محمدخلیل

اسلام و علیکم۔
میرے پاس اس وقت 75000 روپے مالیت کی موٹر سائیکل ہے جو کہ میرے بہت کام کی ہے اور میں اس سے پیار بھی کرتا ہوں،
مسئلہ یہ ہے کہ میں کوئی کاروبار کرنا چاہتا ہوں۔

اپنے اپنے زہن کے مطابق مجھے بہترین مشورہ دیں کہ مین اس بائیک کو سیل کر کے
کیا کاروبار پاکستان میں شروع کروں۔ جو کامیاب بھی ہو۔
جس سے میں اسی سال ایک نئی بائیک خرید سکوں۔

اور اس بار میں سنجیدہ ہوں۔
پہلےہی میں بہت پیسے روووڑ چکا ہوں

__________________
تم لوگوں کی اس دنیا میں ہر قدم پہ انساں غلط
میں صحیح سمجھ کہ جوبھی کروں تم کہتے ہو غلط
میں غلط ہوں تو پھر کون صحیح؟

ننھا بچہ

میرے ایک جاننے والے نے بالکل ایسے کر کے شوارمہ پوائنٹ بنایا تھا
ایک سال میں اس نے بائیک لے لی

J.S

خلیل بھائی بہت خوب، اچھی بات ہے محنت کرنا،
پر میرا مشورہ ہے کہ بائک فروخت کرنے سے اچھا ہے کوئی نوکری تلاش لیں یہ زیادہ بہتر ہے،
آج کل حالات ایسے نہیں کہ کسی کاروبار میں پیسے پھسائے جائیں، ہاں اگر اس وقت آپ کی لک ساتھ دے رہی ہے تو پھر آپ کاروبار کر لو ( کپڑے کا کاروبار)
کوئی بھی کاروبار سے پہلے اچھی طرح سوچ سمجھ کر پوری تیاری سے فیصلہ ہیں۔

کنعان

السلام علیکم!

کاروبار پر مفید رائے پاکستان میں رہنے والے ہی دے سکتے ہیں۔

والسلام

monee3s

اپنی بائیک کرائے پر لگائیں۔

کنعان

موٹر بائک کرایہ پر دینے کے بعد واپسی کیسے چھڑوائیں گے 75 ہزار کی موٹر بائک کے لئے 10 ہزار اور ضائع کرنے پڑیں گے۔ نقصان کا کاروبار ھے۔

__________________

عبدالقدوس

بائیک اپنے پاس ہی رکھیں
سب سے پہلے یہ بتائیں کہ اپ کے علاقہ میں کمپیوٹر کتنے گھروں میں ہیں؟
انٹرنیٹ استعمال کرنے والے کتنے فیصد لوگ ہیں؟

ویسے ایک رف سا آئیڈیا یہ ہے
ایک دکان لیں
دو تین پرانے خراب کمپیوٹرز لیں
ایک ٹھیک کمپیوٹر رکھیں
چھوٹا موٹا سامان جیسے کی بورڈوماوس سپیکرز،ہیڈفون وغیرہ اپنی دکان میں رکھیں اور ایک بورڈ لگادیں کمپیوٹر سیل ایند رپئیر شاپ پہلے 400~500 روپے میں 1 ہزار پمفلٹ پرنٹ کروائیں اور ہرگھر ہردکان میں تقسیم کروادیں
انشاءاللہ دکان کا خرچہ پہلے ہفتے اور نئی موٹرسائیکل کے پیسے پہلے مہینے کے اختتام تک پورے ہوجائیں گے۔

__________________

حیدر

75ہزار سے کاروبار:
ہممم۔۔۔۔۔۔۔
میرے دوست اس وقت میرےساتھ ہوتے تو زیادہ بہتر تھا ، پھر تو کاروباروں کی لسٹ لگ جانی تھی یہاں۔ کیونکہ انکو کاروبار کاروبار کھیلنے کا بہت شوق ہے۔ ہر ہفتے ایک نئے کاروبار کی فیزیبلٹی بنا رہے ہوتے ہیں۔
خیر
1: عبدالقدوس بھائی کا مشورہ اس اعتبار سے صائب ہے کہ آپ کمپیوٹر کی فیلڈ میں ہیں ، آپکا تجربہ اسی کا ہے اور اس سے ٹچ بھی رہیں گے،
تاہم
2:اگر ہتک محسوس نہ ہو تو یو بی ایل اومنی یا نادرا ای سہولت کی شاپ بھی کھولی جا سکتی ہے الگ سے یا بشمول آپشن نمبر ایک کے۔ اگر لوکیشن مناسب ہو تو ماہانہ 12، 15 ہزار روپے نکل ہی آتے ہیں یہاں سے۔

3:عدالت میں کمپوزنگ کی دکان کھولی جا سکتی ہے۔ میرا ایک دوست یہی کام کر رہا ہے۔ وہ ماہانہ 20 ہزار سے زائد کما لیتا ہے محض 6 گھنٹے کام کر کے اور خرچہ صرف 1000 روپے ماہانہ ہے۔ اس کے ساتھ ہی آپشن نمبر 2 بھی شامل کیا جا سکتا ہے۔

