رضی

ہمیں روز ایک دوسرے کو میل بھیجنے کی ضرورت پیش آتی رہتی ہے۔ لیکن ہم جو میل بھجتے ہیں وہ کوئی بھی پڑھ سکتا ہے جیسے ہمارے خرم بھیا ہر کسی کو اپنا پاسورڈ بتاتے رہتے ہیں مجھے اگر انکا پاسورڈ معلوم ھوگا تومیں انکی تمام میلز بڑی آسانی سے پڑھ سکتا ہوں یا اگر میل کسی غیر محفوظ نیٹورک سے گزر کر آپ تک پہنچتی ہے تو کوئی بھی ہیکر اسے ہیک کر کے پڑھ سکتا ہے ۔ لیکن اگر آپ کی میل کی ویلیو اس قدر ہو کہ کوئی آپکی میل چرا لے یا چوری چپکے سے پڑھ لے تو آپ کو مالی ، ذہنی یا کسی قسم کا بھی نقصان ھو سکتا ہو۔ یا آپ کسی خفیہ ایجنسی کی زیر نگرانی ہوں اور آپکی ایکٹیویٹیز کو مانیٹر کیا جارہا ہے ۔ کوئی بھی کہانی گھڑ لیں کہ آپکو میل متعلقہ بندے تک انتہائی سیکور طریقے سے بھیجنی ہے جسے اس شخص کے علاوہ کوئی اور بندہ نہ پڑھ سکے ۔تو مازیلا فائیرفاکس آپکو پلگ ان کی سہولت مہیا کرتا ہے جس کے ذریعے آپ اپنی جی میل میں سیکیورٹی ایمبیڈ کر سکتے ہیں اور انکرپٹڈ میل بھیج سکتے ہیں۔ یہ پلگ ان جی این یو پی جی کے ساتھ کام کرتا ہے۔
اب یہ جی این یو پی جی پبلک کی کریپٹوگرافی کو استعمال کرتا ہے ۔ ہم اس بحث میں نہیں جاتے کہ پبلک کی کریپٹوگرافی کیا ھوتی ہے ورنہ ایک نیا چیپٹر کھل جائے گا ہمیں تو آم کھانے سے غرض ہے گٹلیا گننے کا وقت ہمارے پاس نہیں۔ بس اتنا سمجھ لیجیے کہ پبلک کی کرپٹوگرافی میں دونوں اطراف کے استعمال کندگان کی اپنی اپنی ایک پرائیویٹ کی ہوتی ہے اور ایک پبلک کی۔ فرض کریں ایک بندہ خرم ہے اور دوسرا فیصل۔ فیصل کی اپنی پبلک کی اور پرائیویٹ کی ہوگی اور اسی طرح خرم کی بھی ایک پبلک کی اور ایک پرائیویٹ کی ھوگی۔ اب پبلک کی ایک دوسرے کو معلوم ھوگی لیکن پرائیویٹ کی سیکریٹ کی ھوگی جو آپ کسی دوسرے کو بہیں بتائیں گے۔ اب اگر خرم کو میسج بھیجنا ھوگا تو وہ فیصل کی پبلک کی لے گا اور اپنے میسج کو اسکی پبلک کی کے ساتھ انکرپٹ کرے گا اور فیصل میاں اس کو اپنی پرائیویٹ کی کے ساتھ ڈیکریپٹ کریں گے اب پرائیویٹ کی فیصل کے علاوہ کوئی اور نہیں جانتا لہذا اس کے علاوہ کوئی دوسرا اس میسج کو انکرپٹ نہیں کر سکے گا۔ جی این یو پی جی ڈیجیٹل سائن کی بھی سہولت مہیا کرتا ہے اب یہ کیا بلا ہے فی الحال اس بحث میں نہیں جاتے اور کام کی بات پر آتے ہیں۔
سب سے پہلے تو آپکو موزیلا فائرفاکس چاہیے جن کے پاس نہ ھو وہ اسے یہاں سے اتار لیں۔
اس کے بعد آپکو چاہیے جی این یو پی جی ۔ ونڈوز یوزر یہاں سے جاکر اتار لیں جس ورژن کا دل کرے اتار لیں یہاں دو ورژن موجود ہیں۔ اور دوسرے پلیٹ فارم والے جی این یو جی ویب سے جاکر استفادہ حاصل کریں اور معلومات اپنی مدد آپ کے تحت حاصل کریں۔ موزیلا اور جی این یو پی جی کو انٹسال کریں ۔ یہ جی این یو پی جی نہ جانے کیا کیا انسٹال کرے گا جی پی اے ، کیلوپیترا اور ناجانے کیا کیا۔ بہرحال اسکو اپنی مرضی کرنے دیں۔ ایک آئیکون جی پی اے کے نام سے ھوگا شکل سے پستول لگے گا لیکن احتیاط سے چلائیے گا۔ اب اسکی کی مدد سے آپ اپنی پرائیویٹ اور پبلک کی جینریٹ کریں گے۔ شروع میں اگر کوئی کی موجود نہ ہو تو یہ تھوڑی مستیاں کرے گا کرنے دیجیے گا اوکے یس کرتے رہیے گا پھر یہ آپ سے آکا نام پوچھے گا ۔ جو نام بھی رکھیں گے یہ آپکی پبلک کی جینیریٹ کرنے میں کام آئے گا۔پھر آپ سے آپکا ای میل پوچھے گا۔ شرفاء کی طرح اسے یہ معلومات مہیا کردیجیے گا۔ اگر آپ بیک اپ رکھنا چاہیں تو رکھ لیں کسی اور پی سی اسی کی کو استعمال کرنا پڑے تو کام آئے گا نہ رکھنا چاہیں تو آپکی مرضی۔ پھر یہ اپنی مرضی کرے گا اسے کرنے دیجیئے گا ھوسکتا ہے کمزور پی سیز کا دماغ بھی گھما دے لیکن یہ کی جینیریٹ کر دے گا یہ بھی ممکن ہے آپکو بند کر کے اس کو دوبارہ چلانا پڑے۔ اس نے آپکی پبلک کی جینیریٹ کر دی اگر آپکو انے کسی دوست کو میل بھیجنی ہے تو اسکی پبلک کی آپکو چاہیے ھوگی اسکو یا تو امپورٹ کروا لیں یا دوست کی منت کرلیں کے وہ آپکو اپنی پبلک کی کسی فائل میں ڈال کر دے دے آپ پھر اسے وہاں سے امپورٹ کر کے اس کی رنگ کا پیٹ بھر دیں ورنہ آپکا کام نہیں بنے گا۔اب آپ اس پستول کو دوبارہ کھولیں اور اپنی پبلک کی سرور کو بھیج دیں اس کے لیئے کی کو سیلیکٹ کریں اور سرور والے ٹیب پر جاکر سینڈ والی آپشن پر کلک کر دیں۔ یہ کام کرنے کے بعد آپ موزیلا کھولیں اور پھر ۔ اور پھر موزیلا کے ذریعے فائر جی پی جی کھولیں یہاں جاکر ۔ اسکو کھولنے کے بعد فائر جی پی جی کو ڈائنلوڈ کا آپشن سیلیکٹ کریں اسکے بعد موزیلا سے فائر جی پی جی پلگ ان انسٹال کر لیں گے ۔ یہ کرنے کے بعد موزیلاکو ری اسٹارٹ کردیں۔ اف یہ موزیلا کتنی بار کریش ھوتا ہے ۔ اچھا جناب یہ کر لینے کے بعد جب آپ دوبارہ موزیلا فائر فاکس کھولیں گے تو ٹولز والے ٹیب میں سب سے آخر پر جاکر دیکھے وہاں فائر جی پی جی کا ایک نیا ٹیب شامل ھوگیا ہوگا۔ اب آپ اس پر کلک کریں گے تو ایک لسٹ کھل جائے گی اس میں "کی مینیجر" پر کلک کریں اگر یہ پنگے کرے اور کہے کہ جی پی جی ایگزیکیوٹیبل اس کی نہیں مل رہی تو سمجھیں اسکی ابھی مزید خدمت آپکو کرنا پڑے گی۔ لہذا دوبارہ ٹول والے ٹیب پر کلک کریں فائر جی پی جی پر جائیں اور پھر جو لسٹ کھلے گی اس کے آخر میں آپشنز کی آپشن ھوگی اس پر کلک کریں اب ایک نئی ونڈو کھل جائے گی اس پر جاکرجی پی جی والے ٹیب پر کلک کریں اور براوز والے آپشن پر کلک کریں اور اسے جی پی جی ایگزیکیوٹیبل کےنام والی فائل کی راہ دیکھائیں۔ یہ جی پی جی یا جی پی جی ۲ کےنام سے فائل ہوگی اسی فولڈر میں جہاں یہ جی پی اے پستول والی فائل ھوگی ۔ یہ پروگرام فائلز میں جی پی جی والے فولڈ میں کہیں ھوگی اسے ڈھونڈ کر جی پی جی ایگزیکیوٹیبل کی راہ دیکھائیں اور پھر اسی طرح جی پی جی ٹیب کے ساتھ جنرل کا ٹیب ھوگا اس پر آجائیں۔ اس پر آپکو جو بٹن نظر آرہا ہے اس پر کلک کریں اور پھر نئی ونڈو پر کلک کریں اور نیکسٹ کریں اسی طرح پھر جی پی جی ایگزیکیوٹیبل کی راہ اسکو دیکھائیں۔ جب یہ خود مان جائے ہاں اب میں ٹھیک ٹھاک ہوں تو پھر موزیلا کو ری اسٹارٹ کریں اور پھر موزیلا میں ٹول پر جاکر فائر فوکس میں جاکر کی مینیجر میں جاکر اپنی پرائیویٹ کی امپورٹ کر لیں یا جینیریٹ کرلیں نئی کی بنانے کی صورت میں اسے سرور پر سینڈ کرنا نہ بھولیے گا۔ اب اس بندے کی پبلک کی حاصل کر لیں جسکو آپ نے انکرپٹڈ میسج بھیجنا ہو۔ اس کے بعد جی میل کھولیں اور کمپوز پر کلک کریں گے تو آپکے جی میل میں انکرپٹ ، ڈکرپٹ، سائین کے نئے بٹن نظر آنا شروع ھو جائیں گے اگر نہ بھی آئیں تو کوئی بات نہیں ہن پاکستانی دو نمبر طریقے سے کام کرنا بھی جانتے ہیں ۔ اگر بٹن نہ آئیں تو آپ اپنا لکھا ھوا ٹیکسٹ سیلیکٹ کریں اور ٹول میں جاکر فائر جی پی جی میں جاکر انکرپشن پر کلک کریں یہ آپ سے اس بندے کی پبلک کی مانگے گا جسے آپنے انکرپٹڈ میسج سینڈ کرنا ہے۔ یہ کرنے کے بعد آپکے ٹیکسٹ کی حالت خراب ھو جائے گی اسی خراب حالت والے ٹیکسٹ کو بغیر چھیڑ چھاڑ کے اپنے اصل ٹیکسٹ سے تبدیل کردیں اور سینڈ کردیں ۔ اب جس کے پاس یہ میسج جائے گا اسکو اپنی پرائیویٹ کی دینی ھوگی اس میسج کو ڈیکریپٹ کرنے کے لیئے۔

