عبدالقدوس

آئی سی ایل ورلڈ سیریز : انڈین الیون نے ورلڈ الیون کو شکست دیدی
کراچی (جنگ نیوز) انڈین کرکٹ لیگ ورلڈ سیریز ٹورنامنٹ کے ایک اہم میچ میں انڈین الیون نے ورلڈ الیون کو44 رنز سے ہرا دیا ۔ ورلڈ الیون نے ٹاس جیت کر پہلے فیلڈنگ کا فیصلہ کیا اور پوری ٹیم 08 وکٹوں کے نقصان پر 119 رنز بنا کر ڈھیر ہوگئی۔ بہترین کارکردگی پر انڈین الیون کے ایس ٹی آر بنی مین آف دی میچ رہے۔ انڈین الیون کی جانب سے عباس علی نے سب سے زیادہ 44 رنز بنائے۔ جیو سوپر نے کرکٹ شائقین کیلئے میچ حیدرآباد دکن سے براہ راست نشر کیا۔تفصیلات کے مطابق انڈین الیون نے پہلے کھیلتے ہوئے مقررہ اوورز میں163 رنز بنائے جس میں عباس علی کے44 رنز نمایاں رہے جبکہ دیگر کھلاڑیوں میں خلیل 14،وگنیش24، جھنجھن والا 27،ٹی پی سنگھ09،اور بنی 21 رنز بنا کر نمایاں رہے۔ جواب میں ورلڈ الیون نے جب رنز کا تعاقب شروع کیا تو اُسے شروع ہی سے نقصان کا سامنا کرنا پڑا جب ، ون سینٹ 08 اور کیرنس02رنز بنا کر پویلین لوٹ گئے۔ دیگر کھلاڑیوں میں ایلیٹ19، اتاپتو20، مارٹن06، آرنلڈ15، ہاروی08، چندانہ 09 اور ہال 11 رنز بناسکے۔اوراِس طرح انڈین الیون نے ورلڈ الیون کو 44 رنز سے باآسانی شکست دے کر اپنی مسلسل دوسری فتح حاصل کی۔

__________________