4:ویب سائیڈ کا کام آپ کر لیتے ہیں۔ وی سائٹ بنائیں کوئی اچھے سے مواد کے ساتھ۔ پھر adf.lyجیسی کسی کمپنی میں اکاونٹ کھول لیں۔ اپنی ویب سائٹ کی جتنی ایڈورٹائزمنٹ کریں گے اتنی ہی کمائی کے چانسز ہیں۔ اگر ویب سائٹ کی ٹریفک مناسب ہو جاتی ہے تو موبائل کمپنیوں میں جیک لڑوا کر اشتہار لیے جا سکتے ہیں۔ لیکن یہ کام ذرا محنت طلب اور صبر آزما ہے۔

5: پولٹری فارمنگ کر سکتے ہیں۔ 4،5 ہزار روپے میں شیڈ کرائے پر مل جائے گا۔ 5،6 ہزار میں ایک ملازم رکھ لیں۔ کسی ڈیلر سے رابطہ کریں ۔ اکثر ڈیلرز فلاک اور فیڈ اور میڈیسن اُدھار پر دے دیتے ہیں۔ اور آخیر میں فلاک بکوا بھی دیتے ہیں۔ اگر آپکی محنت جمع قسمت اچھی ہوئی تو بہت تھوڑی سے انسٹمنٹ سے بہت اچھا منافع کما لیں گے۔

6:شتر مرغ کی فارمنگ کا کام بھی منافع بخش جا رہا ہے۔ یہ بھی بڑی کمپنیاں مثلاً K&Nsوغیرہ خرید لیتی ہیں۔

7:ایک ڈیڑھ لاکھ میں گوٹ فارمنگ کا کام بھی چل سکتا ہے۔

8: اگر آپ کے علاقے میں کوئٹہ سائیڈ کے پٹھان پھرتے ہوں تو اُن سے ایرانی سامان خرید کر بیچا جا سکتا ہے۔ ادھر ہمارے شہر میں ایرانی مال کی دکانیں سامان سے "تُنی" پڑی ہوتی ہیں۔ اور اگر "خوف" محسوس نہ ہو تو "کوئٹہ-چمن-ویش" کا ایک چکر آپکی آنکھیں کھول دے گا اور کمانے کے ذرائع بھی۔

9:اگر آپ کے پاس تھوڑی بہت زمین موجود ہے تو سبزیوں کی فارمنگ تھوڑی سی محنت طلب لیکن کافی منافع بخش کام ہے۔ گارینیڈ

10: مُکدی مُکاؤ: اگر آپ کے علاقے میں SMEDAوالوں کا دفتر موجود ہے تو اپنی بائیک کو کک لگا کر سٹارٹ کریں انکے دفتر کے باہر پارک کریں۔ بلا تکلف اندر گھس جائیں۔ وہاں جو بھی بزنس ڈویلپمنٹ آفیسر موجود ہو اس کے سامنے موجود کُرسی پر بیٹھ جائیں اور اُسے بتائیں کہ میرے پاس وہ بائیک ہے جو 75ہزار میں سیل ہو سکتی ہے اور میں کاروبار کرنا چاہتا ہوں۔ لیکن کیا کروں یہ سمجھ نہیں آتی۔ مشورہ دیں۔
بس آپکا کام ختم۔ انکا کام شروع۔

حیدر

اس ویب سائٹ کا مکمل مطالعہ اور وقت نکال کر مطالعہ بزنس کی کئی راہیں متعین کر سکتا ہے۔
یہ ویب سائٹ اردو اور انگلش دونوں زبانوں میں ہے۔
انتہائی پُر خلوص لوگ ہیں۔ مجھے پسند ہیں۔

سمیڈا کی انگلش ویب سائٹ

سمیڈا کی اُردو ویب سائٹ

حیدر

مثلاً اُنکی ویب سائٹ سے ایک صفحہ:

کاروبار کا انتخاب کرنے کے لئے چیک لسٹ

فوائد:جو لوگ نیا کاروبار شروع کرنا چاہتے ہیں ان کو اکثر بتایا جاتا ہے کہ وہ ایک ایسا کاروبار منتخب کریں جو ان کی صلاحیتوں اور تجربہ کے لحاظ سے فائدہ مند ثابت ہو- لیکن اس بات سے وہ اکثر پریشان ہو جاتے ہیں کیونکہ وہ واقعی نہیں جانتے کہ کاروبار شروع کرنے میں اپنے تجربے اور تعلیم کا فائدہ کیسے اٹھایا جاتا ہے- منسلک کردہ فائل آپ کو اپنے رجحانات کا اندازہ لگانے اور ان کا مختلف کاروباری حالا ت کے ساته موازنہ کرنے سے آپ کی چند غلط فہمیوں کی وضاحت کرے گی- جب ایک دفعہ آپ یہ امتحان مکمل کر لیں گے تو آپ اپنے لئے بہتر کاروبار منتخب کرنے کے قابل ہوں گے۔
فائل کی وضاحت- فائل میں دو صفحوں کا ڈاکومینٹ ہے جو رچ ٹیکسٹ فارمیٹ میں موجود ہے جو ونڈوز کے ماحول میں اکثر ورڈ پروسیسرز کے ساتھ استعمال ہو جائے گی۔
اہم خصوصیات
اس میں مندرجہ ذیل خصوصیات ہیں-

