گندہ بچہ

مرد کی بربادی میں بھی عورت کا ہاتھ ہوتا ہے 100% درست کہا ہے میں نے ..

یاسر

جہاں تک کامیابی یا ناکامی کا سوال ھے تو صف اس بات سے اندازہ ھو جاتا ھے کہ مرد کو جنت سے نکلنا پڑا تو عورت کی وجہ سے،دنیا میں پہلا قتل عورت کی وجہ سے ھوا-(قصہ ہابیل قابیل)
دنیا میں صرف تین چیزوں کی جنگ ھے
زن(عورت)
زر
زمین

پاکستانی لڑکی

عبداللہ حیدر

عام طور پر یہ جو مشہور ہو گیا ہے کہ شیطان نے پہلے حوا علیہا السلام کو دام فریب میں گرفتار کیا اور پھر انہیں آدم علیہ السلام کو پھانسنے کےلیے آلہ کار بنایا، قرآن اس بیان کی تردید کرتا ہے۔ اس کا بیان یہ ہے کہ شیطان نے دونوں کو دھوکا دیا تھا اور دونوں اس سے دھوکا کھاگئے۔ لیکن شیطان کی وسوسہ اندازی کا رخ دراصل آدم علیہ السلام ہی کی طرف تھا۔ اس کے برعکس بائبل کا بیان ہے کہ سانپ (بائبل میں یہاں شیطان کی بجائے سانپ کا ذکر ہے) نے پہلے عورت سے بات کی اور پھر عورت نے اپنے شوہر کو بہکا کر درخت کا پھل اسے کھلایا۔ سورۃ طہ آیت 120 تا 122 میں واضح طور پر بتایا گیا ہے کہ شیطان نے پہلے آدم علیہ السلام کو بہکایا تھا:
فَوَسْوَسَ إِلَيْهِ الشَّيْطَانُ قَالَ يَا آَدَمُ هَلْ أَدُلُّكَ عَلَى شَجَرَةِ الْخُلْدِ وَمُلْكٍ لَا يَبْلَى۔ فَأَكَلَا مِنْهَا فَبَدَتْ لَهُمَا سَوْآَتُهُمَا وَطَفِقَا يَخْصِفَانِ عَلَيْهِمَا مِنْ وَرَقِ الْجَنَّةِ وَعَصَى آَدَمُ رَبَّهُ فَغَوَى۔ ثُمَّ اجْتَبَاهُ رَبُّهُ فَتَابَ عَلَيْهِ وَهَدَى (طہ 120تا122)
''شیطان نے اس کو (یعنی آدم علیہ السلام کو) پھسلایا، کہنے لگا ''آدم! بتاؤں تمہیں وہ درخت جس سے ابدی زندگی اور لازوال سلطنت حاصل ہوتی ہے؟'' آخر کار دونوں (میاں بیوی) اُس درخت کا پھل کھا گئے۔ نتیجہ یہ ہوا کہ فورًا ہی ان کے ستِر ایک دوسرے کے آگے کھل گئے اور لگے دونوں اپنے آپ کو جنت کے پتوں سے ڈھانکنے۔ آدم (علیہ السلام) نے اپنے رب کی نافرمانی اور راہِ راست سے بھٹک گیا۔ پھر اس کے رب نے اسے برگزیدہ کیا اور اس کی توبہ قبول کر لی اور اسے ہدایت بخشی۔"
اب بائبل کا بیان ملاحظہ فرمائیےبائبل کی یہی عبارت جناب فوٹو ٹیک نے دلیل کے طور پر پیش کی ہے۔)
" اور جب عورت نے دیکھا کہ یہ درخت نیک ثمررکھتا ھے ،پرکشش اور پر ثمرھے، لہذا اس درخت کے میوے کو کھایا اور اپنے شوھر کو بھی دیا ، میوہ کھاتے ہی دونوں نے خود کوعریان پایا، فورا انجیر کےپتوں کو اکٹھا کرکے اپنے لیۓ ستر بنائی ۔ ۔ ۔ ۔ ۔ ۔" (پیدائش۔ باب3۔)
بائبل کے اس بیان نے دنیا میں عورت کے اخلاقی، قانونی اور معاشرتی مرتنے کو گرانے میں جو کردار ادا کیا ہے اسے سمجھنے کےلیے یہ کافی ہو گا کہ عیسائی پادریوں اور فلسفیوں نے عورت کو ''برائی کی جڑ'' قرار دیا اور عورت سے تعلق رکھنے کو گناہ خیال کیا جانے لگا۔ چوتھی اور پانچویں صدی عیسوی کی تمام مذہبی تحریریں اس خیال سے بھری ہوئی ہیں کہ شادی نہ کرنا اور عورت سے دور رہنا سب سے بڑی اخلاقی قدر ہے۔ تاریخ میں وہ وقت بھی گزرا ہے کہ پادریوں کے ایک گروہ نے عورت کو انسان تسلیم کرنے سے بھی انکار کر دیا تھا۔ اسلام نے عورت پر سے اس جھوٹے الزام کو صاف کیا جو صدیوں تک اس کے لیے طعنہ بنا رہا ہے۔ اسلام میں عورت اور مرد کی ذمے داریوں میں فرق ضرور رکھا گیا ہے لیکن بحیثیت انسان دونوں برابر ہیں۔ فرمایا:
يَا أَيُّهَا النَّاسُ اتَّقُوا رَبَّكُمُ الَّذِي خَلَقَكُمْ مِنْ نَفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالًا كَثِيرًا وَنِسَاءً (النساء۔۱)
''لوگو اپنے رب سے ڈرو جس نے تمہیں ایک جان سے پیدا کیا اور اسی جان سے اس کا جوڑا بنایا اور ان دونوں سے بہت سے مردوعورت دنیا میں پھیلا دیے۔''
اور فرمایا:
مَنْ عَمِلَ صَالِحًا مِنْ ذَكَرٍ أَوْ أُنْثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُمْ بِأَحْسَنِ مَا كَانُوا يَعْمَلُونَ (النحل۔97)
'' جو بھی نیک عمل کرے گا خواہ وہ مرد ہو یا عورت، بشرطیکہ ہو وہ مومن، اسے ہم دنیا میں پاکیزہ زندگی بسر کرائیں گے اور (آخرت میں) ایسے لوگوں کو ان کے اجر بہترین اعمال کے مطابق بخشیں گے۔''
جہاں تک ہابیل اور قابیل کے قصے کا تعلق ہے تو یہ قصہ سورۃ المائدۃ میں بیان کیا گیا ہے۔ پہلے قرآنی بیان ملاحظہ فرمائیے پھر اس پر مزید گفتگو کرتے ہیں:
''اور ذرا انہیں آدم کے دو بیٹوں کا قصہ بھی بلا کم و کاست سنا دو۔ جب ان دونوں نے قربانی کی تو ان میں سے ایک کی قربانی قبول کی گئی اور دوسرے کی نہ کی گئی۔ اس نے کہا '' میں تجھے مار ڈالوں گا۔'' اس نے جواب دیا '' اللہ تو متقیوں ہی کا عمل قبول کرتا ہے۔ اگر تو مجھے قتل کرنے کے لیے ہاتھ اٹھائے گا تو میں تجھے قتل کرنے کے لیے ہاتھ نہ اٹھاؤں گا۔۔۔۔۔۔۔'' (المائدۃ۔ 27 تا31)
قرآن کریم میں کوئی وجہ بیان نہیں کی گئی کہ یہ قربانی کس لیے پیش کی گئی تھی نہ اس بارے میں کوئی صحیح حدیث ملتی ہے۔ بعض مفسرین کا خیال ہے کہ دونوں بھائیوں نے بطور عبادت اللہ تعالیٰ کی بارگاہ میں نذر پیش کی۔ ہابیل کی قربانی قبول ہونے پر قابیل حسد کا شکار ہو گیا اور اس نے اپنے بھائی کو قتل کر دیا۔ لیکن اگر اُس بات کو درست مان لیا جائے جو بعض لوگوں نے لکھی کہ دونوں کی دشمنی کی وجہ ایک لڑکی تھی تو یہ کہنے کی بجائے کہ ''دنیا میں پہلا قتل عورت کی وجہ سے ھوا'' یہ کہنا زیادہ مناسب ہو گا کہ ''دنیا میں پہلا قتل مرد کے جذبہ ہوس کی وجہ سے ہوا۔''
رسول اللہ صلی اللہ علیہ و آلہ وسلم نے فرمایا:
الدُّنْيَا مَتَاعٌ وَخَيْرُ مَتَاعِ الدُّنْيَا المَرْأَةُ الصَّالِحَةُ (مسلم۔ حدیث نمبر359
“دنیا ساری کی ساری ایک خاص وقت تک برتنے کی چیز ہے اور دنیا کی بہترین متاع نیک عورت ہے۔“
اور فرمایا:
“میرے لیے تمہاری دنیا کی دو چیزیں محبوب بنا دی گئیں، عورت اور خوشبو۔ اور میری آنکھوں کی ٹھنڈک نماز میں رکھی گئی“
ہاں یہ ضرور ہے کہ عورت اگر اللہ تعالیٰ کے نازل کردہ احکام کی خلاف ورزی کرے تو وہ بہت بڑے فتنوں کا سبب بن سکتی ہے۔اس بارے میں رسول اللہ صلی اللہ علیہ و آلہ وسلم نے فرمایا:
اتقواالدنیا واتقواالنساء ۔۔۔۔۔
“دنیا سے بچنا اور عورتوں(کے فتنے سے ) بچنا، اس لیے کہ بنی اسرائیل کا پہلا فتنہ عورتوں کا تھا۔“

