ملک زوالفقار

رَبَّنَا أَنزِلْ عَلَيْنَا مَآئِدَةً مِّنَ السَّمَاءِ تَكُونُ لَنَا عِيداً لِّأَوَّلِنَا وَآخِرِنَا وَآيَةً مِّنكَ.
المائدة، 5 : 114
’’اے اﷲ! اے ہمارے رب! ہم پر آسمان سے خوانِ (نعمت) نازل فرما دے کہ (اس کے اُترنے کا دن) ہمارے لیے عید ہوجائے ہمار ے اگلوں کے لیے (بھی) اور ہمارے پچھلوں کے لیے (بھی) اور (وہ خوان) تیری طرف سے نشانی ہو۔‘‘

قرآن مجید نے اس آیت میں نبی کی زبان سے یہ تصور دیا ہے کہ جس دن اﷲ تعالیٰ کی نعمت اُترے اس دن کو بطور عید منانا اس نعمت کے شکرانے کی مستحسن صورت ہے۔

لہٰذا جب سابقہ اُمتیں معمولی سی نعمت پر شکر بجا لاتی تھیں تو اُمت مسلمہ پر بہ درجۂ اَتم لازم آتا ہے کہ وہ اپنے آقا صلی اللہ علیہ وآلہ وسلم کی آمد کی خوشی منا کر اس عظیم ترین نعمت کا شکر شرحِ صدر کے ساتھ بجا لائے، کیوں کہ ایسا کرنے کا حکم اللہ تعالیٰ نے خود دیا ہے۔ ارشاد ہوتا ہے :
وَاذْكُرُواْ نِعْمَتَ اللّهِ عَلَيْكُمْ إِذْ كُنتُمْ أَعْدَاءً فَأَلَّفَ بَيْنَ قُلُوبِكُمْ فَأَصْبَحْتُم بِنِعْمَتِهِ إِخْوَانًا.
’’اور اپنے اوپر (کی گئی) اﷲ کی اس نعمت کو یاد کرو کہ جب تم (ایک دوسرے کے) دشمن تھے تو اس نے تمہارے دلوں میں الفت پیدا کر دی پس تم اس کی نعمت کے باعث آپس میں بھائی بھائی ہوگئے۔‘‘
آل عمران، 3 : 103
بلاشبہ یہ اﷲ تعالیٰ کی بہت بڑی نعمت ہے کہ اس نے اپنے حبیب صلی اللہ علیہ وآلہ وسلم کے ذریعے بندوں کے ٹوٹے ہوئے دلوں کو جوڑ دیا۔ جو ایک دوسرے کے خون کے پیاسے تھے ان کو ایک دوسرے کا غم خوار بنا دیا۔ ان کی نفرتوں اور عداوتوں کو محبتوں اور مروّتوں سے بدل دیا۔ حقیقتاً یہ نعمت حضور صلی اللہ علیہ وآلہ وسلم کی بعثت کے تصدق سے عالمِ انسانیت کو نصیب ہوئی، اس نعمت کا مبداء و مرجع بھی حضور صلی اللہ علیہ وآلہ وسلم کی ذات اَقدس ہے۔ آپ صلی اللہ علیہ وآلہ وسلم کا اس دنیا میں تشریف لانا اور لوگوں کا آپ صلی اللہ علیہ وآلہ وسلم پر ایمان لاکر حلقہ بگوش ہونا اور خون کے پیاسوں کا باہم شیر و شکر ہونا اس اَمر کا تقاضا کرتا ہے کہ ہم رحمتِ دوعالم صلی اللہ علیہ وآلہ وسلم کے میلاد کے موقع پر بارگاہِ خداوندی میں سراپا تشکر بن جائیں۔

اﷲ تعالیٰ کی نعمتوں کو یاد کرکے ان پر شکر بجا لانا صرف اُمتِ محمدی صلی اللہ علیہ وآلہ وسلم ہی پر واجب نہیں بلکہ سابقہ اُمتوں کو بھی یہی حکم تھا۔ بنی اسرائیل سے فرمایا گیا :
يَا بَنِي إِسْرَآئِيلَ اذْكُرُواْ نِعْمَتِيَ الَّتِي أَنْعَمْتُ عَلَيْكُمْ وَأَنِّي فَضَّلْتُكُمْ عَلَى الْعَالَمِينَO
’’اے اولادِ یعقوب! میرے وہ اِنعام یاد کرو جو میں نے تم پر کیے اور یہ کہ میں نے تمہیں (اُس زمانے میں) سب لوگوں پر فضیلت دیo‘‘
البقرة، 2 : 47

اگر ہم اللہ تعالیٰ کے اِحسانات پر شکر ادا نہیں کر سکتے اور اپنی تاریخ کے اہم واقعات کو اچھی روایات کے ساتھ آئندہ نسلوں تک منتقل نہیں کر سکتے تو بعید نہیں کہ آنے والی نسلیں اﷲ کے ان احسانات سے بے خبر ہو جائیں اور ان کی نظروں سے اس دن حاصل ہونے والی نعمت کی قدر و منزلت بھی محو ہو جائے۔ لہٰذا حکمِ اِلٰہی کا تقاضا یہ ہے کہ سال بھر تواﷲ تعالیٰ کا عام شکر بجا لایا جاتا رہے لیکن جب وہ دن آئے۔ جس دن اﷲ تعالیٰ نے آزادی کی نعمت اَرزانی فرمائی۔ تو خصوصی طور پر خوشیوں کا اِظہار کیا جائے تاکہ وہ دن جشن کی حیثیت اختیار کر جائے اور آئندہ نسلوں پر اس دن کی حقیقت کھل کر واضح ہو جائے۔ پس اگر آزادی کی نعمت پر شکر منانا قرآن سے ثابت ہے تو اُس ذاتِ اَقدس کی آمد کی خوشی منانا کیوں جائز و مستحسن نہ ہوگا جو وجہ تخلیقِ کائنات ہیں اور جن کے توسل اور تصدّق سے تمام نعمتیں عطا کی گئیں۔
آیت میں مذکور اَلفاظ۔ ’’اَوَّلِنَا‘‘ اور ’’اٰخِرِنَا‘‘۔ میں کلمہ ’’نَا‘‘ اِس اَمر کی طرف اشارہ کر رہا ہے کہ نعمت کی خوشیاں وہی منائے گا جو اس نعمت کے شکر میں ہمارے ساتھ شریک ہوگا، اور جو اس خوشی میں ہمارے ساتھ شریک نہیں اس کا عید منانا کوئی معنی نہیں رکھتا۔ یہاں قرآن نے لوگوں کے دلوں کے اَحوال پرکھنے کے لیے ایک معیار دے دیا ہے۔ وہ تو حضرت عیسیٰ علیہ السلام کی امت تھی اور یہ آقائے دوجہاں صلی اللہ علیہ وآلہ وسلم کی امت ہے اور اس پر مستزاد یہ کہ وہ مائدہ کی عارضی نعمت تھی اور یہاں ولادتِ مصطفیٰ صلی اللہ علیہ وآلہ وسلم کی دائمی نعمت ہے لیکن یہاں ہمارے لیے بھی وہی معیار ہے کہ جب ماہِ ربیع الاول میں حضور صلی اللہ علیہ وآلہ وسلم کی ولادتِ مبارکہ کا دن آئے اور عید میلادالنبی صلی اللہ علیہ وآلہ وسلم کی سعید ساعتیں ہم پر طلوع ہوں تو دیکھنا ہے کہ ہم میں سے کون اپنے دلوں کو خوشیوں اور مسرتوں کا گہوارہ بنا لیتا ہے اور اپنے آپ کو ’’اَوَّلِنَا وَ اٰخِرِنَا‘‘ میں شامل کر لیتا ہے۔ اگر اس کے برعکس میلادِ مصطفیٰ صلی اللہ علیہ وآلہ وسلم پر کسی کادل خوشی سے لبریز نہ ہو بلکہ دل میں ہچکچاہٹ، شکوک و شبہات اور کینے کی سی کیفیت پیدا ہو تو اسے چاہئے کہ اﷲ تعالیٰ کی بارگاہ میں توبہ کرے۔ کیوں کہ یہ انتہائی خطرناک بیماری ہے اور اس سے اجتناب دولتِ ایمان کی حفاظت کے لیے ضروری ہے۔ یہ کیسے ممکن ہے کہ تاجدارِ کائنات صلی اللہ علیہ وآلہ وسلم کا نام لیوا اور اُمتی ہو کر بھی آپ صلی اللہ علیہ وآلہ وسلم کی ولادت باسعادت پر خوشیاں نہ منائے۔
میلاد مبارک پر دلائل طلب کرنا اور اس کے عدمِ جواز پر بحث و مناظرہ کرنا حضور صلی اللہ علیہ وآلہ وسلم سے محبت کے تقاضوں کے منافی ہے، محبت کبھی دلیل کی محتاج نہیں ہوتی۔ لہٰذا جب سرکارِ دو عالم صلی اللہ علیہ وآلہ وسلم کی ولادت باسعادت کا مبارک مہینہ آئے تو ایک مومن کی قلبی کیفیت یہ ہونی چاہیے کہ خوشیاں منانے کے لیے اُس کا دل بے قرار اور طبیعت بے چین ہو جائے، اسے یوں لگے کہ اس کے لیے کائنات کی ساری خوشیاں ہیچ ہیں اور میلادِ رسول صلی اللہ علیہ وآلہ وسلم کی خوشی ہی حقیقی خوشی ہے۔ وہ محسوس کرے کہ اس دن کائنات کی ساری خوشیاں سمٹ کر اس کے دامن میں آگری ہیں۔ اس سے بڑھ کر اس کے لیے مسرت و شادمانی کا اور کون سا موقع ہوگا، وہ تو اس خوشی سے بڑھ کر کائنات میں کسی خوشی کا تصور بھی نہیں کرسکتا۔
میلادِ مصطفیٰ صلی اللہ علیہ وآلہ وسلم کی خوشیاں منانے کا حکمِ خداوندی