آپ ان تمام کاروبار کا موازنہ کر سکتے ہیں جن کے بارے میں آپ سوچ رہے ہیں۔
ان بہت سے کاروباری خیالات کی درجہ بندی کرنے کی مشق ھے-
یہ فائل ایکسرسائز کے نتیجوں کو دیکھنے میں مدد کرے گی اور اپنے لئے بہتر کاروبار کا انتخاب کرنے میں آپ کی مدد کرے گی۔

اس ویب سائٹ میں آپکو مختلف قسم کی چیک لسٹ ملیں گی مثلاً کاروبار کیسے چُننا ہے، نیا کاروبار شروع کرنے کی چیک لسٹ، کاروباری پلان ، اکاؤنٹنگ سافٹ وئرز وغیرہ ۔

الغرض اس ویب سائٹ یا اس ادارے کی مدد سے آپ اپنے بزنس کو صفر سے مینج کر سکتے ہیں۔

محمدخلیل

بہت بہت شکریہ بھائی تف صیل کے لکھنے کا میں پڑھ کر پھر لکھتا ہوں یہاں

حیدر

میں ایک بات "انشا اللہ" کی گارنٹی کے ساتھ کہتا ہوں کہ بظاہر دیکھنے میں 75 ہزار روپے کاروبار کے لیے بہت تھوڑے ہیں۔ لیکن اگر آپ جلدی کے بجائے تھوڑی دیر سے اور مکمل منصوبہ بندی کر کے میدان میں اُتریں گے ، تو ان شا اللہ جنگ آپ ہی جیتیں گے۔

ورنہ بغیر منصوبہ بندی کے نقصانات کا پوچھنا ہے تو مُجھ سے پوچھیں۔ میں لگ بھگ 25 لاکھ (کیش پلس رننگ )کا نقصان کئیے بیٹھا ہوں محض مشوروں اور دوستوں پر اعتماد کر کے۔ مسئلہ پیسوں کے نقصان کا نہیں ہوتا۔ پیسے بندہ پھر کما لیتا ہے۔
مسئلہ ہوتا ہے کریڈیبلٹی کے نقصان کا۔ اور اُس سے بڑھ کر خود اپنے اندر اعتاد ختم ہو جانے کا۔
مجھے تین سال لگے محض اس بات پر اپنی دماغی حالت اور کریڈی بلٹی نقصان برداشت کرنے کے کہ میرے دوست کا کہنا تھا کہ "ڈیڈ نے مکمل پلان کر لیا ہے"۔ ڈیڈ نے کیا پلان کیا تھا وہ مجھے دلدل میں پاؤں رکھتے ہی پتا چل گیا تھا۔

مجھے نا جانے کیوں شروع سے ہی لگتا ہے کہ آپ بھی میری طرح حماقت آمیز غلطیاں بہت کر بیٹھے ہیں اور اب فیصلہ لینا مشکل ہو گیا ہے۔ تاہم آپ مجھ سے چھوٹے ہیں اور ابھی آپ کے پاس وقت ہے۔ تھوڑی سی پلاننگ، تھوڑا سا صبر اور کافی ساری محنت پچھلی غلطیوں کا کفارہ کر سکتی ہے۔ ورنہ ایک دن آپ بھی میری طرح یہ شعر گُنگناتے نظر آئیں گے

زندگی گُزرے گی امتحان میں کیا
داغ ہی دے گی مجھ کو دان میں کیا
اب تو کوئی ٹوکتا بھی نہیں
یہی ہوتا ہے خاندان میں کیا


بزنس کے سلسلے میں ، میں آپکو محض ایک ٹِپ دوں گا۔
اعتماد ضرور کریں۔ اعتماد بزنس کی کامیابی کی کُنجی ہے۔ لیکن اندھا اعتماد اپنے بھائی پر بھی نہ کریں۔ بعینہ "منتظمین" والی سٹریٹیجی اپنا لیں۔ آپ بھی سُکھی رہیں گے اور باقی بھی۔

حیدر

آپ اپنا وقت لیں۔ ہر جگہ کو جانچیں۔
اپنا پلان خود بنائیں۔ تاہم اگر پیپر ورک عُرف بزنس پلان کے سلسلے میں کُچھ کام کرنا ہو ، تو بلا تکلف مجھے کہیں۔ میں اپکو اس سلسلے میں مدد دے سکتا ہوں۔ کیونکہ مجھے اور میرے جاننے والوں کو خوش فہمی ہے کہ میں پلان بہت اچھا کر سکتا ہوں۔

wajee

بہت خوب بدر بھائی اتنے سارے پوائنٹ

راجہ اکرام

حیدر بھائی
مجھے بھی کچھ مشورہ دیں