بسم اللہ الرحمن الرحیم۔

اسلام و علیکم۔

کچھ دنوں سے اس فورم پر غامدی صاحب کے حوالہ سے ایک بحث چھٹری ھوئی ھے جو کہ ختم ھونے کا نام ھی نھیں لے پا رھی۔ ان میں کچھ یوذرز ایسے بھی ھیں جو کہ بظاھر اپنے آپ کو عاشقء رسول اللہ صلی اللہ علیہ وسلم کہلواتے ھیں لیکن اصل میں وہ منکر آحادیث کے فرقہ سے تعلق رکھتے ھیں۔ آج جو کالم میں آپ سے شئیر کرنے جارھا ھوں وہ میرے ایک بھت ھی دوست ،بھائی،اور استاد جناب عشرت اقبال وارثی نے لکھا ھے جو کہ ان یوذر کے لیے ھے جو دعواے تو بڑے بڑے کرتے ھیں لیکن اندر سے کھوکھلے ھیں۔
۔-----------------------------------------------------------------------------
چار سوالات اور منکر حِدیث لاجواب
,, خیر اور شر کا معرکہ اُسی دِن سے شروع ہوگیا تھا جب اللہ کریم نے شرف وعزت کا تاج سیدنا آدم صفی اللہ علیہ السلام کے سر پر سجا دیا تھا۔ اِس معرکے میں فرشتوں نے سر نیاز جھکا دیا جسکی بدولت اُن کے حصے میں خیر کی سعادت آئی جبکہ شیطان ِ لعین نے سر جھکانے کو غُلامی سے تعبیر کیا اور اپنے وجود کو اللہ کے نبی علیہ السلام سے بہتر ثابت کرنے کیلئے منطقی دلیلوں اور سوال و جواب میں اُلجھ گیا جسکی وجہ سے حُکم خُدا کی نافرمانی کا مُرتکب ہو کر شر کی اَتاہ گہرائیوں میں جا پڑا۔

جسکے بعد مخلوق دو حِصوں میں تقسیم ہوگئی ایک خیر کی طلبگار تُو دوسری شر کی مددگار۔ سیدنا آدم علیہ السلام کی دُنیا میں آمد کیساتھ ہی شیطان نے اپنی ذریت میں اضافے کی راہ ہموار کرنی شروع کردی اور یہ سلسلہ جاری رہا یہاں تک کہ باعث تخلیق کائینات سرورِ انبیاءَمحبوبِ رَبِّ کبریا صلی اللہ علیہ وسلم کی بعثت کی خبر تمام جہانوں میں نوید سحر کی خُوشبو کی طرح پھیلنے لگی تیرگی چھٹنے لگی ۔آتشکدے بجھنے لگے۔ بُت اُوندھے مُنہ گرنے لگے ۔


کلام مُصفےٰ صلی اللہ علیہ وسلم کی مہک مردہ دِلوں میں توحید کی روح پھونکنے لگی جس کی وجہ سے لوگ جوق در جوق شر سے اپنے دامنوں کو چُھڑا چُھڑا
کر خیر اور پاکیزگی کے دامن میں سِمٹ سِمٹ کر مغفرت کی اُمید پر رِحمتوں کے سائے میں پناہ تلاش کرنے لگے ۔


شیطان لعین کو جب اپنی ہزاروں برس کی محنت بے ثمر نظر آنے لگی تو وہ دیوانوں کی طرح واویلا مچانے لگا۔ ناکامی اور حسرت سے اپنے سر پہ خاک ڈالنے لگا۔


تب اُ س نے دو سِمتوں میں محاذِ جنگ کھولنے کا اِرادہ کیا ۔ جسکے ذریعے سے ایک جانب وہ اپنی ذریت کو ایمان کی دولت سے محفوظ رکھنے کی ناکام سعی میں مصروف تھا تُو دوسری جانب ایسے لوگوں کی تلاش میں سرگرداں تھا جو دِینِ رِحمت کے گھنے سائے میں آخرت کی ٹھنڈی چھاؤں کے بھی طلبگار تھے لیکن ابھی تک اپنے نفس کی غلامی کا شکار تھے اور انا پرستی کے عفریت کے زیردام تھے۔


