شازل

پاکستان نے اس دعوے کو مسترد کیا ہے کہ وہ معاوضے کے بغیر ویڈیو کے ٹکڑے دکھانے والی ویب سائٹ، یو ٹیوب کی عالمی بندش کا ذمہ دار تھا۔

یو ٹویب تک رسائی اس وقت ناممکن ہو گئی تھی جب پاکستان نے اپنی حدود میں یو ٹیوب پر مبینہ طور پر موجود اس مواد تک رسائی کو روکنے کی کوشش کی جو اس کے مطابق ’توہین آمیز‘ تھا۔

تجزیہ کاروں کا کہنا ہے کہ سائٹ تک رسائی میں رکاوٹ اس ہارڈ وئر کے ذریعے ڈالنے کی کوشش کی گئی جس کے ذریعے سائٹ تک رسائی کا رخ مؤثر طور پر تبدیل کیا جا سکتا ہے۔

لیکن پاکستان ٹیلی کام اتھارٹی کے ترجمان کا کہنا ہے کہ یہ مسئلہ کہیں اور کی جانے والی ’گڑ بڑ‘ کے نتیجے میں پیدا ہوا ہے۔

پاکستان ٹیلی کمیونیکیشن اتھارٹی، پی ٹی اے کے سربراہ شہزادہ عالم ملک نے خبر رساں ادارے اے پی سے گفتگو کرتے ہوئے کہا ہے کہ ’ہم ہیکر نہیں ہیں۔ ہم ایسا کیوں کریں گے‘۔
مذکورہ ویب سائٹ کو بلاک کرنے کے احکامات گزشتہ ہفتے پی ٹی اے کے پشاور آفس سے جاری کیے گئے تھے تا کہ وہ ویڈیو نہ دیکھی جا سکے جو حکومت پاکستان کے خیال میں انتہائی ’توہین آمیز‘ مواد پر مبنی تھی۔

نیٹ پر ہونے والی کارروائیوں کی نگرانی کرنے والے ادارے رینیسیس کے مطابق یو ٹیوب تک رسایی میں گڑبڑ اس وقت ہوئی جب پاکستان ٹیلی کام نے یہ کوشش کی کہ ایک ویڈیو دیکھی نہ جا سکے۔

بنیادی طور پر پاکستان ٹیلی کام نے یو ٹیوب کی طرف سے دیے گئے کچھ نیٹ ایڈریس حاصل کر لیے لیکن ان پتوں کے لیے جو راستہ تجویز کیا گیا وہ عام طور پر ٹریفک کی رسائی کو ممکن بنانے ہارڈ وئرز اور روٹرز کے ذریعے حاصل کی جا سکنے والی رفتار سے زیادہ تیزتر تھا۔

پاکستان ٹیلی کام نے نے پتے کی اس تبدیلی سے ان روٹرز کو بھی آگاہ کر دیا جو اس کے ایک شریک پی سی سی ڈبلیو کے استعمال میں تھے۔

روٹرز ہر وقت جلد از جلد رسائی کے لیے تیز ترین طریقے کی تلاش میں رہتے ہیں جس کا نتیجہ یہ نکلا کہ پی ٹی اے کے متعین کردہ راستے کی خبر بہت سے دوسرے روٹرز تک بھی پھیلنے لگی۔

اگرچہ پاکستان یو ٹیوب کے کچھ پتوں تک رسائی کو روکنا چاہ رہا تھا لیکن اس کا نتیجہ یہ نکلا کہ یو ٹیوب تک رسائی حاصل کرنے والوں کی اکثریت آخرِ کار ایسی جگہ پہنچنے لگے جہاں کچھ بھی نہیں تھا۔

رینیسیس کے مارٹن براؤن نے اپنے بلاگ میں لکھا ہے کہ ’اگرچہ یہ طے کرنا انتہائی دشوار ہے کہ در حقیقت اس ہائی جیکنگ کے نتیجے میں نیٹ کا کتنا نظام’متاثر ہوا لیکن ایک اندازے کے مطابق دو تہائی سے کچھ زیادہ حصہ ضرور متاثر ہوا‘۔

یہ مسئلہ اتوار کو کوئی دو گھنیٹے تک جاری رہا اور اس کے بعد اس پر قابو پا لیا گیا۔ لیکن پاکستان میں یو ٹیوب تک رسائی منگل کو اس وقت ممکن ہو سکی جب مبینہ توہین آمیز ویڈیو ہٹا دی گئی۔

__________________
http://vistatricky.blogspot.com/
http://wirelogs.blogspot.com/
http://shazel.wordpress.pk/

ابو کاشان

میرے خیال میں مسلم ہیکرز کو اس سلسلے کی روک تھام کے لیئے اپنا کردار مؤثر انداز میں ادا کرنا چاہیئے۔
آپ کا کیا خیال ہے؟؟؟

عرفان حیدر

سلام،

جناب پاکستانی ہیکنک میں پیچھے نہیں، یہ اور بات ہے کہ ہمارے پاکستانی ہیکرز کا موڈ اس وقت آف ہو یا وہ چھٹیوں پر ہو

وسلام

مزمل فاروق

woh kaun si video thi jin ki wajah se pakistan governmet ko youtube band karni pare

منتظمین

اس میں حضور پاک (ص) کی توہین کی گئ ہے اور قران پاک پر کیچڑ اچھالنے کی کوشش کی گئی ہے۔۔۔

__________________
تم سپاہی نہیں ہو پیشہ ور قاتلو!

اکرام

جناب ہوا یوں ہے کے روٹر کے اوپر اگر کوئی آئی پی null0 کمانڈ سے بند کرتے ہیں تو پورے ملک کے لے بند ہو جاتی ہے ۔ایسی ہم نے کافی سائٹ بند کی ہیں ۔لیکن جب اس کمدنڈ کو آپ اگر see-me-we -3 اور see-me-we -4 والے روٹر پر دیتے ہیں تو یہ مین لنک کے روٹر ہیں جس سے باقی دنیا کے روٹر اپ ڈیٹ لیتے ہیں ۔جب ان کے پاس یہ انفارمیشن ملتی ہے کے اس آئی پی کو بلاگ کرنا تو وہ اس کوبلاگ کردیتے ہیں ۔
یہ صرف ایک غلطی کی وجہ سے ہوا کے پوری دنیا میں یو ٹیوب بلاگ ہو گی۔
اگر یہ کمانڈ پاکستان کے لوکل روٹر پر دی جاتی تو وہ صرف پاکستان میں بلاگ ہوتی۔