لوجی اب آج سے انکرپٹیڈ میسج بھیجنا شروع کردیں۔
امید ہے یہ ٹیوٹوریل آپکو مکمل تفصیلات مہیا کردے گا اگرپھر بھی مسئلہ ہو تو مجھ سے رابطہ کر سکتے ہیں ۔
ویسے تو آجکل پاک نیٹ سے قطع تعلقی چل رہی ہے وقت کی وجہ سے لیکن ایک دوست کو سمجھانے کے لیٕے یہ ٹیٹوریل لکھا تو سوچا آپکے ساتھ بھی شٕیر کرلوں۔ امید کرتا ہوں سمجھ آجإے گی اگر دشواری ہوٕ تو مجھ سے میری ای میل پر رابطہ کرلیں ۔پھر کبھی وقت ملا تو باتصویر سمجھانے کی کوشش کروں گا لیکن ابھی ایسا کوٕی وعدہ نہیں کرتا۔
دعاؤں میں یاد رکھیے گا اللہ حافظ
نوٹ: یہ ٹیٹوریل معلومات عامہ کے لیئے تعلیمی اور تعمیری مقصد کے لیے تھا اسکے کسی قسم کے منفی استعمال کی مکمل ذمہ داری ممبر پر عائد ھوگی ۔ میرا یا فورم کا اس حوالے سے کوئی عمل دخل نہیں ھوگا۔ میں یا فورم کی انتظامیہ اس کے منفی استعمال کے ذمہ دار نہ ہوں گے۔