چُونکہ شیطان لعین پر یہ راز آشکار ہُوچُکا تھا کہ اگر کوئی بات اللہ کریم کی ناراضگی کا باعث بن سکتی ہے تُو وہ یہی بات ہے کہ اللہ کریم کے انبیاءَ کرام علیہم السلام کی برابری کا دعوی کردِیا جائے جب سیدنا آدم علیہ السلام کی برابری کا دعوٰی ابلیس کو لعنت کا طوق پہنا سکتا ہے ۔تو جِسے اللہ کریم کے محبوب ہونے کا شرف حاصل ہوجائے اور کوئی اُنکی برابری کا دعویٰ کرے گا تو کیوں اُسکی دُنیا اور عُقبیٰ خراب نہ ہُوگی۔ پس شیطانِ لعین کو ایسے لوگوں کے دِلوں میں (سب سے پہلے اپنی خُودی اپنی عزت کا اِحساس پیدا کرنا ضروری تھا)۔ جسکے بعد ہی وہ اپنے غلیظ خیالات کی آبیاری سےمُنافقین کے دِل و دِماغ میں تعفن پیدا کرسکتا تھا۔


سو اُس نے چند ایسے لوگوں کو ڈھونڈ نِکالا جِسمیں رہیس المنافقین عبداللہ بن اُبی اور ذوالخویصرہ کے نام نُمایاں ہیں شیطان لعین اِن لوگوں کے دِلوں میں یہ بات ڈالنے میں کامیاب ہوگیا ۔ کہ مُحمد بن عبداللہ (صلی اللہ علیہ وسلم) اور تُم لوگوں میں کوئی فرق نہیں ( وہ بھی تُمہارے جیسے انسان ہیں) بس فرق ہے تو اِتنا کہ وہ اللہ کے رسول ہیں۔

اور چُونکہ مُحَّمد بن عبداللہ (صلی اللہ علیہ وسلم) کی بعثت کا مقصد صرف اِتنا ہے کہ اللہ عزوجل کا پیغام تُم تک پُہنچادیا جائے لِہذا اُنکے پیغام کو قبول کر لیا جائے اور نبی اکرم صلی اللہُ علیہ وسلم کی دیگر تعلیمات یا آیات قران کی تشریح کو پس پُشت ڈال دِیا جائے۔


اللہ کریم شیطان لعین کی اِن حرکات اور چال کو دیکھ رہا تھا اور جانتا تھا کہ مستقبل میں بھی ذوالخویصرہ کی معنوی اولاد اطاعت رسول صلی اللہ علیہ وسلم سے بیزاری کا نعرہ بلند کرے گی لِہذا اللہ کریم نے جا بجا قران مجید میں اطاعت رسول صلی اللہ علیہ وسلم کے اِحکامات کے ذریعہ سے شیطان کے مکر و فریب کی چال کو اُلٹ ڈالا۔

لہذا قران مجید میں صلواۃ کا حُکم ضرور دیا گیا لیکن طریقہ اپنے حبیب صلی اللہ علیہ وسلم پر چھوڑ دِیا گیا کہ جِس طرح میرے حبیب صلی اللہ علیہ وسلم ادا کریں تُم انکی پیروی کرتے چلے جاؤ۔

زکواۃ صاحب نصاب پر فرض کردی گئی لیکن اسکی شرح کا فیصلہ انبیاءَ کے سالار صلی اللہ علیہ وسلم کی صوابدید پر چھوڑ دِیا گیا۔

حج کی ادائیگی کا حُکم نافذ کردِیا گیا لیکن حج کس طرح کرنا ہے یہ مدنی مصطفٰی صلی اللہ علیہ وسلم کی اتباع پر منحصر رہا ۔


الغرض دین کے تمام ستونوں کو کریم آقا علیہ الصلواۃ والسلام کی ادا سے مشروط کردِیا گیا کیونکہ اللہ کریم علیم و خبیر ہے ازل سے جانتا ہے کہ مخلوق میں کُچھ نادان اور ظالم لوگ ،، اطاعت مُصطٰفی صلی اللہ علیہ وسلم کو غُلامی سے تعبیر کریں گے اور فرائض و واجبات سے جان چھڑانے کیلئے سُنت محبوب صلی اللہ علیہ وسلم سے جان چھڑانے کیلئے،، اطاعت صرف اللہ کی،، کا نعرہ بُلند کریں گے۔

لیکن میرے رَبّ عزوجل نے شیطان اور اُسکی ذریت کا مکر اپنی تدبیر سے اُنہی پر اُلٹ دِیا اور قران کریم میں اُن لوگوں کو قیامت تک کیلئے ارشاد فرمادیا ۔
قُل اِن کُنتم تُحبونَ اللہ فاتبعونی یحببکمُ اللہ
(سورہ آلِ عمران۔31)۔

