ام طلحہ

بہت بہترین تحریر ہے خلیل بھائی، واقعی یہ استاد ہی ہیں جو کسی کو بھی بنا بھی سکتے ہیں اور تباہ بھی کر سکتے ہیں۔ زندگی میں ہمیشہ ایک سب سے اچھا اور ایک سب سے برا استاد ہمیشہ یاد رہتا ہے۔میری زندگی میں بھی یہ دو یادیں موجود ہیں۔ ایک میری مرحومہ استاد جو 1 سے 4 تک ہماری کلاس ٹیچر رہیں۔اللہ انہیں غریق رحمت کرے۔ انکے لئے ہر بچی اولاد کی طرح تھی اور ہر کلاس کے اختتام پر ہماری پوری کلاس کا رونا ہیڈ مسٹریس کے سامنے کہ ہم ان ٹیچر کے بغیر نہیں پڑھیں گے۔ نتیجہ یہ کہ انہیں بھی ہمارے ساتھ کلاس میں شفٹ کر دیا جاتا تھا۔میں ان چارسالوں میں اول اور دوم پوزیشن کے درمیان ایک دو نمبروں سے گھومنے والی طالبات میں سے تھی۔ پھر بد قسمتی سے علاقہ شفٹ ہونے کی وجہ سے مجھے سکول بدلنا پڑا۔ کلاس 5 میں جو ٹیچر ملی وہ اسی تصویر کے عین مطابق تھی جو خلیل بھائی نے پیش کی۔ اس نے میرا کیریر تباہ کر دیا۔ میری بنی بنائی بنیاد میرا شوق سب کچھ برباد کر دیا۔ میں کبھی اس ٹیچر کو بھول ہی نہیں سکتی۔ اگر چہ آگے جا کر کچھ اچھے استاد بھی ملے مگر میں اس پوزیشن پر کبھی لوٹ ہی نہیں سکی۔میرا اعتماد ہمیشہ کیلئے تباہ ہو گیا۔میں نے جو کچھ کیا اپنی محنت سے کیا حتیٰ کہ جلد شادی کی وجہ سے منقطع ہونے والی تعلیم کو بھی مکمل کیا، دو بچوں کو گود میں رکھ کر ایم اے بھی کیا، لیکن یہ رنج سدا کیلئے میری زندگی کا حصہ ہے کہ اگر میری زندگی میں وہ ایک سال نہ آتا تو پتہ نہیں میں کیا کچھ کر پاتی۔ بہر حال، اللہ کے بھید اللہ ہی جانے کہاں اسکی کیا مصلحت ہوتی ہے۔

__________________
یا اللہ!! تمام دنیا سے قوم یہود کو اپنی ناپاک سوچ سمیت نیست و نابود کر دے۔ اس قوم کا نام و نشان ہی مٹا دے۔ آمین ثم آمین

نیلم خان

بہت خوب بھیا ویلڈن ۔



اتنی اچھی تحریر
























آخر بھائ جو میرے ھوئے

عرفان حیدر

سلام،

جس نے مجھے ایک بھی لفظ سکھایا میں ساری زندگی اسکی غلامی کروں گا۔(حضرت علی علیہ السلام)
میرے خیال سے اس میں سب کے سوالوں کا جواب ہے (اگر کوی سوال ہے تو)

وسلام

محمدخلیل

اس بات کی گہرائی میں جائیں بھائی
سب باتیں ایسے ہی مان نہیں لینی چاہیے۔۔۔

اگر کوئی استاد حضرت علی علیہ السلام کو کہتا کہ کہ تم لوگوں پر ظلم کیا کرو تو پھر آپ کا جواب کیا ہوتا؟؟؟

