درجہ بندی: (1 votes - 5.00 average)

محترم بھائیو اور بہنو: ہمارے ماحول میں جو خرافات ہوتی ہیں جیسے جعلی تعویز گنڈے، جعلی بابے، جعلی پیر ،جعلی اور جاہل مولوی،نام نہاد دین کے ٹھیکیدار عالم، مزاروں پر ناچنے گانے والے ،نشہ کرنے والے سجدہ اور طواف کرنے والے،مرد و زن کی مکسچر والی ایکٹیویٹیز یہ سب ان لوگوں کے اپنے دھندے ہیں ان کا دین اسلام سے تعلق جوڑنا نہایت غلط اور مبنی بر ظلم ہے

محترم بھائیو اور بہنو: آج ہمارے معاشرے میں یہود و نصارٰی کی نقالی کے ساتھ ساتھ نا دانستہ طور پر ایسے تصورات بھی خاصے بڑے پیمانے پر رائج ہوتے جا رہے ہیں جو اسلام کے بنیادی عقیدے سے بھی متصادم ہیں لیکن سعود اور آلِ سعود کے بہکائے ہوئے مسلمان کہلانے والے ہمارے بہن اور بھائی ان کی سنگینی پر توجہ دیے بغیر ان عقائد کو اپنائے بیٹھے ہیں۔
ذیل میں چند قرآن کی آیات بھی اس بارے میں ملاحظہ ہوں ۔۔۔۔۔۔۔۔۔۔۔۔۔۔۔۔۔۔۔۔مقصد کسی کی کسی بھی صورت دل آزاری نہیں صرف اور صرف اصلاح ہے ۔۔۔۔۔۔۔۔۔۔۔۔۔۔۔۔۔۔۔۔ ذرا غور تو فرمائیں کہ قران کیا کہتا ہے اور ہمارے کیا عقائد ہیں اور کسی کے بہکاوے میں آکر ہم ایمان کی دولت تو نہیں کھونے جارہے؟ ۔۔۔۔۔۔۔۔۔۔۔۔۔۔۔۔۔

قرآن مجید میں
اِنَّ اللہَ سَمِیۡعٌۢ بَصِیۡرٌ المجادلہ 1
بیشک اللّٰہ سنتا دیکھتا ہے
اور یہ بھی قرآن مجید میں ہے کہ اللہ تعالیٰ نے انسان کو سُننے والا اور دیکھنے والا پیدا فرمایا ہے
اِنَّا خَلَقْنَا الْاِنۡسَانَ مِنۡ نُّطْفَۃٍ اَمْشَاجٍ ٭ۖ نَّبْتَلِیۡہِ فَجَعَلْنٰہُ سَمِیۡعًۢا بَصِیۡرًا دھر 2

بے شک اللہ سمیع اور بصیر ہے اور انسان سنتا اور دیکھتا اللہ کی عطاء سے ہے اور ان صفات کی وجہ سے انسان بلا شُبہ مشرک نہیں ہوتا۔
اور سب کچھ عطاء کرنے والا بھی اللہ ہی ہے مگر اسی کی عطاء سے یوسف علیہ السلام اپنی قمیض بھیج کر اس کے ذریعہ سے آنکھوں کی روشنی لوٹا رہے ہیں
اِذْہَبُوۡا بِقَمِیۡصِیۡ ہٰذَا فَاَلْقُوۡہُ عَلٰی وَجْہِ اَبِیۡ یَاۡتِ بَصِیۡرًا یوسف 93
میرا یہ کُرتا لے جاؤ اسے میرے باپ کے منھ پر ڈالو ان کی آنکھیں کُھل جائیں گی

فَلَمَّاۤ اَنۡ جَآءَ الْبَشِیۡرُ اَلْقٰىہُ عَلٰی وَجْہِہٖ فَارْتَدَّ بَصِیۡرًا ۚ قَالَ اَلَمْ اَقُلۡ لَّکُمْ ۚۙ اِنِّیْٓ اَعْلَمُ مِنَ اللہِ مَا لَا تَعْلَمُوۡنَ یوسف 96
پھر جب خوشی سنانے والا آیا اس نے وہ کُرتا یعقوب کے منھ پر ڈالا اسی وقت اس کی آنکھیں پھر آئیں کہا میں نہ کہتا تھا کہ مجھے اللّٰہ کی وہ شانیں معلوم ہیں جو تم نہیں جانتے