ترجمہ ،، آپ فرمادیجئے اگر تُم اللہ تعالی سے مُحبت رکھتے ہُو تو میری اتباع کرو اللہ تعالی تُم سے مُحبت کرے گا

گُویاکہ ارشاد فرمایاجا رہا ہے،، اے مجھ سے مُحبت کا دعوی کرنے والو۔ اے عبداللہ کہلوا کر بھی میرے حبیب صلی اللہ علیہ وسلم کے طریقے سے بغاوت کا عَلَم بُلند کرنے والو ۔اگر تُم سچے ہُو اور واقعی مُجھ سے مُحبت کرتے ہو تو پہلے میرے مکی مدنی محبوب صلی اللہ علیہ وسلم کی غُلامی کا پٹّہ اپنی گردنوں میں ڈال لُو اور جب تُم یہ پٹہ اپنی گردنوں میں ڈال لو گے تُو پھر تُمہیں مجھ سے مُحبت کا دعویٰ نہیں کرنا پڑے گا بلکہ میں خُود تُم سے مُحبت کرونگا اسکے سِوا تُمہارے پاس کوئی راہ نہیں کہ میری مُحبت پاسکو میرے عشق کے دعوے کرسکو سُنو اگر تُم نے میرے مِحبوب صلی اللہ علیہ وسلم کے طریقے کو چھوڑ کر میری مُحبت کا دعوی کیا تُو تُم جھوٹے ہُو کیونکہ میرے محبوب (صلی اللہ علیہ وسلم) کی اطاعت کے بِنا میرے اطاعت ہرگز نہ کرپاؤ گے۔


قارئین محترم منکرین حدیث کا فتنہ کوئی نئی بات نہیں اِس فتنے کا موجد ذوالخویصرہ تھا جو کہ ایک بے ادب اور گُستاخ انسان تھا جسکے متعلق بُخاری شریف میں دس سے زائد اَحادیث مبارکہ موجود ہیں اِسی ذوالخویصرہ کی جماعت کو ابتدا میں خارجی جماعت بھی کہا گیا۔ اِسی جماعت کے لوگوں نے اصحاب الرسول صلی اللہ علیہ وسلم کے درمیان غلط فہمیاں پیدا کرائیں اور جنگ کا ماحول پیدا کرتے رہے۔ جنگ جمل اور جنگ صفین بھی انہی کی ناپاک سازش کا شاخسانہ تھی۔
کئی مشہور اصحاب الرسول صلی اللہ علیہ وسلم کی شہادت انہی بد بختوں کے ہاتھ سے ہُوئی یہ جماعت اپنے سِوا تمام مسلمانوں بشمول صحابہ کرام رضوان اللہ اجمعین کو اسلام سے خارج سمجھتی تھی اور آج تک اِسی ذوالخویصرہ کی معنوی اولاد صحابہ کرام رضوان اللہ تعالی علیہم اجمعین کے کردار پر شکوک اور شبہات کی کیچڑ اچھالتی ہے ۔

منکرین حدیث خارجیوں کے عقائد۔

اطاعت صرف اللہ کی۔

حدیث نبوی صلی اللہ علیہ وسلم اور کُتب سیرت کی اہمیت کا انکار( کیونکہ اُنکی نظر میں وہ غیر معتبر ہیں)

صحابہ کرام (رضوان اللہ تعالی علیہم اجمعین) ظالم تھے (معاذ اللہ)

اولیاءَاللہ سے تعلق رکھنے کو ناجائز سمجھتے ہیں۔

اپنے سِوا رُوئے زمین کے تمام مسلمانوں کو کافر اور مشرک سمجھتے ہیں۔

جِس سے کبیرہ گُناہ سرزد ہوجائے اُسے گنہگار نہیں بلکہ کافر سمجھتے ہیں۔

قران مجید میں جو آیات کافروں کیلئے نازل ہُوئیں اُنہیں مسلمانوں پر تھوپنے میں فخر محسوس کرتے ہیں

قارئین محترم الحمد للہِ عزوجل پاکستان ایک اسلامی ریاست ہے جِسمیں کروڑوں جانثارانِ مصطفٰی صلی اللہ علیہ وسلم رہتے ہیں جسکی وجہ سے اِن خارجین اور منکرین حدیث کی کبھی اتنی ہمت نہیں ہُوئی کہ وہ عوام کے سامنے اپنے غلیظ عقائد کا برملا اظہار کرسکیں اور اگر کوئی انتہائی درجہ کا بے وقوف اگر ایسی کوئی حِماقت کر بیٹھے تو ہم نے اُسکا حشر بھی دیکھا ہے۔

