ابن ضیاء

کار ریس کے بھارتی کھلاڑی نارائن کارتھیکِین نے اے ون گراں پری کار ریسنگ مقابلہ جیت لیا ہے، جس سے بھارت یہ ریس جیتنے والا دنیا کا چودواں ملک بن گیا ہے۔
کارتھیکین کے کریئر کی یہ سب سے بہترین کارکردگی ہے۔ اس مقابلہ کا اہتمام چین کے جوکائی انٹرنیشنل سرکٹ میں کیا گیا تھا۔

مقابلے میں کارتھیکین کو نیوزی لینڈ اور جنوبی افریقہ کی ٹیموں سے زبردست مقابلے کا سامنا تھا، لیکن آخر میں کارتھیکین نے بہتر کارکردگی کا مظاہرہ کرتے ہو‎ئے اپنے مدمقابلوں کو پیچھے چھوڑ دیا۔

مقابلے کی شروعات میں کارتھیکین تیسرے نمبر پر تھے لیکن بعد میں انہوں نے اپنی کار کی رفتار پر گرفت جمائی اور زبردست کھیل کا مظاہرہ کیا۔ نیوزی لینڈ کے نیل جانی نے دوسری جبکہ جنوبی افریقہ کے ایڈریانہ جوگ نے تیسرے پوزیشن حاصل کی۔

نارائن کارتھیکین نے گزشتہ ہفتے ایک ہار کے بعد فارمولہ ون ولیمس ٹیسٹ ڈرائیور کا درجہ گنوا دیا تھا۔ لیکن اب اس جیت سے انہوں نے یہ ثابت کر دیا ہے کہ ہندوستان دھیرے دھیرے ہی صحیح لیکن ریسنگ میں عالمی شناخت حاصل کر رہا ہے۔