اﷲ تعالیٰ کے فضل اور اُس کی نعمتوں کا شکر بجا لانے کا ایک مقبولِ عام طریقہ خوشی و مسرت کا اِعلانیہ اظہار ہے۔ میلادِ مصطفیٰ صلی اللہ علیہ وآلہ وسلم سے بڑی نعمت اور کیا ہو سکتی ہے! یہ وہ نعمتِ عظمیٰ ہے جس کے لیے خود ربِ کریم نے خوشیاں منانے کا حکم فرمایا ہے :
قُلْ بِفَضْلِ اللّهِ وَبِرَحْمَتِهِ فَبِذَلِكَ فَلْيَفْرَحُواْ هُوَ خَيْرٌ مِّمَّا يَجْمَعُونَO
’’فرما دیجئے : (یہ سب کچھ) اللہ کے فضل اور اُس کی رحمت کے باعث ہے (جو بعثتِ محمدی صلی اللہ علیہ وآلہ وسلم کے ذریعے تم پر ہوا ہے) پس مسلمانوں کو چاہئے کہ اس پر خوشیاں منائیں، یہ (خوشی منانا) اس سے کہیں بہتر ہے جسے وہ جمع کرتے ہیںo‘‘
يونس، 10 : 58
اس آیہ کریمہ میں اللہ تعالیٰ کا رُوئے خطاب اپنے حبیب صلی اللہ علیہ وآلہ وسلم سے ہے کہ اپنے صحابہ اور ان کے ذریعے پوری اُمت کو بتا دیجئے کہ ان پر اللہ کی جو رحمت نازل ہوئی ہے وہ ان سے اس امر کی متقاضی ہے کہ اس پر جس قدر ممکن ہو سکے خوشی اور مسرت کا اظہار کریں، اور جس دن حبیبِ خدا صلی اللہ علیہ وآلہ وسلم کی ولادت مبارکہ کی صورت میں عظیم ترین نعمت اُنہیں عطا کی گئی اسے شایانِ شان طریقے سے منائیں۔ اس آیت میں حصولِ نعمت کی یہ خوشی امت کی اجتماعی خوشی ہے جسے اجتماعی طور پر جشن کی صورت میں ہی منایا جاسکتا ہے۔ چوں کہ حکم ہوگیا ہے کہ خوشی مناؤ، اور اجتماعی طور پر خوشی عید کے طور پر منائی جاتی ہے یا جشن کے طور پر۔ لہٰذا آیہ کریمہ کا مفہوم واضح ہے کہ مسلمان یومِ ولادتِ رسول اکرم صلی اللہ علیہ وآلہ وسلم کو ’’عیدِ میلاد النبی صلی اللہ علیہ وآلہ وسلم ‘‘ کے طور پر منائیں۔
اخیر میں ایک مصرعہ کہنا چاہتا ہوں کے.کسی شا عر نے کہا ہے .
نثار تیری چہل پہل پر ہزاروں عیدیں ربی ا لاول

ملک اظہر

جواب :
محبوبان خدا کی یادگاری کے لیے دن مقرر کرنا بے شک جائز ہے ۔حدیث میں ہے:

کان النبی صلی اللہ تعالی علیہ وسلم یا تی قبور شہداء اُحد علی راس کل حول ۔۳؂نبی کریم صلی اللہ تعالٰی علیہ وسلم ہر سال کے اختتام پر شہدائے احد کی قبروں پر تشریف لاتے تھے۔(ت)

( ۳ ؎ جامع البیان (تفسیر ابن جریر) تحت آیۃ ۱۳/ ۲۴ داراحیاء التراث العربی بیروت ۱۳/ ۱۷۰)

شاہ عبدالعزیز صاحب نے اسی حدیث کو اعراس اولیاء کرام کے لیے مستند مانا، اور شاہ ولی اﷲ صاحب نے کہا:ازینجاست حفظ اعراس مشائخ ۔۱؂مشائخ کے عرس منانا اس حدیث سے ثابت ہے (ت)
اللہ سبحانہ وتعالیٰ نے فرمایا ہے کہ قل بفضل اللہ وبرحمتہ فبذالک فلیفرحوا ،یعنی جب اللہ پاک تم پر فضل فرمائے اور رحمت نازل فرمائے تو اس پر خوشی کرو اور عیدیں مناؤ۔اور آپ قرآن شریف میں پڑھ کر آئے ہیں کہ وماارسلنک الا رحمة للعلمین جس ذات مقدس کو سارے جہانوں کے لیے عموماً،اور مومنین کے لیے خصوصاً رحمت کرکے بھیجا گیا،
12 ربیع الاول یوم ولادت کو عید منانے کی اصل سورہ مائدہ کی آیت: 114ہے، جس میں عیسیٰ علیہ السلام نے عرض کیا:
ترجمہ: ''اے ہمارے رب! ہم پر آسمان سے(کھانوں کا) ایک دستر خوان نازل کر جو ہمارے پہلے اور پچھلے (سب کیلئے) عید بن جائے۔''
اس آیت کی رو سے نعمت پانے کے دن کو عید قرار دینا ثابت ہے۔
نیز 12 ربیع الاول کے روز سیرت کانفرنسیں اور دیگر سینکڑوں خالص دینی کام اپنی مخصوص صورت کے ساتھ سنت نبوی و سنت صحابہ سے ثابت نہیں، اسی طرح بے شمار کاموں کی تاریخ اور وقت سب فرقوں کے لوگ خود مقرر کرتے ہیں جیسا کہ تبلیغی اجتماعات کی تاریخ تعلیم کیلئے نظام الاوقات، نماز کی جماعت کیلئے گھڑی کے مطابق روزانہ ایک ہی ٹائم، نکاح کا وقت اور تاریخ وغیرہ۔ اور کوئی بھی اسے بدعت قرار نہیں دیتا حالانکہ یہ نظام الاوقات سنت نبوی و سنت صحابہ سے ثابت نہیں لوگ خود بناتے ہیں۔
تو انصاف یہی ہے کہ تعلیم وتبلیغ کے دیگر پروگراموں کی طرح میلاد شریف میں بھی نئی ہیئت کذائیہ (مخصوص انداز) اور 12 ربیع الاول یا کسی اور تاریخ کے تعین سے بدعت کا ارتکاب لازم نہیں آتا۔

ملک اظہر

جواب٭ شاہ اربل ملک مظفر ابو سعید کی وفات 630 ہجری میں ہوئی۔ محدث ابن جوزی (المتوفیٰ 597ھ) فرماتے ہیں:
'' زمانہ قدیم سے اہل حرمین شریف ( مکہ مکرمہ و مدینہ طیبہ) مصر یمن شام اور تمام عرب ممالک اور مشرق و مغرب کے مسلمانوں کا معمول رہا ہے کہ وہ ربیع الاول کا چاند دیکھتے ہی میلاد شریف کی محفلیں منعقد کرتے، خوشیاں مناتے، غسل کرتے، عمدہ لباس زیب تن کرتے، قسم قسم کی زیبائش وآرائش کرتے، خوشبو لگاتے، ان ایام میں خوب خوشی
ومسرت کا اظہار کرتے، حسب توفیق نقد وجنس لوگوں پر خرچ کرتے، میلاد، شریف پڑھنے اور سننے کا اہتمام بلیغ کرتے، اور اس کی بدولت بڑا ثواب اور عظیم کامیابیاں حاصل کرتے۔ میلاد کی خوشی منانے کے مجربات سے یہ کہ جشن میلاد النبی صلی اللہ علیہ وآلہ وسلم کی برکت سے سال بھر کثرت سے خیر و برکت، سلامتی و عافیت، رزق ومال میں زیادتی، اور شہروں میں امن و امان اور گھر بار میں سکون و قرار رہتا۔'' حوالہ کیلئے : ''بیان المیلاد النبوی'' صفحہ: 57، 58۔