حقیقتاً عطا کرنے والا صرف اللہ ہی ہے اور اللہ فرماتا ہے
اچھا ہوتا اگر وہ اس پر راضی ہوتے جو اللّٰہ و رسول نے ان کو دیا
گویا اللہ نے واضع کردیا کہ اس کا رسول بھی دیتا ہے اور بندہ مومن یہ سمجھتا ہے کہ حقیقی طور پر دینے والا اللہ ہی ہے باقی سب اس کی عطاء سے دیتے ہیں
وَلَوْ اَنَّہُمْ رَضُوْا مَاۤ اٰتٰىہُمُ اللہُ وَرَسُوۡلُہٗ ۙ وَقَالُوۡا حَسْبُنَا اللہُ سَیُؤْتِیۡنَا اللہُ مِنۡ فَضْلِہٖ وَرَسُوۡلُہٗۤ ۙ اِنَّاۤ اِلَی اللہِ رٰغِبُوۡنَ اور کیا اچھا ہوتا اگر وہ اس پر راضی ہوتے جو اللّٰہ و رسول نے ان کو دیا اور کہتے ہمیں اللّٰہ کافی ہے اب دیتا ہے ہمیں اللّٰہ اپنے فضل سے اور اللّٰہ کا رسول ہمیں اللّٰہ ہی کی طرف رغبت ہے

اور اللہ فرماتا ہے کہ یہ بات کچھ لوگوں کو اچھی نہیں لگتی
وَمَا نَقَمُوۡۤا اِلَّاۤ اَنْ اَغْنٰہُمُ اللہُ وَرَسُوۡلُہٗ مِنۡ فَضْلِہٖ التوبہ 74
اور انہیں کیا برا لگا یہی نہ کہ اللّٰہ و رسول نے انہیں اپنے فضل سے غنی کردیا؟

اور اللہ بے شک خود معاف فرمانے پر قادر ہے مگر یہ بھی فرماتا ہے
قرآن میں ہے
اِنَّہٗ ہُوَ التَّوَّابُ الرَّحِیۡمُ البقرہ 37
بیشک وہی ہے بہت توبہ قبول کرنے والا مہربان
وَ ہُوَ الَّذِیۡ یَقْبَلُ التَّوْبَۃَ عَنْ عِبَادِہٖ وَ یَعْفُوۡا عَنِ السَّیِّاٰتِ وَ یَعْلَمُ مَا تَفْعَلُوۡنَ الشوری 25
اور وہی ہے جو اپنے بندوں کی توبہ قبول فرماتا ہے اور گناہوں سے درگزر فرماتا ہے اور جانتا ہے جو کچھ تم کرتے ہو

اور یہ بھی قرآن میں ہے
وَلَوْ اَنَّہُمْ اِذۡ ظَّلَمُوۡۤا اَنۡفُسَہُمْ جَآءُوۡکَ فَاسْتَغْفَرُوا اللہَ وَاسْتَغْفَرَ لَہُمُ الرَّسُوۡلُ لَوَجَدُوا اللہَ تَوَّابًا رَّحِیۡمًا النساء 64
اور اگر جب وہ اپنی جانوں پر ظلم کریں تو اے محبوب تمہارے حضور حاضر ہوں اور پھر اللّٰہ سے معافی چاہیں ا ور رسول ان کی شِفاعت فرمائے تو ضرور اللّٰہ کو بہت توبہ قبول کرنے والا مہربان پائیں

قرآن مجید میں ہے
اَلَیۡسَ اللہُ بِاَحْکَمِ الْحٰکِمِیۡنَ التین 8
کیا اللّٰہ سب حاکموں سے بڑھ کر حاکم نہیں؟
اور یہ بھی قرآن میں ہے کہ جو سید الانبیاء حضور صلی اللہ علیہ وسلم کو حاکم نہ مانیں وہ مسلمان نہیں
فَلَا وَرَبِّکَ لَا یُؤْمِنُوۡنَ حَتّٰی یُحَکِّمُوۡکَ فِیۡمَا شَجَرَ بَیۡنَہُمْ ثُمَّ لَا یَجِدُوۡا فِیۡۤ اَنفُسِہِمْ حَرَجًا مِّمَّا قَضَیۡتَ وَیُسَلِّمُوۡا تَسْلِیۡمًا
تو اے محبوب تمہارے رب کی قسم وہ مسلمان نہ ہوں گے جب تک اپنے آپس کے جھگڑے میں تمہیں حاکم نہ بنائیں پھر جو کچھ تم حکم فرمادو اپنے دلوں میں اس سے رکاوٹ نہ پائیں اور جی سے مان لیں

بھائیو معاذاللہ کیا اللہ تعالٰی قرآن میں شرک کی تلقین کر رہا ہے؟ ہرگز نہیں،بس سمجھنے میں ہم سے بھول چوک ہو سکتی ہے اور بتوں اور مشرکوں کے متعلقہ آیتوں کو اپنی مرضی سی جہاں چاہا چسپاں کردیا جاتا ہے ہمیں یہ بات ضرور ذہن میں رکھنی چاہیئے کہ خالق اور مالک حقیقی صرف اللہ ہے اور اس کی عطاء اور مرضی کے بغیر ایک پتہ بھی نہیں ہل سکتا اور اللہ کے مقرب بندے اللہ کے اِذن سے ہی ہماری مدد کرتے ہیں

نوٹ۔۔۔۔۔۔۔مقصد صرف اصلاح کی کوشش ہے کسی کی دل آزاری ہو تو پیشگی معذرت

__________________