اسلئے یہ لوگ اپنے عقائد کا اظہار صرف وہاں کرتے ہیں جہاں اِنہیں مکمل یقین ہُوتا ہے کہ سامنے والے کو بالکل بھی دین اسلام سے متعلق کوئی آگاہی نہیں ہے یا پھر انٹرنیٹ پر اپنے مقام کو خُفیہ رکھتے ہُوئے تبلیغ کا کام کرتے ہیں یہاں بھی وہ اپنا اصل مقام یا رابطہ کا طریقہ ظاہر نہیں کرتے کیونکہ وہ جانتے ہیں کہ ایسی صورت میں کوئی غازی علم الدین ، ممتاز قادری ، یا عامر چیمہ شہید کے نقش قدم پر چلتے ہوئے انکے گُستاخانہ عقائد کی وجہ سے اِنہیں عبرتناک موت کےانجام سے ہمکنار کرتے ہُوئے جہنم واصل کر سکتا ہے۔


انشاءَ اللہ عزوجل اگلی قسط میں وہ چار سوال پیش کرونگا جسکا جواب کوئی مُنکرِ حدیث اپنی تمام ذریت اور شیطانی لشکروں کی مدد سے بھی نہیں دے پائے گا
اسلئے( چار سوالات اور منکر حدیث حصہ دوئم )بھی ضرور پڑہیئے گا تاکہ کبھی زندگی میں اگر آپکا سامنا کسی مُنکر حدیث سے ہوجائے تو انہی چار سوالات کے ذریعے سے اِن گُستاخوں کو لاجواب کر سکیں

قارئین مُحترم گُذشتہ ڈھائی برس کے دوران میرا چند ایک منکرینِ حدیث کے ساتھ مباحثہ ہُوا ہے حالانکہ یہ میری فیلڈ نہیں ہے لیکن وہ کہتے ہیں نا کہ گیدڑ کی جب موت آتی ہے تب وہ شہر کی جانب رُخ کرلیتا ہے بس اِسی طرح کچھ منکر میری جانب دوڑے چلے آتے ہیں اور میرے نا چاہنے کے باوجود بھی مجھے اکثر اِس بحث میں گھسیٹ لیا جاتا ہے مگر الحمدُ للہ میرے سوالات کی ترتیب کُچھ اِس طرح کی ہے کہ بَفضلِ خُدا آخری سوال پوچھنے سے قبل ہی منکرینِ حدیث ایسے غائب ہوجاتے ہیں جیسے گدھے کے سر سے سینگ۔ اور شاذ و ناذ ہی کِسی ایسے ڈھیٹ و بے شرم سے واسطہ پڑتا ہے جو دلیل نہ ہونے کے باوجود بھی اپنی خِفت مِٹانے کیلئے کسی نادان بچے کی طرح اڑ جاتا ہے جِسے کوئی لاکھ سمجھائے کہ بیٹا روٹی چاند کے برابر نہیں ہُوتی مگر وہ یہی رٹ لگائے رہتا ہے کہ اگر چاند روٹی سے بڑا ہے تو مجھے ماپ کر دِکھاؤ۔

حالانکہ شارحین حدیث نے تمام اَحادیث کو لکھنے میں نہایت کمالِ احتیاط سے کام لیا ہے اور احادیث مُبارکہ کو لکھنے سے پہلے خُوب چھان پھٹک کے بعد ہی تحریر فرمایا اسما الرجال کا علم دریافت فرمایا تاکہ احادیث مبارکہ میں غلو نہ ہونے پائے کیونکہ

اِن نفوسِ قدسیہ کے سامنے نبی اکرم صلی اللہ علیہ وسلم کی یہ حدیث مبارکہ ہمیشہ نظروں کے سامنے رہتی تھی۔ مفہوم ،، کہ جس نے مجھ سے کوئی جھوٹی بات منسوب کی وہ اپنا ٹھکانہ جہنم میں بنالے،،