محدث ابن جوزی نے جو کہ شاہ اربل کے ہم عصر ہوئے بلکہ شاہ اربل سے 33سال پہلے وفات پائی، لکھ رہے ہیں کہ قدیم زمانہ سے مکہ مکرمہ مدینہ منورہ اور روئے زمین کے مسلمان ماہ ربیع الاول میں میلاد مناتے ہیں اور اس سے قسم قسم کی برکات حاصل کرتے ہیں۔ اس سے روز روشن کی طرح ثابت ہو جاتا ہے کہ شاہ اربل میلاد کا موجد نہیں تھا، انہوں نے صرف اربل میں میلاد کا آغاز کیا، جبکہ پوری دنیا میں اس سے پہلے قدیم زمانہ سے میلاد منانا مروج تھا۔

مفتی

تمام مسلمانوں کو اسلام علیکم
ملک اظہر صاحب ہم آپکو دل کی گہرائیوں سے خوش آمدید کہتے ہیں
زبردست تحقیقی اور علمی مضمون شیئر کرنے پر مبارک قبول فرمائیں ، آپکا پیش کردہ مضمون دو حصوں پر مشتمل ہے
1- جشن میلاد النبی ناجائز کیوں ؟
اور
2- جلوس اہلحدیث اور جشن دیوبند کا جواز کیوں ؟
پہلے سوال کا شافی جواب متعدد مرتبہ دیا جا چکا مگر دوسرے سوال کا جواب آج تک نہیں مل سکا آخر کیوں ؟ ہے کوئی جو جلوس اہلحدیث اور جشن دیوبند اور وہ بھی ہندوؤں کے ساتھ منانے کا جواز پیش کر سکے ؟

"کیا یہ قرآن و حدیث میں ہے"
"کیا یہ صحابہ نے کیا"
"یہ کہاں لکھا ہے"
ہر بات پر یہ سوال پوچھنے والے یہ بتا سکتے ہیں کہ ہنود سے دوستی کرنے کا ذکر قرآن میں کہاں ہے؟ کس حدیث میں مذکور ہے؟ امریکہ لعین کو ظاہری کوسنے دینے والے اور کبھی کبھی اس آیت کریمہ
کا حوالہ دے کر امریکہ سے دشمنی ظاہر کرنے والوں کو ہندو اپنے سے کیوں لگتے ہیں؟ کیا یہ کفار میں شامل نہیں؟ قرآن و حدیث میں کہاں ہے کہ مسلمان کہلانے والے اپنی مجلسوں میں ہنود سے اشلوک پڑھوائیں ؟ ایک حیاء باختہ عورت کو مسلمانوں کی محفل کا مہمان خصوصی بنانا کہاں لکھا ہے؟؟؟
خدارا! ٹھنڈے دماغ سے سوچئیے اور اپنے ایمان کی فکر کرتے ہوئے درست راہوں کا انتخاب کیجئے ، خدائے بزرگ و برتر ہم سب کو ہدائت دے اور ہمارے ایمان کی حفاظت فرمائے

__________________

نبیل خان

لاثانی صاحب آپ کا انداز بہت خوبصورت ہے جناب آپ کیوں پریشان ہوتے ہیں آپ بھی تشریف لائیں اور محمان نوازی سے مستفید ہو

مہتاب

لگتا ہے پرشاد کی لت پڑ گئی ہے

ناصر نعمان

محترم جناب ملک مظہر بھائی لوگوں‌ کا اپنی سہولت کے مطابق مختلف محافل منعقد کرنے کے لئے کسی دن کو متعین کرنا
اور
آپ حضرات کا کسی دن کو مذہبی طور پر متعین کرکے تقریبات کرنا اور مذہبی تہوار کی صورت میں محافل منعقد کرنے میں زمین اور آسمان کا فرق ہے
کیوں کہ لوگوں کا اپنی محافل کو اپنی سہولت کے مطابق کوئی دن متعین کرنا دین کا حصہ نہیں سمجھا جاتا
جبکہ 12 ربیع الاول کو آپ حضرات نے دین کا حصہ سمجھ کر متعین کیا ہوا ہے
مزید سمجھنے کے لئے آپ کے سامنے وضاحت پیش خدمت ہے ۔۔۔۔ امید ہے کہ آپ خصوصی غور فکر فرما کر جواب عنایت فرمائیں گے ۔جزاک اللہ

حضرت ابو ہریرۃ رضی اللہ عنہ سے روایت ہے کہ :
آپ صلیٰ اللہ علیہ وسلم نے فرمایا کہ جمعہ کی رات کو دوسری راتوں سے نماز اور قیام کے لئے خاص نہ کرو اور جمعہ کے دن کو دوسرے دنوں سے روزہ کے لئے خاص نہ کرو .مگر ہاں کوئی روزے رکھتا ہے اور جمعہ کا دن بھی اس میں آجائے تو الگ بات ہے .(صحیح مسلم ج 1 ص 361)
اس صحیح روایت سے معلوم ہوا کہ جمعہ کی فضیلت نماز جمعہ کی وجہ سے ہے محض اس فضیلت کے سبب جمعہ کی رات کو نماز وغیرہ کے لئے اور دن کو روزہ کے لئے خاص کرنا صحیح نہیں .

علامہ ابو اسحق شاطبی رحمتہ اللہ علیہ بدعات کی تعین اور تردید کرتے ہوئے فرماتے ہیں :
انہی بدعات میں سے کیفیت مخصوصہ اور ہیئات معینہ کا التزام ہے جیسے کہ ہئیت اجتماع کے ساتھ ایک آواز پر ذکر کرنا (پھر آگے فرمایا)اور اُنہی بدعات میں سے خاص اوقات کے اندر ایسی عبادات معینہ کا التزام کرلینا بھی ہے جن کے لئے شریعت مطہرہ نے وہ اوقات مقرر نہیں کئے ہیں‘‘(الاعتصام ج 1 ص 34)

اور دوسری جگہ لکھتے ہیں کہ :
’’جب شریعت نے کسی چیز کی ترغیب دی ہو مثلا ذکر اللہ،سو اگر ایک قوم اس کا التزام کرلے کہ ایک زبان ہوکر ایک آواز سے وہ کر کرتی ہے یا دیگر اوقات کے علاوہ کسی معلوم اور مخصوص وقت کے اندر وہ ذکر کرتی ہے تو شریعت کی ترغیب اس معین تخصیص اور التزام پر ہرگز دلالت نہیں کرتی بلکہ اس کے خلاف دلالت کرتی ہے ‘‘(الاعتصام ج 1 ص 335)

مشہور فقیہ ابو حنیفہ ثانی علامہ زین العابدین ابن نجیم المصری الحنفی رحمتہ اللہ علیہ (المتوفی 970 ھ)لکھتے ہیں :
’’اس لئے کہ جب ذکر اللہ کی جب کسی ایک ہی وقت کے ساتھ تخصیص کا قصد کرلیاگیا اور دوسرے وقت میں وہ نہ ہوا یا کسی شے کے ساتھ ذکر اللہ کو مخصوص کر لیا گیا دوسری چیز کے ساتھ ، وہ خاص نہ کیا گیا تو وہ مشروع نہ ہوگا کیوں کہ اس کے متعلق شریعت میں کوئی تخصیص نہیں آئی لہاذا وہ خلاف شرع ہوگا‘‘(بحر الرائق ج 2 ص 159)
علامہ موصوف بھی یہی بتلانا چاہتے ہیں کہ گو اللہ تعالیٰ کا ذکر ایک بڑی عبادت ہے لیکن جب شریعت نے اس کو کسی خاص وقت کے ساتھ یا جہر یا اخفاء یا اجتماع و انفراد وغیرہ کسی خاص کیفیت اور ہیئت کے ساتھ مخصوص نہیں کیا تو اس کو اپنی طرف سے کسی خاص وقت یا کسی خاص کیفیت کے ساتھ متعین کردینا غیر مشروع ہوگا بلکہ تحریف دین ہوگا .اس لئے شریعت نے ایسا کرنے کا حکم نہیں دیا .

حضرت مجدد الف ثانی رحمتہ اللہ علیہ ارشاد فرماتے ہیں :
’’اس فقیر کا عمل بھی اسی پر ہے کہ کسی دن کو کسی دن پر ترجیح نہیں دیتا ،تاوقتیکہ اُس کی ترجیح شارع سے معلوم نہ کرلے . جیسا کہ جمعہ اور رمضان وغیرہ کی ترجیح شارع سے معلوم ہوچکی ہے‘‘(مکتوبات حصہ چہارم ص 67)