پاکستانی لڑکی

شکریہ قسیم بھائی!

خرم شہزاد خرم

لیکن قسیم حیدر یہ کیاہے

" اور جب عورت نے دیکھا کہ یہ درخت نیک ثمررکھتا ھے ،پرکشش اور پر ثمرھے، لہذا اس درخت کے میوے کو کھایا اور اپنے شوھر کو بھی دیا ، میوہ کھاتے ہی دونوں نے خود کوعریان پایا، فورا انجیر کےپتوں کو اکٹھا کرکے اپنے لیۓ ستر بنائی ۔ ۔ ۔ ۔ ۔ ۔"

__________________

عبداللہ حیدر

فوٹو ٹیک بھائی! جو اقتباس آپ نے دیا ہے یعنی
‘‘ اور جب عورت نے دیکھا کہ یہ درخت نیک ثمررکھتا ھے ،پرکشش اور پر ثمرھے، لہذا اس درخت کے میوے کو کھایا اور اپنے شوھر کو بھی دیا ، میوہ کھاتے ہی دونوں نے خود کوعریان پایا، فورا انجیر کےپتوں کو اکٹھا کرکے اپنے لیۓ ستر بنائی ۔ ۔ ۔ ۔ ۔ ۔"
یہ عہدنامہ قدیم(بائبل) کے باب پیدائش سے لیا گیا ہے۔ قرآن کریم کا بیان اس سے مختلف ہے۔ اس بات کو واضح کرنے کے لیے میں نے اوپر اصل مراسلے میں تبدیلی کر دی ہے۔ آپ دوبارہ اسے پڑھ لیں۔

خرم شہزاد خرم

شکریہ جناب بہت شکریہ