اور اگر کہیں کوئی راوی اعمال میں کمزور نطر آتا تُو نیچیے راوی کے ضعیف ہونے کا تذکرہ بھی ضرور فرماتے یہ اُنکی دیانتداری کی سب سے بڑی دلیل ہے کیونکہ اگر وہ ایسا نہ فرماتے تب آج کسی کو یہ معلوم ہی نہ ہُوتا کہ کس حدیث کا راوی ضعیف ہے اور کسکا راوی حسن ہے۔

اور ان تمام شارحین حدیث کے تقوی و پرہیز گاری کی قسمیں آج بھی دُنیا بھر کے کروڑوں مسلمان کھاتے ہیں اور یہ تمام نُفوسِ قدسیہ علم الحدیث میں اتھارٹی تسلیم کئے جاتے ہیں جبکہ منکرین حدیث کی تعداد مٹھی بھر شر انگیز لوگوں پر مبنی ہے جنکی نہ کوئی تعلیمی قابلیت ہے اور نہ ہی کوئی علمی مقام اسلئے ہم کہہ سکتے ہیں کہ ان کے رہنماوں کی وہی پوزیشن ہے جو ماہر طبیبوں کے سامنے کسی عطائی معالج کی ہوتی ہے بس فرق اتنا ہے کہ عطائی ڈاکٹر کی دوائی سے جان جانے کا خطرہ رہتا ہے جبکہ ان عطائی مُلاؤں کی صحبت کی وجہ سے مومن کی سب سے قیمتی شئے ایمان خطرے میں رہتی ہے۔

اگر کبھی زندگی میں کوئی مُنکرِ حدیث آپ سے نیٹ کی دُنیا میں ٹکرا جائے(کیونکہ سامنے آنے کی ہمت شائد ہی کوئی کرپائے)اور چرب زُبانی سے یہ ثابت کرنا چاہے کہ اسلام کی بُنیاد صرف قران مجید سے رہنمائی کی صورت میں ہے اور اَحادیث مبارکہ کی چنداں ضرورت نہیں ہے۔

تب آپ بھی اِن سوالات کو اِسی ترتیب سے معلوم کرلیجئے گا انشاءَ اللہ منکرِ حدیث وہاں سے ایسے غائب ہوگا جیسے لاحول پڑھنے سے شیطان غائب ہوجاتا ہے

نوٹ
ایک بات کا ضرور دھیان رکھیئے گا جب تک آپکو آپکے سوال کا جواب نہ مِل جائے آپ کسی دوسری جانب متوجہ ہرگز نہ ہویئے گا کیونکہ اِن سوالات کو دیکھتے ہی وہ منکر حدیث ٹاپک(موضوع) کا رُخ موڑنے کی کوشش ضرور کرے گا کیونکہ دُنیا کے کسی منکر حدیث کے پاس ان سوالوں کا جواب ہی موجود نہیں ہے اس لئے اُسکی کوشش یہی رہے گی کہ دورانِ مباحثہ کوئی دوسری بحث شروع ہوجائے لیکن آپکا اصرار یہی ہُونا چاہیئے کہ پہلے اصول کیمطابق میرے سوالوں کا جواب دے دُو اُسکے بعد ہی دوسری بحث کی ابتدا ہوگی اگر آپ نے میرے بتائے ہوئے طریقہ پر عمل کیا تُو انشاءَ اللہ عزوجل وہ منکر حدیث یا تُو اپنے عقائد سے تائب ہوجائے گا یا موقع سے ذلیل ہوکر اپنے انجام کو پُہنچے گا ۔

پہلا سوال،
کیا قرانِ مجید کی کسی ایک آیت کے انکار سے کُفر لازم آتا ہے یا نہیں؟

منکر حدیث اس بات کا اقرار کرے گا کہ ہاں قران کی کسی ایک آیت کا اِنکار بھی کُفر ہے

دوسرا سوال،
کیا قرانِ مجید میں اتباعِ نبی صلی اللہ علیہ وسلم کی آیتیں موجود ہیں یا نہیں ؟

منکر حدیث اقرار کرے گا کہ ہاں اتباعِ نبی صلی اللہ علیہ وسلم کی آیات قرانِ مجید میں موجود ہیں ۔ اگر منکرِ حدیث انکار کرے تب پہلے سوال کی روشنی میں خُود کافر ہوجائے گا ۔تب آپ خود کوئی ایک آیت پیش کردیں جیسے سورہ آل عمران کی آیت نمبر31 اور آیت نمبر32
قُلْ اِنۡ کُنۡتُمْ تُحِبُّوۡنَ اللہَ فَاتَّبِعُوۡنِیۡ یُحْبِبْکُمُ اللہُ وَ یَغْفِرْ لَکُمْ ذُنُوۡبَکُمْ ؕ وَاللہُ غَفُوۡرٌ رَّحِیۡمٌ