حضرت عبد اللہ بن مسعود رضی اللہ عنہ کی ایک روایت کا خلاصہ ہے کہ :
ان کا گذر مسجد میں ذاکرین کی ایک جماعت پر ہوا جس میں ایک شخص کہتا تھا کہ 100 مرتبہ اللہ اکبر پڑھو تو حلقہ نشین لوگ کنکریوں پر سو مرتبہ تکبیر کہتے .پھر وہ کہتا 100 مرتبہ لاالہ الااللہ پڑھو تو وہ سو بات تہلیل پڑھتے پھر وہ کہتا کہ 100 مرتبہ سبحان اللہ پڑھو.تو وہ 100 مرتبہ سنگریزوں پر تسبیح پڑھتے .حضرت ابن مسعود رضی اللہ عنہ نے فرمایا کہ تم ان سنگریزوں اور کنکریوں پر کیا پڑھتے تھے?وہ کہنے لگے کہ ہم تکبیر و تہلیل و تسبیح پڑھتے رہے ہیں .آپ نے فرمایا کہ ’’تم ان کنکریوں پر اپنے گناہ شمار کیا کرو .میں اس کا ضامن ہوں کہ تمہاری نیکیوں میں سے کچھ بھی ضایع نہ ہوگا .تعجب ہے تم پر اے امت محمد صلیٰ اللہ علیہ وسلم ،کیا ہی جلدی تم ہلاکت میں پڑ گئے ہو ،ابھی حضرات صحابہ کرام (رضوان اللہ تعالیٰ اجمعین) تم میں بکثرت موجود ہیں ،اور ابھی تک جناب رسول اللہ صلیٰ اللہ علیہ وسلم کے کپڑے پرانے نہیں ہوئے اور ابھی تک آپ صلیٰ اللہ علیہ وسلم کے برتن نہیں ٹوٹے (آگے فرمایا)اندریں حالات تم بدعت اور گمراہی کا دروازہ کھولتے ہو(مسند دارمی ص 38 قلت بسند صحیح )
اور صاحب مجالس الابرارحضرت ابن مسعود رضی اللہ عنہ کی روایت کا حوالا دیتے ہوئے فرماتے ہیں :
’’ہر اس شخص کے متعلق ایسا ہی کہنا چاہیے (کہ وہ بدعت کا مرتکب ہے)جو خالص بدنی عبادات میں کوئی ایسی صفت اور ہیئت پیدا کرے جو حضرات صحابہ رضوان اللہ تعالیٰ علیہم اجمعین کے زمانہ میں نہ تھی‘‘(مجالس الاابرار ص 123)

کیوں کہ اس طرح صفت اور ہیئت پیدا کرنے کی وجہ سے دین بدل جائے گا اور اسی کا نام تحریف دین ہے .

چناچہ حضرت شاہ ولی اللہ محدث دہلوی تحریف دین کے اسباب بیان کرتے ہوئے لکھتے ہیں:
’’اور ان اسباب میں سے ایک یہ ہے کہ تشدد اختیار کرلیا جائے جن کے متعلق شریعت نے حکم نہیں دیا .مثلا کوئی دوامی طور پر روزہ رکھے اور قیام کرے اور عزلت نشینی اختیار کرلے اور نکاح چھوڑدے اور مثلا یہ کہ سنتوں اور مستحبات کا ایسا التزام کرلے جیسے کہ واجبات کا کیا جاتا ہے (پھر فرمایا)کہ ایسا متعمق یا متشدد کسی قوم کا معلم یا رئیس بن جاتا ہے تو قوم یہ خیال کرلیتی ہے کہ اس کا یہ عمل شرع کا حکم اور اس کا پسندیدہ امر ہے ‘‘(حجتہ اللہ ج 1 ص 120)

یہی وجہ ہے کہ قانون الٰہی نے نے انسانوں کو اپنی مرضی پر نہیں چھوڑا .عبادت اور معاملات حتی کہ حکومت اور سلطنت کے احکام میں بھی ان کو پابند کردیا ہے تاکہ وہ اپنی اہواء اور خواہشات کے تحت اللہ تعالیٰ کے دین کا حلیہ نہ بگاڑ دیں.

اورحافظ ابن دقیق رحمتہ اللہ علیہ روافض عید غدیر کی تردید کرتے ہوئے تحریر فرماتے ہیں :
’’شعیوں نے جو تیسری عید جس کو عید غدیر کہتے ہیں ایجاد کی ہے .اس کے لئے اجتماع اور اس کے بطور شعائر کے قائم کرنے پر جو مخصوص وقت اور خاص ہئیت کے ساتھ کی جاتی ہے کوئی شرعی دلیل موجود نہیں ہے اسی کے قریب یہ بات بھی ہے کہ کوئی عبادت شریعت میں کسی خاص طریقہ پر ثابت ہو ، اور بعض لوگ اس کے اندر کچھ تغیر کردیں اور خیال یہ کریں کہ یہ بھی عموم کے نیچے داخل ہے تو ان کاایسا خیال صحیح اور درست نہ ہوگا کیوں کہ عبادت کے اندر تعبدی طریقہ غالب ہے اور اس کا ماخذ (جناب رسول اللہ صلیٰ اللہ علیہ وسلم اور حضرات صحابہ کرام رضوان اللہ تعالیٰ علیہم اجمعین سے)سے اطلاع پائے بغیر معلوم نہیں ہوتا‘‘(محصلہ)(احکام الااحکام ج 1 ص 51)

امید ہے بھائی کہ آپ کو اس ساری تفصیل کے بعد باآسانی سمجھ آرہا ہوگا کہ 12 ربیع الاول کو عید میلاد النبی صلیٰ اللہ علیہ وسلم کو متعین کرنے میں اور لوگوں کا اپنی سہولت کے مطابق اپنی محافل منعقد کرنے میں‌ کیا فرق ہے ؟؟؟
یعنی جو عمل حضور صلیٰ اللہ علیہ وسلم کے دور مبارک میں ممکن ہوسکتا ہو اور حضور اکرام صلیٰ اللہ علیہ وسلم نے نہیں کیا ہو ...... اور وہ ہی عمل صحابہ کرام رضوان اللہ تعالیٰ علیہم اجمعین کے دور مبارک میں ممکن ہوسکتا ہو اور باجود صحابہ کرام رضوان اللہ تعالیٰ علیہم اجمعین کی حضور اکرام صلیٰ اللہ علیہ وسلم سے بے انتہا محبت اور قدم قدم پراپنی جان و مال ومتاع نثار کرنے کا جذبہ رکھتے ہوتے ہوئے بھی صحابہ کرام رضوان اللہ تعالیٰ علیہم اجمعین نے نہ عمل کیا ہو ...... اور اس کے بعد خیر القرون حضرات تابعین کرام تبع تابعین کرام کے دور میں وہی عمل ممکن ہوسکتا ہو جنہوں نے حضرات صحابہ کرام رضوان اللہ تعالیٰ علیہم اجمعین سے براہ راست دینی تعلیم حاصل کی دینی احکامات سیکھے..... لیکن اس کے باوجود بھی حضرات تابعین کرام اور تبع تابعین کرام نے عمل نہ کیا ہو ......

تو پھر آپ حضرات کا 12 ربیع الاول کو عید متعین کرنا کیا معنی رکھتا ہے ?

12 ربیع الاول کو میلاد منانے کے حامی قرآن اور سنت سے 12 ربیع الاول کو میلاد کے انعقاد پر دلائل پیش کرکے کیا ثابت کرنا چاہتے ہیں ?

ٹھنڈے دل و دماغ سے سوچیں ..... اور غور کریں ......

اللہ تعالیٰ ہم سب کو دین کی صحیح سمجھ اور عمل کی توفیق عطاء فرمائے ۔آمین

نبیل خان

آپ بھی محروم نہیں رہیں گے تشریف تو لائیں جی

جناب: اخلاق کا دامن ہاتھ سے نہ چھوٹنا چاہیے ِِِِِ۔۔۔۔۔۔۔۔۔۔۔۔۔۔۔ شکریہ

مہتاب

12 ربیع الاول سیّد الانبیاء حضرت محمد مُصطفٰے صلی اللہ تعالٰی علیہ وآلیہ واصحابہ وبارک وسلم کی اس دُنیا میں تشریف آوری کا دن ہے اور اس دن کو اللہ تعالٰی نے بھی مقرر فرمایا ہے اس امرِ خدا وندی پر اس دن کو مقرر کرنے کا الزام اللہ پاک کو دینے کی جرات ہے کسی میں؟؟؟

اللہ تعالٰی نبی کریم صلی اللہ علیہ وسلم کے میلاد کی خوشی منانے والے ایک کافر کو اس عمل کے بدلے میں دن مقرر فرما کر عذاب میں تخفیف فرماتا ہے
ابو لہب جو ایک مشہور کافراور حضور سید عالم صلی اللہ علیہ وسلم کے نسبی رشتہ میں چچا تھا۔جب حضور نبی کریم صلی اللہ علیہ وسلم کی ولادت مبارک ہو ئی تو ابو لہب کی لونڈی( کنیز) ثویبہ نے آپ صلی اللہ علیہ وسلم کی ولادت کی خوشخبری اپنے مالک ابو لہب کو سنائی تو ابولہب نے اسی وقت حضور صلی اللہ علیہ وسلم کی ولادت کی خوشی میں اپنی لونڈی ثویبہ کو اپنی غلامی سے آزاد کر دیا۔
جب ابو لہب مر گیا تو اس کے گھر والوں میں سے کسی نے اسے خواب میں دیکھا اوراس کا حال دریافت کیا، تو اس نے کہاکہ کفر کی وجہ سے دوزخ کے عذاب میں مبتلا ہوں مگرہاں اتنی بات ضرور ہے کہ ہر پیر کے دن میرے عذاب میں کچھ تخفیف(کمی) ہوجاتی ہے اور جس انگلی سے میں نے اشارہ کرکے اپنی لونڈی ثویبہ کو غلامی سے آزادکیاتھا،اس انگلی سے مجھے(پانی وغیرہ) پلایا جاتاہے۔
(صحیح بخاری، فتح الباری)
اور حضور اکرم صلی اللہ تعالٰی علیہ وسلم سے محبت دین کا نہیں ایمان کا حصہ ہے

