عبدالقدوس

جونیر اسکوائش:ناصر اقبال ،ڈیوڈ وارڈ لے کو ہرا کر فائنل میں پہنچ گئے
کراچی (اسٹاف رپورٹر) برٹش جونیئر اسکواش چیمپئن شپ کے سیمی فائنل میں دانش اطلس اور نوشیروان شکست کھا کر باہر ہوگئے جبکہ انڈر 15 کے سیمی فائنل میں ناصر اقبال نے کامیابی حاصل کرلی۔ ناصر اقبال واحد پاکستانی کھلاڑی ہیں جنہوں نے فائنل میں کھلینے کا اعزاز حاصل کیا ہے۔ انگلینڈ کے شہر شیفیلڈ میں کھیلی جانے والی چیمپئن شپ کے انڈر 17 بوائز کے سیمی فائنل میں مصر کے امر خالد خلیفہ نے پاکستان کے دانش اطلس کو آدھے گھنٹے سے زائد جاری رہنے والے مقابلے میں باسانی شکست دیدی۔ امر خالد نے 9-6، 9-1 اور 9-4 سے فتح حاصل کی جبکہ اسی کیٹگری کے دوسرے سیمی فائنل میں پاکستانی کھلاڑی نوشیروان نے مصری کھلاڑی عدیل گاورڈ کا جم کر مقابلہ کیا لیکن انہیں شکست کا سامنا کرنا پڑا۔ مصری کھلاڑی نے 56 منٹ کے کھیل میں 10-8، 10-8 اور 9-7 سے کامیابی حاصل کرکے فائنل میں کھیلنے کا اعزاز حاصل کیا۔ انڈر 15 کے سیمی فائنل میں پاکستانی کھلاڑی ناصر اقبال نے شاندار کارکردگی کا مظاہرہ کیا۔ انہوں نے مصر کے کریم علی فاتحی کو 9-2، 9-3 اور 10-8 سے زیر کیا۔ اس سے قبل کھیلے گئے کوارٹر فائنل میں بھی ناصر نے شاندار کارکردگی کا مظاہرہ کرتے ہوئے انگلینڈ کے ڈیوڈ وارلڈلے کو صرف 37 منٹ میں شکست سے دوچار کیا۔

__________________