اے محبوب تم فرمادو کہ لوگو اگر تم اللّٰہ کو دوست رکھتے ہو تو میرے فرمانبردار ہوجاؤ اللّٰہ تمہیں دوست رکھے گا اور تمہارے گناہ بخش دے گا اور اللّٰہ بخشنے والا مہربان ہے

قُلْ اَطِیۡعُوا اللہَ وَالرَّسُوۡلَ ۚ فَاِنۡ تَوَلَّوْا فَاِنَّ اللہَ لَا یُحِبُّ الْکٰفِرِیۡنَ
تم فرمادو کہ حکم مانو اللّٰہ اور رسول کا پھر اگر وہ منھ پھیریں تو اللّٰہ کو خوش نہیں آتے کافر ۔

تیسرا سوال،

جب اتباع کی آیت کو مان لیا جائے تب یہ معلوم کریں کہ وہ نبی آخر الزمان صلی اللہ علیہ وسلم کی اتباع کس طرح سے کرے گا کیونکہ کسی کی تابعداری تب ہی کی جاسکتی ہے جب کہ جسکی تابعداری کی جارہی اُسکے معمولات زندگی کا علم ہُو اُسکی سیرت اُسکا کردار اُسکے احکامات اُسکی خُواہش، وہ کس بات پر خوش ہوتا ہے اور اُسے کیا چیز ناپسند ہے یہ سب باتیں معلوم ہُو ۔

قارئین محترم یہاں آکر منکر حدیث ہوسکتا ہے کہ راہِ فرار حاصل کرلے یا یہ بھی ممکن ہے کہ جو شخص ابھی تک احادیث مبارکہ پر تنقید کررہا تھا خُود کوئی حدیث پیش کر بیٹھے میرے ساتھ یہ لطیفہ کئی مرتبہ ہو چُکا ہے کہ اس سوال کے جواب میں خُود منکر حدیث ایک حدیث اماں عائشہ رضی اللہ تعالی عنہما سے روایت کرنے بیٹھ جاتے ہیں کہ جب آپ سے حضور اکرم صلی اللہ علیہ وسلم کے اخلاق کے متعلق دریافت کیا گیا تو آپ نے ارشاد فرمایا کہ ،، کیا تُم نے قران نہیں پڑھا۔ اسلئے وہ منکر حدیث آپ کو دھوکہ دینے کیلئے کہے گا کہ حضورِ اکرم صلی اللہ علیہ وسلم کی اتباع کرنے کیلئے قران کافی ہے ۔ کیونکہ الحمد سے لیکر والناس تک حضور اکرم صلی اللہ علیہ وسلم کی سیرت موجود ہے۔

چُوتھا سوال،
بھائی پہلی بات تو یہ کہ جب آپ اَحادیث مبارکہ کو مانتے ہی نہیں تب آپ دلیل یا جواب میں حدیث کیسے پیش کرسکتے ہیں اور دوسری بات یہ ثابت ہوئی کہ احادیث مبارکہ کا استعمال آپکی نظر میں بھی جائز ہے ورنہ آپ خُود کیسے حدیث پیش کرسکتے ہیں

تیسری بات یہ جو آپ نے کہا کہ الحمد سے لیکر والناس تک حضور علیہ السلام کی سیرت موجود ہے یہ بزرگان دین کا قول مبارک ہے یا قران مجید کی آیت ہے اگر یہ بزرگان دین کا قول ہے تو بھی آپ اس قول کو جواز میں پیش نہیں کرسکتے تھے کیونکہ آپ لوگ تو اولیاءَ اللہ کے اقوال کو مانتے ہی نہیں پھر اپنی دلیل میں اقوال کیسے پیش کرسکتے ہیں ۔

لیکن ہم پھر بھی تُمہارے جواب کو قبول کرلیتے ہیں۔ کہ تمام سیرتِ مُصطفٰی ﷺ قران مجید میں موجود ہے۔ اب چونکہ دعوی آپ کی جانب سے کیا گیا ہے کہ حضور علیہ السلام کی تمام سیرت قران مجید میں موجود ہے جسمیں ہمیں کوئی شک نہیں لیکن یہ مُسلم اصول ہے کہ جو دعویٰ کرتا ہے دلیل بھی وہی فراہم کرتا ہے

