یوروگوئے کو دنیا کا پہلا ایسا ملک بننے کا اعزاز حاصل ہو گیا ہے جہاں پرائمری سکول میں ہر بچے کے پاس لیپ ٹاپ ہے۔
یوروگوئے میں گزشتہ دو سال میں بچوں کو لیپ ٹاپ فراہم کرنے کے منصوبے میں تین لاکھ باسٹھ ہزار طالب علم اور اٹھارہ ہزار اساتذہ شامل رہے ہیں۔
اس منصوبے سے بہت سے ایسے خاندانوں کو کمپیوٹر حاصل ہوا ہے جنہوں نے انٹرنیٹ پہلی بار استعمال کیا ہے۔
یوروگوئے ’ایک لیپ ٹاپ فی بچہ‘ سکیم میں شامل ہے جو انٹرنیٹ کے ایک بانی نکولس نیگرپونٹے نے شروع کی ہے۔ نیگروپونٹے کا شروع میں خیال تھا کہ ہر بچے کو ایک سو ڈالر فی مشین میں لیپ ٹاپ فرام کیا جا سکے گا لیکن اس سے زیادہ پیسے خرچ ہو گئے۔
یوروگوئے میں ہر بچے کو لیپ ٹاپ فراہم کرنے میں دو سو ساٹھ ڈالر فی مشین لاگت آئی ہے۔ اس میں مرمت، اساتذہ کی تربیت اور انٹرنیٹ کے کنیکشن کا خرچہ بھی شامل ہے
پروگرام کا سالانہ خرچہ اکیس ڈالر فی طالب علم ہے

اصل مراسلہ منجانب : منتظمین یہ نارمل کمپیوٹر نہیں ہیں۔ یہ بچوں کو ان کی پڑھائی کے لیے مدد گار کمپیوٹرز ہیں۔ بچے ان پر اپنا ہوم ورک کریں گے۔ اور بچوں کے پراجیکٹس ان پر ہوں گے۔ بچوں کی کتابیں بھی اسی میں لوڈڈ ہوں گی۔ بچے آپس میں محدود سطح پر نیٹ ورکنگ کر سکیں گے۔ ان کمپیوٹر کے چلنے کے لیے بجلی کی ضرورت بھی نہیں ہو گی۔ یہ ہاتھ سے چارج ہونے والی بیٹری سے چل سکتے ہیں۔ اور ہمارئے ہاں ہر سکول میں بم دھماکہ ہو گا۔۔۔۔۔۔