محمدعدنان

سرکاری اعداد و شمار کے مطابق چین اب انٹرنیٹ استعمال کرنے والا سب سے بڑا ملک ہے۔
چین میں نیٹ کی مانیٹرنگ کے سرکاری ادارے چائنا انٹر نیٹ نیٹ ورک انفارمیشن سنٹر کی طرف سے جاری کیے گئے اعداد و شمار کے مطابق ملک میں انٹرنیٹ استعمال کرنے والے افراد کی تعداد پچیس کروڑ تیس لاکھ ہے۔

یہ نیلسن آن لائن کی طرف سے جون میں امریکہ کے نیٹ یوزر کی تعداد بائیس کروڑ تیس لاکھ سے زائد ہیں۔

امریکہ میں نیٹ استعمال کرنے والوں کی تعداد کل آبادی کا اکہتر فیصد ہے جبکہ چین میں یہ شرح انیس فیصد ہے، جس سے اس بات کی طرف اشارہ ملتا ہے کہ آخر کار چین امریکہ کو نیٹ کے استعمال کے سلسلے میں پیچھے چھوڑ دے گا۔

چین میں نیٹ کی مانیٹرنگ کے سرکاری ادارے سی این این آئی سی کے ایک بیان کے مطابق ایسا پہلی بار ہوا ہے کہ نیٹ کے استعمال میں چین نے امریکی کو پیچھے چھوڑ دیا ہے اور نیٹ استعمال کرنے والا سب سے بڑا ملک بن گیا ہے۔

اب تک امریکہ نیٹ استعمال کرنے والا سب سے بڑا ملک تھا اور اسے یہ حیثیت انٹرنیٹ کے اعداد و شمار کا حساب رکھے جانے بعد سے حاصل ہے۔

سی این این آئی سی کے مطابق سن دو ہزار آٹھ میں سامنے آنے والے اعداد و شمار گزشتہ ایک سال میں نیٹ استعمال کرنے والوں کی تعداد میں چھپن فیصد اضافے کو ظاہر کرتے ہیں۔ مبصرین کو امید ہے کہ چین میں نیٹ استعمال کرنے والوں کی تعداد اٹھارہ فیصد کی شرح سے بڑھے گی اور سن دو ہزار بارہ تک اننچاس کروڑ ہو جائے گی۔

چین کے نیٹ استعمال کرنے والوں میں سے پچانوے فیصد ہائی سپیڈ لِنک استعمال کرتے ہیں۔ ملک میں براڈ بینڈ کے استعمال میں حالیہ اضافہ فون کمپنیوں کے درمیان مسابقت کا رحجان ہے جو صارفین کو موبائل کمپنیوں سے واپس حاصل کرنا چاہتی ہیں۔

اس وقت چین میں موبائل فون استعمال کرنے والوں کی تعداد پچاس کروڑ ہے۔

چین میں نیٹ استعمال کرنے والوں کی تعداد زیادہ ہونے کے باوجود ملک کی نیٹ اکانومی امریکہ اورجنوبی کوریا سے بھی پیچھے ہے۔

انالائسس انٹرنینشل کی طرف سے جاری کردہ اعداد و شمار کے مطابق چین کی نیٹ کمپنیوں کو سال دو ہزار سال کے دوران پانچ اعشاریہ نو ارب ڈالر کی آمدنی ہوئی۔ اس کے برعکس سال دو ہزار سات کے دوران امریکی نیٹ کمپنیوں کو صرف اشتہاروں سے حاصل ہونے والی آمدن ہی اکیس اعشاریہ دو ارب ڈالر بنتی ہے۔

__________________