مغزِ قرآں، روحِ ایماں ، جانِ دیں ہست حُبِّ رحمۃ للعلمین

حضرت شاہ ولی اللہ محدث دہلوی رحمۃ اللہ علیہ کے والد محترم حضرت شاہ عبدالرحیم رحمۃ اللہ علیہ فرماتے ہیں کہ” میں میلاد شریف کے دنوں میں ہرسال حضورنبی کریم صلی اللہ علیہ وسلم کے میلاد شریف کی خوشی میں کھانا پکوایاکرتا تھالیکن ایک سال مجھے سوائے بھنے ہوئے چنوں کے اور کچھ مجھے میسرنہیں ہوا۔ چنانچہ میں نے وہی بھنے ہوئے چنے لوگوں میں تقسیم کردیئے۔اسی رات کو خواب میں مجھے حضور نبی کریم صلی اللہ علیہ وسلم کی زیارت نصیب ہوئی تو میں نے دیکھا کہ وہی بھنے ہوئے چنے حضورسید عالم صلی اللہ علیہ وسلم کے سامنے رکھے ہوئے ہیں اورحضور صلی اللہ علیہ وسلم اُن سے بہت خوش نظر آرہے ہیں“۔ (الدرالثمین: صفحہ 8 )

شیخ المشائخ حضرت حاجی امداداللہ مہاجر مکی علیہ الرحمۃ(متوفی1317ھ) فرماتے ہیں کہ”اور مشرب(طریقہ) فقیر کایہ ہے کہ محفل مولد(میلاد) میں شریک ہوتا ہوں بلکہ ذریعہ برکات سمجھ کرہر سال منعقد کرتا ہوں اور قیام میں لطف ولذت پاتاہوں“۔ (فیصلہ ہفت مسئلہ:ص5)

حاصل کلام یہ ہے کہ تمام عالم اسلام میں ماہ ربیع الاوّل میں محافل میلادکا انعقاد اور خوشی ومسرت کا اظہار کرنا،انواع واقسام کے صدقہ وخیرات کرنااور دعوت طعام کا اہتمام کرناوغیرہ ہمیشہ سے مسلمانوں کا محبوب طرزِعمل رہاہے۔

بھائی صاب آپ روزہ کیلئے ایک دن مخصوص کرنا گوارا نہیں کرتے جبکہ مسلمانوں کے پیارے آقا و مولا (صلی اللہ علیہ وسلم) ہر پیر کو روزہ رکھ کر اپنا یوم ولادت مناتے تھے جیسا کہ حضرت سیدنا ابو قتادہ رضی اللہ تعالٰی عنہ فرماتے ہیں، بارگاہ رسالت صلی اللہ تعالٰی علیہ وآلہ وسلم میں پیر کے روزے کے بارے میں دریافت کیا گیا (کیونکہ آپ صلی اللہ تعالٰی علیہ وآلہ وسلم ‌ پیر کو روزہ رکھتے تھے) تو ارشاد فرمایا، “اسی دن میری ولادت ہوئی اور اسی روز مجھ پر وحی نازل ہوئی۔“ (صحیح مسلم شریف ص591 حدیث‌198۔(1162) دارابن حزم بیروت)

اس کے بعد بھائی صاب نے ذکر کے متعلق کاپی پیسٹ کیا ہے جو کہ موضوع سے متعلقہ نہیں ہے اس لئے اس کو فی الحال چھوڑ دیا جاتا ۔
بھائی صاحب اس کے بعد رقم طراز ہیں

تو جناب نہ ہم دوامی طور پر روزہ رکھتے ہیں ، نہ مستقل قیام کرتے ہیں ، نہ عزلت نشینی اختیار کئے ہوئے ہیں اور الحمد اللہ میں بچوں والا ہوں یعنی نکاح کو نہیں چھوڑا ۔۔۔۔۔۔۔۔۔۔۔۔۔۔۔ اس کے علاوہ کوئی حکم ہو تو فرمادیں

عالم اسلام کے تمام مسلمان بارہ ربیع الاوّل کو یہ عظیم الشان اور ایمان افروز تہوار جشن عید میلادُ النبی صلی اللہ علیہ وسلم ہمیشہ سے مناتے چلے آرہے ہیں اور جب تک یہ دنیا قائم ودائم ہے اور ایک بھی مسلمان روئے زمین پرباقی ہے، یہ جشن عید میلادُالنبی صلی اللہ علیہ وسلم اسی طرح عقیدت ومحبت، خوشی ومسرت اورپوری آب وتاب کے ساتھ منایاجاتا رہے گا اور اہل ایمان میلاد شریف کی برکتوں، رحمتوں اور دنیوی واُخروی سعادتوں سے فیض یاب ہوتے رہیں گے۔

صدائیں درودوں کی آتی رہیں گی
جنہیں سن کے دل شاد ہوتا رہے گا
خدا اہلسنّت کو آباد رکھے
محمد کا میلاد ہو تا رہے گا

ابھی تک مفتی صاحب کے سوال کا جواب باقی ہے

__________________
اے ایمان والو اللّٰہ سے ڈرو اور اسکی طرف وسیلہ ڈھونڈو (جس کی بدولت تمہیں اس کا قُرب حاصل ہو ) اور اس کی راہ میں جہاد کرو اس امید پر کہ فلاح پاؤ (المائدہ 35)

مہتاب

عید الاالضحٰے قریب ہے اور ہم نے گائے کی قربانی کرنی ہے سوچ کر جواب دیجئے گا
امید ہے آپ سمجھ گئے ہوں گے

فکری

بھائی کرسمس پر گرجا گھر جاکر کیک کاٹنے والوں کا بھی خیال رکھیں،۔،،۔،عورت تو حجرت نظام الدین کے 678 سالانہ عرس میں بھی موجود تھی گدی نشین نے سر پر چادر ڈالی رروزنامہ جنگ لاہور 4فروری1983،۔ کیا خیال ھے عورت وھی ھے،

ناصر نعمان

آبی ٹوکول

بشکریہ حسنین رضا القلم فورم

__________________
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔
پیکرِ دلرُبا بن کے‌ آیا ،روحِ ارض و سما بن کے آیا
سب رسولِ خُدا بن کے آئے ،وہ حبیبِ خُدا بن کے آٰیا

ملک اظہر

[QUOTE=ناصر نعمان;458404][FONT="Jameel Noori Nastaleeq"]محترم جناب ملک مظہر بھائی لوگوں‌ کا اپنی سہولت کے مطابق مختلف محافل منعقد کرنے کے لئے کسی دن کو متعین کرنا
اور
آپ حضرات کا کسی دن کو مذہبی طور پر متعین کرکے تقریبات کرنا اور مذہبی تہوار کی صورت میں محافل منعقد کرنے میں زمین اور آسمان کا فرق ہے
کیوں کہ لوگوں کا اپنی محافل کو اپنی سہولت کے مطابق کوئی دن متعین کرنا دین کا حصہ نہیں سمجھا جاتا
جبکہ 12 ربیع الاول کو آپ حضرات نے دین کا حصہ سمجھ کر متعین کیا ہوا ہے۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔


حضرت شاہ احمد سعید مجددی دہلوی علیہ الرحمہ اسماعیل دہلوی کے میلاد پر اعتراضات کے جواب میں فرماتےہیں
میلاد مصطفی صلی اللہ علیہ وسلم کے دلائل پوچھنے والو۔۔۔ یاد رکھو! میلاد شریف کی محفل میں آپ کی کمال شان پر دلالت کرنے والی آیات، صحیح احادیث، ولادتِ باسعادت، معراج شریف ، معجزات اور وفات کے واقعات کا بیان کرنا ہمیشہ سے بزرگانِ دین کا طریقہ رہا ہے لہٰذا تمہارے انکار کی ضد کے سوا کوئی وجہ نہیں۔ اگر تم مسلمان ہو اور محبوب رب العالمین سید المرسلین صلی اللہ علیہ وسلم کے احوال سننے کا شوق ہے تو پاس آؤ اور (ہم سے احوالِ مصطفی) سنو تمہیں پتہ چلے کہ ہمارا دعویٰ حقیت پر مبنی ہے، محفل میلاد دراصل وعظ و نصیحت ہے اس کے لئے جو کان لگائیں اور متوجہ ہوں، اللہ تعالیٰ کا حکم ہے۔
نصیحت کرو بے شک نصیحت مومنین کیلئے مفید ہے۔ ہمارے زمانہ کے جہلاء، جو اپنے آپ کو ''پڑھا لکھا'' اور ''صالحین'' سمجھتے ہیں کے وعظ کی طرح نہ ہو جو انبیاء، اولیاء کی توہین اور مومنین کی غیبت کا مجموعہ ہوتا ہے حالانکہ اللہ تعالیٰ نے اپنے پاک کلام میں غیبت سے منع کیا ہے۔ ارشاد ہے:۔ ''ایک دوسرے کی غیبت نہ کرو کیا تم میں کوئی اپنے مرے بھائی کا گوشت کھانا پسند کرے گا؟ تمہیں ہر گز گوارا نہ ہوگا اور اللہ تعالیٰ سے ڈرو بے شک اللہ بہت توبہ قبول کرنے والا مہربان ہے۔'' جاہل واعظ خود گمراہ ہیں اور دوسروں کو گمراہ کرتے ہیں خود برباد ہوئے، دوسروں کو برباد کرتے ہیں، اپنے آپ سے بے خبر چند بے وقوف، شر پسند اور متکبر اگر چراغ تک پہنچتے ہیں تو ہوا بن جاتے ہیں (یعنی چراغ ہدایت کو بجھانے کی کوشش کرتے ہیں) اور دماغ تک پہنچتے ہیں تو دھواں ہوجاتے ہیں۔ (یعنی اس کو تاریک کرنے کی کوشش کرتے ہیں) اللہ تعالیٰ ان سے بچائے۔ ذکر رسول صلی اللہ علیہ وسلم، اللہ تعالیٰ کا ہی ذکر ہے۔
حضرت ابو سعید خدری سے روایت ہے کہ نبی کریم صلی اللہ علیہ وسلم نے فرمایا: ''میرے پاس جبرائیل آئے اور کہا بے شک میرا اور آپ کا رب فرماتا ہے، آپ جانتے ہیں میں نے آپ کا ذکر کیسے بلند کیا؟ میں نے کہا اللہ عزوجل بہتر جانتا ہے۔ (جبرائیل نے ) کہا اللہ فرماتا ہے کہ جب میرا ذکر کیا جائے، آپ کا میرے ساتھ ذکر کیا جائے۔ ابن عطا سے روایت ہے کہ میں نے (اللہ نے) آپ کے ساتھ اپنے ذکر کو تکمیل ایمان کا ذریعہ بنایا ، ابنِ عطاء ہی سے روایت ہے کہ میں آپ کو اپنا ذکر بنادیا جس نے آپ کا ذکر کیا اس نے میرا ذکر کیا (شفاء)۔ (ان دلائل کے ہوتے ہوئے) جو اللہ اور اس کے رسول صلی اللہ علیہ وسلم کے ذکر سے روکے وہ شیطانی لشکر سے ہے، جس کو اللہ تعالیٰ کے ذکر سے نفرت ہے کیونکہ مومنِ صادق تو ذکر محبوب کا مشتاق ہوتا ہے اور ذکر محبوب سے لذت پاتا ہے۔ کسی شاعر نے کہا ہے

اَعِدْ ذِکْرَ نُعْمَانٍ لَنَا اِنَّ ذِکْرَہ، ۔۔۔۔۔۔ ہُوَا لْمِسْکُ مَا کَرَّ رتَہ، یَتَضَوَّعْ
ہمارے سامنے نعمان کا بکثرت زکر کر، بلا شبہ اس کا ذکر جتنی دفعہ کرو گے کستوری کی طرح مہکے گا


1۔ حضرت مجدد الف ثانی پر بہتان کا رد .

اے سائل! تونے حضرت امام ربانی مجدد الف ثانی علیہ الرحمۃ کے متعلق کہا ہے آپ محفل میلاد سے منع فرماتے تھے، تیرا یہ قول قطعاً غلط ہے ہمارے امام اور قبلہ نے گانے کی مجلس میں حاضر ہونے سے منع کیا ہے اگرچہ اس مجلس میں قرآن کی تلاوت و نعتیہ قصائد پڑھے جائیں، حضرت امام ربانی نے قرآن و حدیث کے پڑھنے سے منع نہیں فرمایا، جیسا کہ حضرت امام ربانی کی مراد سے بے خبر لوگوں نے گمان کرلیا ہے۔ اس قسم کی بات حضرت امام ربانی پر بہت بڑا بہتان ہے

حضرت مجدد رحمۃ اللہ علیہ مکتوبات کی تیسری جلد میں فرماتے ہیں کہ اچھی آواز سے صرف قرآن مجید اور نعت و منقبت کے قصائد پڑھنے میں کیا حرج ہے؟ منع تو یہ ہے کہ قرآن کے حروف کو تبدیل و تحریف کیا جائے اور مقامات نغمہ کا التزام کرنا اور الحان کے طریق سے آواز کو پھیرنا اور اس کے مناسب تالیاں بجانا جو کہ شعر میں بھی ناجائز ہیں اگر ایسے طریقہ سے مولود پڑھیں کہ قرآنی کلمات میں تحریف واقع نہ ہو اور قصائد پڑھنے میں شرائط مذکورہ متحقق نہ ہوں اور اس کو بھی صحیح غرض سے تجویز کریں تو پھر کون سی رکاوٹ ہے؟ پس معلوم ہوا کہ حضرت مجدد کی جو عبارات میلاد کے منکر بطور دلیل پیش کرتے ہیں اس عبارت سے حضرت مجدد کی مراد یہ ہے کہ ، ''قصائد و نعت خوانی میں نغمہ کا التزام کرنا الحان کے طریق سے آواز کو پھیرنا اور اس کے مناسک تالیاں بجانا منع ہے۔'' جیسا کہ حضرت کی مذکورہ عبارت سے بالکل ظاہر ہے، مخالفین نے غلط سمجھا ہے۔ حضرت امام نے مطلقاً محفل میلاد کو منع نہیں فرمایا پس حق ثابت ہوگیا۔ سادہ لوح عوام کو گمراہ کرنے اورپنا کھوٹا سکہ رائج کرنے کیلئے اس فرقہ باطلہ نے ایک نیا طریقہ نکالا ہے ہمارے بزرگوں کو بدنام کرتے ہیں کہتے ہیں فلاں بزرگ نے یوں لکھا ، فلاں نے لکھا اللہ تعالیٰ ان جھوٹ سے پاک ہے۔

2۔ فضیلتِ جمعہ کا سبب یومِ تخلیقِ آدم علیہ السلام ہے .

جمعہ کے دن کی خاص اَہمیت اور فضیلت کی بناء پر اسے سید الایام کہا گیا ہے۔ اس دن غسل کرنا، صاف ستھرے یا نئے کپڑے پہننا، خوشبو لگانا اور کاروبارِ زندگی چھوڑتے ہوئے مسجد میں اِجتماع عام میں شریک ہونا اُمورِ مسنونہ ہیں۔ حضور نبی اکرم صلی اللہ علیہ وآلہ وسلم نے اس دن زیادہ سے زیادہ درود شریف پڑھنے کا بھی حکم دیا ہے۔

حضرت اَوس بن اَوس رضی اللہ عنہ سے روایت ہے کہ حضور نبی اکرم صلی اللہ علیہ وآلہ وسلم نے فرمایا :

إن من أفضل أيامکم يوم الجمعة، فيه خلق آدم، وفيه قبض، وفيه النفخة، وفيه الصعقة، فأکثروا عليّ من الصلاة فيه، فإن صلاتکم معروضة علي.

’’تمہارے دنوں ميں سب سے افضل دن جمعہ کا ہے، اس دن حضرت آدم علیہ السلام کی ولادت ہوئی (یعنی اس دن حضرت آدم علیہ السلام کی خلقت ہوئی اور آپ کو لباسِ بشریت سے سرفراز کیا گیا)، اس روز اُن کی روح قبض کی گئی، اور اِسی روز صور پھونکا جائے گا۔ پس اس روز کثرت سے مجھ پر درود شریف بھیجا کرو، بے شک تمہارا درود مجھ پر پیش کیا جاتا ہے۔‘‘

1. أبو داؤد، السنن، کتاب الصلاة، باب تفريع أبواب الجمعة وفضل يوم الجمعة وليلة الجمعة، 1 : 275، رقم : 1047
2. أبو داؤد، السنن، أبواب الوتر، باب في الاستغفار، 2 : 88، رقم : 1531
3. ابن ماجه، السنن، کتاب إقامة الصلاة والسنة فيها، باب في فضل الجمعة، 1 : 345، رقم : 1085
4. نسائي، السنن، کتاب الجمعة، باب إکثار الصلاة علي النبي صلي الله عليه وآله وسلم يوم الجمعة، 3 : 91، رقم : 1375
5. نسائي، السنن الکبري، باب الأمر بإکثار الصلاة علي النبي صلي الله عليه وآله وسلم يوم الجمعة، 1 : 519، رقم : 1666
6. دارمي، السنن، 1 : 445، رقم : 1572
7. ابن ابي شيبة، المصنف، 2 : 253، رقم : 8697
8. طبراني، المعجم الکبير، 1 : 216، رقم : 589
9. بيهقي، السنن الکبري، 3 : 248، رقم : 5789
10. بيهقي، السنن الصغري، 1 : 372، رقم : 634
11. هيثمي، موارد الظمان إلي زوائد ابن حبان، 1 : 146، رقم : 55045

جمعۃ المبارک کے سلسلہ میں کیے جانے والے تمام تر اِنتظامات وہ ہیں جو میلاد کے حوالہ سے بھی کیے جاتے ہیں، مثلاً غسل کرنا، خوشبو لگانا، ایک جگہ جمع ہونا، کاروبار ترک کرنا اور مسجد میں حاضری دینا۔ ان کے علاوہ بھی بعض امور کا تذکرہ کتب حدیث میں موجود ہے۔ جمعہ کے دن یہ سارا اہتمام درحقیقت حضور نبی اکرم صلی اللہ علیہ وآلہ وسلم پر زیادہ سے زیادہ درود و سلام بھیجنے کے حوالہ سے ہے اور اس دن کو کثرتِ درود و سلام کے لیے اس لیے چنا گیا کہ یہ حضرت آدم علیہ السلام کا یومِ میلاد ہے۔ جیسا کہ پہلےبیان کیا گیا ہے کہ حضور نبی اکرم صلی اللہ علیہ وآلہ وسلم کا ارشادگرامی ہے :

فأکثروا عليّ من الصلاة فيه.