اور سیرت کے معنٰی ہیں سوانح عُمری یعنی زندگی کے حالات اور واقعات۔

اب ایک طرف قران کہتا ہے کہ میرے محبوب صلی اللہ علیہ وسلم کی اتباع بھی کرو اور اطاعت بھی کرو۔

جبکہ دوسری جانب مُنکرینِ حدیث کا دعوی ہے کہ اللہ کریم کے محبوب اعظم صلی اللہ علیہ وسلم کی اتباع اور اطاعت کیلئے سیرت مُصطفٰی صلی اللہ علیہ وسلم اور اَحادیث نبوی ﷺ کی ضرورت نہیں کیونکہ قران مجید میں تمام سیرت مُصطفٰی صلی اللہ علیہ وسلم موجود ہے

اگر حُضور علیہ السلام کی سیرت جاننے کیلئے کُتب اَحادیث کی ضرورت نہیں اور تمام سیرت مُصطفی قران ہی میں موجود ہے تو۔۔

تو میرا تمام منکرین حدیث سے سوال ہے کہ ۔۔۔

سوال نمبر ۱حضور اکرم صلی اللہ علیہ وسلم الصلواۃ کسطرح ادا فرمایا کرتے تھے

سوال نمبر 2 حضور اکرم صلی اللہ علیہ وسلم الصلواۃ الفجر ، ظہر ، عصر ، مغرب ، عشا ، اور تہجد کی کتنی رکعت ادا فرماتے تھے۔

سوال نمبر 3 حضور اکرم صلی اللہ علیہ وسلم ارکانِ الصلواۃ میں کیا کیا تلاوت فرماتے۔

سوال نمبر 4 حضور اکرم صلی اللہ علیہ وسلم الصلواۃ کا اختتام کیسے فرماتے اور بعد الصلواۃ کیا عمل فرماتے

منکرین ِ حدیث کو اِن تمام سوالات کے جوابات قران مجید سے حضور اکرم صلی اللہ علیہ وسلم کی سیرت سے ثابت کرنے ہیں کیونکہ قران مجید فرقان حمید میں حُکم اطاعت اور حُکم اتباع بھی حضور اکرم صلی اللہ علیہ وسلم کیلئے ہے

میرا تمام دُنیا کے منکرین حدیث نبوی صلی اللہ علیہ وسلم کو چیلنج ہے کہ اپنی تمام ذُریت کو جمع کر لیجئے تمام شیطانی قوتوں کو جمع کرلیجئے مگر ان سوالوں کے جواب نہ تُم سے بن پائیں گے اور نہ ہی تُمہارے معنوی باپ ذوالخویصرہ کے پاس اِن سوالات کے جوابات تھے ۔

قارئین مُحترم میں پھر آپکی خِدمت میں عرض کرونگا کہ جب آپ سیرت مُصطفٰے صلی اللہ علیہ وسلم کے حوالے سے یہ سوالات کریں گے تُو ہوسکتا ہے کہ اس طرح کی باتوں سے آپکو اُلجھانے کی کوشش کی جائے کہ جناب بچہ اپنے والدین سے نماز سیکھتا ہے یا آپ سعودیہ چلے جائیں اور وہاں سے نماز سیکھ لیں یا پھر کیا آپ نے نماز ڈائریکٹ حدیث پڑھ کر سیکھی وغیرہ وغیرہ۔

اب میں اِن تمام سوالات کے جوابات بھی لکھے دیتا ہُوں کہ حِکمت مومن کی گُمشدہ میراث ہے لیکن مومن کی فراست کا مقابلہ کوئی ابن جہل و ذوالخویصرہ کر ہی نہیں سکتا

دُنیا کا ہر بچہ اپنے والدین کا مکلف ہوتا ہے تو تمام دینی اور دُنیاوی حرکات و سکنات اُنہی کو دیکھ کر سیکھتا ہے اسی واسطے اگر کوئی غلطی والدین کو دیکھ کر کرلے تو اسکا عتاب اُس بچہ پر نہیں بلکہ والدین پر ہُوگا۔

لیکن جونہی وہ بچہ بالغ ہوجائے گا تب دین کا علم سیکھنا اُس پر فرض ہوجائے گا۔

لہذا اگر کسی جگہہ والدین کو نماز کے ارکان معلوم نہیں اور وہ غلط سلط نماز ادا کرتے ہیں جسکی وجہ سے بچہ بھی غلط طریقے سے نماز پڑھتا ہے ۔ تو بالغ ہونے کے بعد وہ نوجوان یہ نہیں کہہ سکتا کہ میں تو ایسے ہی نماز پڑھوں گا جیسے میرے والدین پڑھتے ہیں۔