شاہ جی 90

جناب ہمارے بھی استاد بہت بہت اچھے رہے ہیں
پرائمری سیکشن میں اگر میں بھول نہیں رہا تو ہماری ایک میڈم نسیم تھیں ، وہ اس وقت غیر شادی شدہ تھیں لیکن وہ ہمیں ایسا ہی پیار کرتی تھیں جیسے کہ کوئی اپنے بچوں سے کرتا ہے ۔
اور 5th میں ہماری ایک میڈم صفیہ تھیں ، ان کا پڑھانا اب بھی یاد آتا ہے
ہائی سکول میں ہمارے ایک ٹیچر بن یامین صاحب تھے ایک آئڈیل استاد کیا ہوتا ہے یہ انہیں دیکھ کر احساس ہوتا تھا ۔اسی طرح ان کے ایک دوست صفدر صاحب تھے ۔
کالج میں پہنچے تو استاد محترم جناب پروفیسر پرویز قریشی صاحب تھے ، جن کو دیکھ ویکھ کر ہم نے زندگی میں Move کرنا سیکھا ۔ اور ظہیر صاحب جن کی کرم نوازی سے ہم نے انگلش میں ہاتھ پائوں مارنے شروع کر دیئے ۔
اور یونیورسٹی میں ہمیں دو استاد ایسے ملے جو انیس بیس کے فرق سے شفقت اور راہنمائی میں ایک مینارہ نور کی حیثیت رکھتے تھے ۔ کرنل حامد نقوی جن کی سختی اور پیار کے امتزاج نے ہمیں ہمیشہ ایک اچھا طالب علم بنائے رکھا ، اور جناب غلام فاروق صاحب جن کی سیالکوٹی لہجے کی اردو ہمیں فریش رکھتی اور سات سات گھنٹے کی مسلسل پڑھائی بھی ہمیں تنگ نہیں ہونے دیتی تھی
اوپن یونیورسٹی میں ہمیں ایک ٹیچر ایسے ملے جو کہ نوجوان ہونے کے باوجود انتہائی سخت تھے لیکن انتہائی اچھے استاد اور منتظم بھی ، پھر ایک دن ہمیں اندازہ ہوا کہ ان کی سختی کی اصل وجہ کیا ہے ، ہم نے اپنی ہم جماعت لڑکیوں کی ان کے بارے میں کی گئی باتیں سن لی تھیں جو انہیں کچھ زیادہ ہی آئڈیالائز کر رہی تھیں ۔یہ سر زاہد مجید تھے ۔
اور آخر میں اس شخصیت کا زکر جو کہ میری زندگی میں ایسی حیثیت رکھتے ہیں ، جن کی یاد اب بھی ہماری آنکھوں میں پانی لے آتی ہے اور اب بھی جس دن بھی یونیورسٹی جائیں تو ان کی قدم بوسی کے لیئے ضرور حاضر ہوتے ہیں۔ اور وہ بھی اتنی شفقت سے پیش آتے ہیں کہ اپنی چئیر سے اٹھ کر ہمیں گلے لگا لیتے ہیں ۔ جی ہاں میری آج تک کی جتنی کامیابیاں ہیں ، میرے سلوک ، روئیے ، اخلاق کی جتنی تعریفیں ہیں وہ سب پروفیسر ڈاکٹر محمود اعوان صاحب کی زات کی سمت جاتی ہیں ، وہ نہ ہوتے تو شاید یہ معظم شاہ ایسا نہ ہوتا ۔

مسٹر رائٹ

یار خلیل اچھا لکھا ہے پر

میری بات کا مائنڈ نہ کرنا کہ

ایسا توہوگا جب "کھوتی سکول" پڑھو گے۔ ہا ہا ہا ہا

ویسے آپ کا تعلق کس علاقے سے ہے، ؟ میری
رائے ہے کہ پہلے اردو پڑھو پھر انگلش میڈیم کیونکہ آپ کو سیب کا پتہ ہو گا تو apple کو سمجھو گے نہیں تو وہی رٹا سسٹم ہی چلتا ہے انگلش میڈیم میں بھی

دوسری بات یہ کہ آپ کسی پسماندہ یا دور دراز کے علاقے یا گاوں میں بھی اچھے سے اچھا سکول کھولتے ہیں تو ایک دو ہی ایم اے کے لیول تک جاتے ہیں بلکہ میٹرک یا ایف اے یا حد بی اے کیونکہ سکول جتنا مرضی اچھا ہو آپ کو سٹاف تو اسی علاقے نے دینے ہیں جہاں پر اچھا سکول واقع ہے اور وہ سٹاف کیسا ہو سکتا ہے آپ خود بھی اس کا شعور یا اندازہ کر سکتے ہیں اور آپ کو ایک سچی بات بتاوں کہ پڑھائی میں زیادہ اچھی کارکردگی وہی دکھاتا ہے جو اپنے زور بازو پر یقین رکھتا ہو۔ اچھا سکول اور اچھا استاد کی حقیقتوں سے کون واقف نہیں مگر اچھا شاگرد ہونے کی حقیقت جھٹلائی نہیں جاسکتی۔
سکول، استاد اور شاگرد تین پہیوں کی سائیکل ہے اور شاگرد سب سے اگلا پہیہ اگر پچھلے دونوں پہیے خراب بھی ہو جائیں تو اگلا پہیہ گھسیٹ گھسیٹ کو باقی دونوں کو بھی ساتھ کسی نہ کسی طرح ملا دیتا ہے مگر جب صرف اگلاپہیہ ہی خراب ہو تو پچھلے تینوں پہیے کتنے ہی ٹاپ کوالٹی کے کیوں نہ ہوں سائیکل اوندھے منہ ہی گرے گی۔

اگر ایسا نہ ہوتا تو جھونپڑی میں رہنے والے مہاتیر محمد کو کون نہیں جانتا

ایک موچی کا بیٹا امریکہ کا صدر کیسے بن گیا

آپ نے اکیلے ایم اے کیا بہت اچھی بات ہے مگر

ان جہانوں سے آگے جہاں اور بھی ہیں