__________________

عشق قاتل سے بھی مقتول سے ہمدردی بھی ،یہ بتا کس سے محبت کی جزا مانگے گا؟
سجدہ خالق کو بھی ابلیس سے یارانہ بھی، حشر میں کس سے عقیدت کا صلہ مانگے گا؟

فیصل ناصر

منتظمین

بہت عمدہ۔ ایک مشلکل چیز کو آسانی کے ساتھ سمجھانے کی کوشش کی ہے اپ نے۔ بڑے بڑے طرم خان جو بنے پھرتے ہیں یہ چیزیں ان کو بھی نہیں پتہ اپ کی پراگریس ٹھیک جا رہی ہے۔ اس بارے میں اگر کبھی کسی مدد کی ضرورت ہو تو بلا تکلف پوچھ سکتے ہیں

__________________
تم سپاہی نہیں ہو پیشہ ور قاتلو!

منتظمین

سرورق کے لیے پیش کریں

مزمل فاروق

بہت اچھے راضی !!‌کیا زبردست ٹٹوریل لکھا ہے -

ام طلحہ

کمال کر دیا رضی!! مزا آگیا اس ٹیوٹوریل کا۔ پلے ککھ نہیں پڑا تاہم کوشش کروں گی۔ مزہ تو آپکے انداز کا آیا، بہت دلچسپ انداز میں لکھا ہے۔ کوشش کروں تو شاید میرے جیسوں کو بھی سمجھ آہی جائے
ویسے ایک بات قابل غور ہے۔
شادی خرم کی ہو رہی ہے اور کھنکھنا گنگناآپ رہے ہیں

__________________
یا اللہ!! تمام دنیا سے قوم یہود کو اپنی ناپاک سوچ سمیت نیست و نابود کر دے۔ اس قوم کا نام و نشان ہی مٹا دے۔ آمین ثم آمین

رضی

آگٕئے جناب ۔ آپ لوگ دماغ سے نکلتے ہو بھلا
اعصاب پر چھإئے ھوٕئے ہو

چلیں آپ نے صلح ماری ہی ہے تو پھر کام لیتے ہیں آپ سے بھی ۔مجھے کچھ سإئفرز کا سیکیورٹی اینالسس کرنا ھوگا اس پر ھوسکتا ہے آپکی مدد کی ضرورت پڑ جإئے۔
"پلے ککھ نہیں پڑا " ہیں
"شادی خرم کی ہو رہی ہے اور کھنکھنا گنگناآپ رہے ہیں"ہیں جی یہ کیا الزام تراشی ہے

wajee

بہت ہی اہم اور معلوماتی تھریڈ زبردست رضی

فیصل ناصر

تم کہاں گم ہو گلو
اپریل کا مہینہ گپ شپ اورمزاح کا چل رہا ہے
تیاریاں کرلو ذرا

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

Kamran_Tabasum

بہت خوب رضی بھیا ۔

رضی

کسی نے کوٕئی تجربہ بھی کیا کیا؟ یاخالی خولی اچھا ہے کہنے پر ٹرخارہے ہیں۔

پر خیال رکھیے گا کہ نیگٹو ایکٹیویز کے لیئے اس ٹیکنیک کو استعمال نہ کر رہے ہوں اور بعد میں کہیں کہ رضی بھائی نے طریقہ بتایا تھا وہ بھی ساتھ میں قصور وار ہیں انکی گردن بھی دبوچیں۔
نوٹ: یہ ٹیٹوریل معلومات عامہ کے لیئے تعلیمی اور تعمیری مقصد کے لیے تھا اسکے کسی قسم کے منفی استعمال کی مکمل ذمہ داری ممبر پر عائد ھوگی ۔ میرا یا فورم کا اس حوالے سے کوئی عمل دخل نہیں ھوگا۔ میں یا فورم کی انتظامیہ اس کے منفی استعمال کے ذمہ دار نہ ہوں گے۔

محمدخلیل

بھائی ویسے اس کا بھی توڑ ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔کسی کے پاس

منتظمین

پی جی پی کے ساتھ اگر AES جیسا سائفر استعمال کیا جائے تو پھر سوائے گورنمنٹ کے اس کا کوئی توڑ نہیں کر سکتا اور گورنمنٹس بھی سرکاری طور پر یہی کہتی ہیں کہ اس کا توڑ ممکن نہیں ہے۔

رضی

دوبارہ منظر عام پر لایا جارہا ہے ۔

رضی

نئے دوستوں کے لیئے ۔