچ کرنے والا کہا ہے اور ساتھ ہی ہٹ دھرم یعنی کہ دھرم یعنی مذہب سے باہر

ویسے یہ پچ تو انگریزی زبان کا لفظ نہیں؟ جیسے کہ آواز کی پچ تو یہاں؟؟؟؟ مذہبی خیال کی پچ؟

Real_Light

سرفروش صاحب میں اس تھریڈ میں دراندازی کی معافی چاہتا ہوں۔۔۔ لیکن بات اتنی بڑھ گئی ہے مجھے اب مجبورا بولنا پڑ رہا ہے۔

عرض کچھ اس طرح ہے کہ یہ تھریڈ گوہر شاہی کے عقائد کے خلاف ہے اور تھریڈ بھیجنے والے کے بقول۔۔ اور اس کی اپنی سوچ و فکر کے مطابق گوہر شاہ عقائد و نظریات باطل ہیں۔۔

اب آپ چونکہ اس کا دفاع کرنا چاہتے ہیں کہ نہیں‌ایسا نہیں ہے تو آپ دلیل سے رد کردیں اور ہر دیکھنے سننے پڑھنے والا خود ہی فیصلہ کر لے گا کہ کیا بات درست ہے اور کیا غلط۔

رہی بات ٹائیٹل کی یا پہلے دو پیراگرافس کی تو میرے دوست بحث و مباحثہ میں یہی انداز ہوتا ہے۔ جو کچھ انہوں نے الفاظ استعمال کئے اس سے ان کے بارے میں رائے قائم کی جا سکتے ہے اور جو کچھ آپ کہیں گے اس سے آپکے بارے میں رائے قائم کی جا سکتی ہے۔۔

اور اگردیکھا جائے تو ہر شخص اپنے خاندان۔ ملک۔۔ قوم۔ صوبہ ۔۔ دین۔ مذہب کا نمائندہ ہوتا ہے اس لئے سوچ سمجھ کر الفاظوں‌کا استعمال کرنا چاہیے۔۔ کیونکہ اسی ایک شخص سے پورے لوگوں کی نشاندہی اور مظاہرہ ہوگا۔

میری آپ سے گزارش ہے کہ آپ مدلل دلائل و اثبات سے اپنی بات۔۔ فکر۔ نظریہ لوگوں‌تک پہنجائیں ۔۔ آپ کا کام ختم۔۔ کیا صحیح ہے کیا غلط اس کا فیصلہ قارئین خود کر لیں گے۔

آپ کے بارے میں یہ بھی ہے کہ آپ کافی عرصہ بعد تشریف لاتے ہیں اس لئے آپ اگر اس بحث کو شروع کریں تو کم از کم اتنا مواد دیں کہ آپ سے مزید تفصیل پوچھنے کی کمی نہ رہے اور اتنا مواد ہو کہ عام قاری بھی آپ کی بات کو سمجھ سکے۔

اور یہ بھی کی ایسے مباحثات اکثر پایہ تکمیل کو نہیں پہنچتے ہیں۔ اس لیے میں یہ لفظ اس مراسلہ کے لئے استعمال نہیں کر رہا۔۔۔ ہاں اتنا ضرور کر دیں کہ مواد سیر حاصل ۔ مدلل ہو۔

آپ کو اللہ تعالی خوش رکھے۔ اور ہم سب کو دین مبین اسلام کی تعلیمات ع تبلیغات کو سمجھنے عمل کرنے کی اولین توفیق دے۔ الٰہی آمین۔

__________________

سرفروش

میرے خیال میں یہ تھریڈ لغت پر بحث کے لئے نہیں ہے!

عبدالقدوس

تو ٹھیک ہے جناب آپ اپنا کام کریں‌پھر

سرفروش

یقین جانئے آپ کے کلمات نے بڑا حوصلہ دیا اور بہت خوشی ہوئی۔ میں آپ کی بات کو رد کرنے کیی ہمت نہیں کرسکتا کیونکہ یہ رائے مجھے ایک منصف مزاج شخص‌کی لگتی ہے۔ ویسے بھی میرے یہاں آنے کا مقصد یہی تھا کہ حضور قبلہء‌عالم سیدنا ریاض احمد گوھر شاہی مدظلہ العالیٰ کے متعلق منفی پروپیگنڈے کا موثر جواب دیا جاسکے۔ گو کہ اس سے قبل میں نے یہ تہیہ کیا تھا کہ جب تک اس تھریڈ کا نام تبدیل نہیں‌ کیا جاتا اور اس میں سے حضور قبلہء‌عالم سیدنا ریاض احمد گوھر شاہی مدظلہ العالیٰ سے متعلق گستاخانہ مواد حذف نہیں‌کیا جاتا، میں‌اس سلسلے میں کوئی پیش رفت نہیں‌کرونگا لیکن اب میں آپ کی رائے کے بعد ضرور یہ کام کرونگا۔
اللہ تعالیٰ ہم سب کو صحیح معنوں میں دین کو سمجھ کر عمل کرنے کی توفیق عطا فرمائے!
آپ کی رائے کا ہر مرحلے پر انتظار رہے گا!
والسلام