کیونکہ قرانِ مجید میں اللہ کریم ایسے سرکش لوگوں کیلئے ارشاد فرماتا ہے۔

وَ اِذَا قِیۡلَ لَہُمُ اتَّبِعُوۡا مَاۤ اَنۡزَلَ اللہُ قَالُوۡا بَلْ نَتَّبِعُ مَاۤ اَلْفَیۡنَا عَلَیۡہِ اٰبَآءَنَا ؕ اَوَلَوْ کَانَ اٰبَآؤُہُمْ لَا یَعْقِلُوۡنَ شَیۡئًا وَّلَا یَہۡتَدُوۡنَ

اور جب ان سے کہا جائے اللّٰہ کے اتارے پر چلو تو کہیں بلکہ ہم تو اس پر چلیں گے جس پر اپنے باپ دادا کو پایا کیا اگرچہ ان کے باپ دادا نہ کچھ عقل رکھتے ہوں نہ ہدایت
سورہ البقرہ آیت نمبر 170

اسلئے اب یہ مت کہنا کہ ہم نماز سعودیوں کو دیکھ کر پڑہتے ہیں یا اپنے ماں باپ کو دیکھ کر پڑہتے ہیں کیونکہ نہ ہی دین کے معاملے میں قران مجید میں ماں باپ کی اطاعت کا حُکم ہے اور نہ ہی سعودیوں کی اتباع کا حُکم ہے اور ویسے بھی سعودی
عرب کی اتباع کرنے سے پہلے یہ ضرور جان لو کہ سعودی بھی منکرین حدیث سے اُتنی ہی نفرت کرتے ہیں جتنی دُنیا بھر میں پھیلے ایک ارب سے زائد مسلمان کرتے ہیں۔

اور ہمیں اس بات میں قطعی دلچسپی نہیں کہ آپ نماز کسکو دیکھ کر پڑھ رہے ہیں ہماری دلچسپی تو صرف اس بات میں ہے کہ آپکو اتباع رسول اور اطاعت مُصطفٰی صلی اللہ علیہ قبول ہے یا نہیں اور اگر ہے تو آپ طریقہ نماز میں اس اتباع کو کہاں سے لیتے ہیں

اگر قران مجید سے حضور علیہ السلام کے نماز پرھنے کا طریقہ نِکالا ہے تو بس ہمیں بھی وہ آیت بتادیں جسمیں نبی کریم صلی اللہ علیہ وسلم کی ادائیگی نماز کا طریقہ لکھا ہے ورنہ ثابت ہوجائے گا کہ تمام منکرین حدیث دُنیا کے سب سے بڑے جھوٹے ہیں۔

اور دُنیا کے تمام منکرین حدیث اور اُنکی ذریت کو میرا چیلنج ہے کہ وہ قیامت تک نہ میرے سوالوں کے جواب لا سکیں گے اور نہ ہی خُود کو سچا ثابت کر پائیں گے کیونکہ ( منکر حدیث صرف حدیث نبوی صلی اللہ علیہ وسلم کا انکار نہیں کرتے بلکہ انکار حدیث کی وجہ سے کئی قرانی آیات کا بھی انکار کرتے ہیں) اسلئے میرا اگلا کالم اِسی موضوع پر ہُوگا،، کیا انکار حدیث نبوی ﷺ کے بعد کوئی مسلمان رِہ سکتا ہے،، میں قران مجید کی روشنی میں دلائل سے ثابت کرونگا کہ انکار حدیث نبوی ﷺ دراصل انکار قران مجید ہے اس لئے کوئی منکر حدیث مسلمان ہو ہی نہیں سکتا۔

تمام قارئین سے مدنی التجا ہے کہ میرے لئے بھی دُعا فرمائیں گرمیوں کی آمد کیساتھ ہی عارضہ جگر میں گرفتار ہُوں جسکی وجہ سے لکھنے لکھانے کا معاملہ بھی کافی حد تک موقوف ہے اللہ کریم تمام مسلمانوں کے ایمان ، جان ، مال کی حَفاظت فرمائے
(آمین بجاہِ النبی الامین وصلی اللہ تعالی علیہ وآلہ واصحابہ وبارک وسلم)