’’پس اس روز کثرت سے مجھ پر درود شریف بھیجا کرو۔‘‘

اِس دن عاشقانِ رسول درود شریف کا اِجتماعی ورد کرتے ہیں اور اس دن محفل میلاد اور محفلِ صلوٰۃ و سلام کا زیادہ سے زیادہ اہتمام کیا جاتا ہے۔ سو یہ دن جہاں ایک طرف میلادِ سیدنا آدم علیہ السلام کے لیے خاص ہے تو دوسری طرف درود و سلام کے ذکر کی نسبت سے میلادِ مصطفیٰ صلی اللہ علیہ وآلہ وسلم کے لیے بھی ہے۔ اس طرح بہ یک وقت یہ دن جدماجد اور فرزند اَمجد دونوں کے لیے اِظہارِ مسرت کا مژدہ بردار بن گیاہے۔

3۔سوال: تو پھر آپ حضرات کا 12 ربیع الاول کو عید متعین کرنا کیا معنی رکھتا ہے؟
جواب: اللہ تعالٰی نے مسلمانوں کو اپنی نعمت عظمٰی ۱۲ ربیع الاول کو عطا فرمائی تو اس نعمت کا شکر ادا کرنے اور اس پر خوشی منانے کے لیے اسی دن سے بہتر اور کون سا دن ہو سکتا ہے حیرت کی بات ہے کہ آیت قرآنی اور حدیث پیغمبر صلی اللہ علیہ وسلم سے ھم نے دن مقرر کرنے کا جواز پیش کیا اور آپ نجانے کیوں اسے قبول فرمانے میں ہچکچا رہے ہیں مکرر لکھتا ہوں قرآن مجید میں ارشاد ہوتا ہے

رَبَّنَا أَنزِلْ عَلَيْنَا مَآئِدَةً مِّنَ السَّمَاءِ تَكُونُ لَنَا عِيداً لِّأَوَّلِنَا وَآخِرِنَا وَآيَةً مِّنكَ
المائدة، 5 : 114
’’اے اﷲ! اے ہمارے رب! ہم پر آسمان سے خوانِ (نعمت) نازل فرما دے کہ (اس کے اُترنے کا دن) ہمارے لیے عید ہوجائے ہمار ے اگلوں کے لیے (بھی) اور ہمارے پچھلوں کے لیے (بھی) اور (وہ خوان) تیری طرف سے نشانی ہو۔‘‘

قرآن مجید نے اس آیت میں نبی کی زبان سے یہ تصور دیا ہے کہ جس دن اﷲ تعالیٰ کی نعمت اُترے اس دن کو بطور عید منانا اس نعمت کے شکرانے کی مستحسن صورت ہے

کان النبی صلی اللہ تعالی علیہ وسلم یا تی قبور شہداء اُحد علی راس کل حول ۔۳؂نبی کریم صلی اللہ تعالٰی علیہ وسلم ہر سال کے اختتام پر شہدائے احد کی قبروں پر تشریف لاتے تھے۔
آپ صلی اللہ تعالی علیہ وسلم کا ہر سال کے اختتام پر شہدائے احد کی قبروں پر تشریف لے جانا لوگوں کی سہولت کے واسطے نہ تھا
حافظ ابو الفضل ابن حجر نے حدیث سے ایک ضابطہ کا استخراج فرمایا ہے فرماتے ہیں کہ: ''حضور صلی اللہ علیہ وسلم مدینہ شریف تشریف لائے تو وہاں کے یہودیوں کو عاشورہ کا روزہ رکھتے دیکھا تو ان سے دریافت فرمایا کہ تم عاشورہ کا روزہ کیوں رکھتے ہو؟ انہوں نے کہا یہ دن نہایت مقدس ہے مبارک ہے اسی دن اللہ تعالیٰ نے فرعون کو غرق فرمایا اور موسیٰ کو نجات بخشی اور ہم تعظیماً اس دن کا روزہ رکھتے ہیں، حضور صلی اللہ علیہ وسلم نے فرمایا، ہم موسیٰ کا دن منانے میں تم سے زیادہ حقدار ہیں پس حضور صلی اللہ علیہ وسلم نے خود بھی روزہ رکھا اور صحابہ کو روزہ رکھنے کا حکم دیا۔'' معلوم ہوا جس دن اللہ تعالیٰ کی کسی خاص نعمت کا نزول ہو یا کسی مصیبت سے نجات ہو نہ صرف اسی دن بلکہ ہر سال اس تاریخ کو اللہ کا شکر ادا کرنا چاہئے۔ ۔

عن عمر بن الخطاب رضي الله عنه : إن رجلا من اليهود قال له : يا أمير المومنين! آية في کتابکم تقرؤونها، لو علينا معشر اليهود نزلت، لاتّخذنا ذلک اليوم عيدًا، قال : أي آية؟ قال : (اَلْيَوْمَ اَکْمَلْتُ لَکُمْ دِيْنَکُمْ وَاَتْمَمْتُ عَلَيْکُمْ نِعْمَتِيْ وَرَضِيْتُ لَکُمُ الْاِسْلَامَ دِيْناً) قال عمر : قد عرفنا ذلک اليوم، والمکان الذي نزلت فيه علي النبي صلي الله عليه وآله وسلم ، وهو قائم بعرفة يوم جمعة.

’’حضرت عمر بن خطاب رضی اللہ عنہ سے روایت ہے : ایک یہودی نے اُن سے کہا : اے امیر المومنین! آپ اپنی کتاب میں ایک ایسی آیت پڑھتے ہیں کہ اگر وہ آیت ہم گروہِ یہود پر اُترتی تو ہم اس کے نزول کا دن عید بنا لیتے۔ آپ نے پوچھا : کون سی آیت؟ اس نے کہا : (آج میں نے تمہارے لیے تمہارا دین مکمل کر دیا اور تم پر اپنی نعمت پوری کر دی اور تمہارے لیے اسلام کو (بہ طورِ) دین (یعنی مکمل نظامِ حیات کی حیثیت سے) پسند کر لیا)۔ حضرت عمر رضی اللہ عنہ نے فرمایا : جس دن اور جس جگہ یہ آیت حضور نبی اکرم صلی اللہ علیہ وآلہ وسلم پر نازل ہوئی ہم اس کو پہچانتے ہیں۔ آپ صلی اللہ علیہ وآلہ وسلم اُس وقت جمعہ کے دن عرفات کے مقام پر کھڑے تھے۔‘‘

1. بخاري، الصحيح، کتاب الإيمان، باب زيادة الإيمان ونقصانه، 1 : 25، رقم : 45
2. بخاري، الصحيح، کتاب المغازي، باب حجة الوداع، 4 : 1600، رقم : 4145
3. بخاري، الصحيح، کتاب تفسير القرآن، باب قوله : اليوم أکملت لکم دينکم، 4 : 1683، رقم : 4330
4. بخاري، الصحيح، کتاب الاعتصام بالکتاب والسنة، 6 : 2653، رقم : 6840
5. مسلم، الصحيح، کتاب التفسير، 4 : 2313، رقم : 3017
6. ترمذي، الجامع الصحيح، أبواب تفسير القرآن، باب من سورة المائدة، 5 : 250، رقم : 3043
7. نسائي، السنن، کتاب الإيمان، باب زيادة الإيمان، 8 : 114، رقم : 5012

اِس حدیث میں قابلِ غور نکتہ یہ ہے کہ یہودی نے سوال کیا کہ اگر تکمیلِ دین کی یہ آیت ہم پر اترتی تو ہم اس کے نزول کا دن عید کے طور پر مناتے، آپ ایسا کیوں نہیں کرتے؟ اُنہیں مغالطہ تھا کہ شاید مسلمان اِسے عام دن کے طور پر ہی لیتے ہیں۔ یہاں جواب بھی اسی نوعیت کا ہونا چاہیے تھا، مگر حضرت عمر رضی اللہ عنہ فرمانے لگے :

قد عرفنا ذلک اليوم، والمکان الذي نزلت في

’’ہم اُس دن اور مقام کو خوب پہچانتے ہیں جہاں یہ آیت کریمہ نازل ہوئی۔‘‘

وہ دن جمعہ اور حج کا تھا اور وہ جگہ جہاں آیت کا نزول ہوا عرفات کا میدان تھا۔ ظاہراً سوال اور جواب کے مابین کوئی ربط اور مطابقت دکھائی نہیں دیتی لیکن درحقیقت حضرت عمر رضی اللہ عنہ کا جواب سوال کے عین مطابق ہے۔ آپ صنے عرفہ اور یوم الجمعہ کے الفاظ سے ہی اس کا مکمل جواب دے دیا اور اشارۃً بتا دیا کہ یومِ حج اور یوم جمعہ دونوں ہمارے ہاں عید کے دن ہیں۔ ہم انہیں سالانہ اور ہفتہ وار عید کے طور پر مناتے ہیں۔ پس یہودی کا اس جواب سے خاموش رہنا اور دوبارہ سوال نہ کرنا بھی اس اَمر پر دلالت کرتا ہے کہ وہ حضرت عمر رضی اللہ عنہ کی وضاحت کے بعد لاجواب ہو کر رہ گیا تھا۔

حضرت عمر رضی اللہ عنہ کے جواب کو مکمل وضاحت قرار دیتے ہوئے حافظ ابنِ حجر عسقلانی (773۔ 852ھ) تبصرہ کرتے ہیں :

عندي أن هذه الرواية اکتفي فيها بالإشارة.

’’میرے نزدیک اس روایت میں اِشارہ کرنے پر ہی اِکتفا کیا گیا ہے۔‘‘

عسقلاني، فتح الباري، 1 : 105، رقم :45


جشنِ میلاد کی بابت پوچھے گئے سوال کا جواب دیتے ہوئے حافظ عسقلانی (773۔ 852ھ) نے میلادالنبی صلی اللہ علیہ وآلہ وسلم منانے کی بنیاد ان اَحادیث کو بنایا ہے جو ’’صحیحین‘‘ میں متفقہ طور پر روایت ہوئیں۔
ان احادیث میں حضور نبی اکرم صلی اللہ علیہ وآلہ وسلم نے حضرت موسیٰ علیہ السلام اور ان کی قوم بنی اسرائیل کو ملنے والی عظیم نعمت اور فتح پر اِظہارِ تشکر کرنے اور اس دن کو عید کے طور پر منانے کی تائید و توثیق فرماتے ہوئے اس عمل کو اپنی سنت کا درجہ دے دیا۔ جب رسولِ معظم حضور نبی اکرم صلی اللہ علیہ وآلہ وسلم اس دنیا میں تشریف لائے، کیا اس دن سے زیادہ کوئی اور بڑی نعمت ہوسکتی ہے؟ پھر کیا وجہ ہے کہ یومِ میلادِ مصطفیٰ صلی اللہ علیہ وآلہ وسلم کو عید کے طور پر نہ منایا جائے!
حافظ ابن حجر عسقلانی (773۔ 852ھ) کے موقف کی تائید اِمام سیوطی (849۔ 911ھ) نے ’’الحاوی للفتاوی (ص : 205، 206)‘‘ میں کی ہے۔
حافظ عسقلانی نے صومِ عاشورہ سے جو اِستدلال کیا ہے اس میں باوجود اس کے کہ حضرت موسیٰ علیہ السلام کی کامیابی گزشتہ زمانہ کے معین یومِ عاشورہ کو ہوئی تھی مگر پورے سال میں صرف اسی روز کو یہ فضیلت حاصل ہے کہ اس نعمت کا شکر ہر سال اسی روز ادا کیا جائے۔ اس سے ثابت ہے کہ گو یہ واقعہ کا اعادہ نہیں مگر اس کی برکت کا اِعادہ ضرور ہوتا ہے جس پر دلیل یہ ہے کہ ہر پیر کے روز ابو لہب کے لیے میلاد کی برکت کا اعادہ ہوتا ہے۔
گر نہ بیند بروز شپر ٭ چشمہ آفتاب راچہ گناہ
اگر کوئی اندھا ہے تو اس میں سورج کا کیا گناہ ہے؟ اگر الو دن کو نہ دیکھ سکے تو سورج کے چشمہ کا کیا گناہ ہے؟

تاریخ کے آئینے میں سابقہ اور موجودہ اَقوام کے حالاتِ زندگی کا جائزہ لیا جائے تو یہ بات ایک ناقابلِ تردید حقیقت نظر آتی ہے کہ ہر دور کے لوگ اپنے مشاہیر کے اَیام بڑی دھوم دھام سے ایک جشن کی صورت میں مناتے چلے آئے ہیں۔ آج بھی اقوامِ عالم اپنے قومی و روحانی پیشواؤں اور بانیانِ مملکت کا یومِ ولادت سرکاری سطح پر مناتی ہیں۔ پاکستان میں بھی ہر سال 23 مارچ، 14 اگست، 9 نومبر اور 25 دسمبر کے دن بالترتیب یومِ جمہوریہ پاکستان، یومِ آزادی، یومِ اِقبال اور یوم قائد اعظم کے طور پر منائے جاتے ہیں۔ علیٰ ھذا القیاس عرب اور دیگر اَقوامِ عالم اپنے بادشاہوں اور قومی سطح کے رہنماؤں کی یاد ہر سال باقاعدگی سے مناتی ہیں، بلکہ عرب ممالک میں تو حکمرانوں کی تاج پوشی کا دن العید الوطنی کے نام سے معروف ہے۔
یاد رکھیے! زندہ قومیں اپنے رہنما کا دن نہیں بھولتیں۔ کیا ہم انکا دن منانا چھوڑدیں جنکے صدقے ہمیں نعمت ملی، نماز، روزہ، حج، زکوة، قرآن، کلمہ یہاں تک کہ رحمٰن جل جلالہ کی معرفت بھی ہمیں اپنے سرکارصلی اللہ علیہ وسلم سے ملی۔
حضور نبی اکرم صلی اللہ علیہ وآلہ وسلم کا یوم ولادت باسعادت بھی ایک ایسا ہی عظیم دن ہے جس پر اِظہارِ تشکر اور اِظہارِ مسرت ہوتا آرہا ہے اور اسے یوم عید کے طور پر منانے کی روایت قائم ہے، اور اس کی اصل قرآن و حدیث میں موجود ہے۔ اس پر اعتراض کی وجوہات کا تعلق حضور نبی اکرم صلی اللہ علیہ وآلہ وسلم کی ذاتِ اَقدس کے حوالہ سے بعض لوگوں کی مخصوص قلبی کیفیت سے ہے، ورنہ ان خوشیوں کی تقریبات پر کوئی اِعتراض سراسر بلاجواز ہے۔ حضور نبی اکرم صلی اللہ علیہ وآلہ وسلم پوری دنیائے انسانیت کے لیے ایک ایسا انقلاب لے کر آئے جس کی عالم گیریت اور آفاقیت پر کبھی دو آراء نہیں ہو سکتیں۔ آپ صلی اللہ علیہ وآلہ وسلم کے پیروکاروں نے اپنے عظیم ہادی صلی اللہ علیہ وآلہ وسلم کی غیر فانی تعلیمات پر عمل پیرا ہو کر انسانی تہذیب و تمدن کے ایسے مینار روشن کیے اور ہمہ گیر معاشی و معاشرتی ترقی کی وہ مثالیں قائم کیں جس کی نظیر پوری تاریخِ عالم پیش نہیں کر سکتی۔ اِس لیے اُمتِ مسلمہ پر بہ درجۂ اَولیٰ لازم ہے کہ وہ حضور نبی اکرم صلی اللہ علیہ وآلہ وسلم کا میلاد مبارک منانے میں اَقوامِ عالم میں کسی سے پیچھے نہ رہیں بلکہ آپ صلی اللہ علیہ وآلہ وسلم کی ولادت باسعادت کا عظیم ترین دن اس طرح منائیں کہ اقبال رحمۃ اللہ علیہ کے اس شعر کی تفسیر عملی طور پر نظر آنے لگے :


قوتِ عشق سے ہر پست کو بالا کر دے
دہر میں اِسمِ محمد سے اُجالا کر دے

(اِقبال، کلیات (اُردو)، بالِ جبریل : 207)
ہمیں معلوم ہے کہ جن کے دلوں پر اللہ تعالی مہر لگا دیتا ہے وہ دلائل کو نہیں مانتے اور جنہوں نے نہ ماننے کی قسم کھا رکھی ہے وہ ان مدلل جوابات میں سے بھی کیڑے نکالیں گے مگر مقصد صرف اتنا ہے کہ ہمارے مسلک اہل سنت سے تعلق رکھنے والے بھائی اپنا ایمان مضبوط رکھیں اور اپنے سچے مسلک کی حقانیت پر ناز کریں۔ اللہ تبارک وتعالی سے دعا ہے کہ وہ جان کائنات صلی اللہ علیہ وسلم کے صدقے تمام مسلمانوں کی جان و مال، عزت و آبرو بالخصوص عقیدے اور ایمان کی حفاظت فرمائے۔ آمین بجاہ سید المرسلین صلی اللہ علیہ وسلم

نبیل خان

توانوں سلام اے جی
کیونکہ میرے اللہ کا یہی حکم ہے