ہالی ووڈ کی فلمی صنعت میں خوبصورت چہروں کی کمی نہیں۔ نظر کو اچھے لگنے والے چہرے تو بہت ہوتے ہیں لیکن جودل کوبھاجائیں،وہ چہرے کم کم ہوتے ہیں۔دل کو بھا جانے والے چہرے ہی ہالی ووڈ کاخوبرو چہرہ ہیں۔انجلینا جولی بھی ہالی ووڈ کا ایسا ہی ایک چہرہ ہیں،جنہوں نے کوئی کردار بھی نبھایا تو ایسا محسوس ہوا کہ وہ کردار انہی کے لیے تخلیق کیاگیاتھا۔
انجلینا جولی1975ءکی پیدائش ہے۔ امریکااس کا آبائی وطن ہے۔اپنے کیرئیر کے بام عروج تک پہنچنے سے پہلے زندگی کے تمام نشیب وفراز دیکھے۔اپنے گھر میں بھوک دیکھی۔دنیا کی سفاکی کو دیکھااورصرف یہی نہیں بلکہ زندگی جن رشتوں کی وجہ سے خوبصورت ہوتی ہے،ان رشتوں کو بھی ٹوٹتے ہوئے دیکھا۔ والدین کے رشتے میں پڑنے والی دراڑ نے انجلینا جولی کی روح میں شگاف ڈالا۔اس کی شخصیت میں بے چین اورمضطرب ہوگئی۔اپنے غم کو غلط کرنے کے لیے منشیات سمیت ہر نشے کا سہارا لینے کی کوشش کی مگر بے سود۔۔۔
آخرکار انجلینا جولی نے اپنے اندر کی باصلاحیت فنکارہ کو دریافت کرلیااورفن کے راستے پر اپنی منزل پانے نکل کھڑی ہوئی۔آج وہ اپنے کیرئیر کے عروج پر ہے۔ہالی ووڈ کی مہنگی ترین اداکارہ ہونے کے ساتھ ساتھ انجلینا جولی اقوام متحدہ کی طرف سے مہاجرین کی خیرسگالی کی سفیر بھی ہے اورپاکستان سمیت دنیا بھر کے آفت زدہ علاقوں کا دورہ کرچکی ہے،جن میں 2005ءمیں زلزلے اور2010ءمیں سیلاب کا موقع تھا۔ا س نے متاثرین کے لیے فنڈز اکٹھے کیے اوراپنی آمدن سے بھی ایک خطیر رقم ان لوگوں کے لیے بطور امداد دی۔
2010ءمیںریلیز ہونے والی فلم ”سالٹ“میں انجلینا جولی نے باکس آفس پر تہلکہ مچایا۔دنیا بھر میں ریلیز ہونے والی یہ فلم،اس کی مقبولیت میں مزید اضافے کاسبب بنی۔فلم ”سالٹ “میں اس کا کردار ایک ڈبل ایجنٹ کا دکھایا ہے جس میں یہ امریکا اورروس کے لیے کام کرتی دکھائی گئی ہے۔یہ فلم امریکا اورروس کی سرد جنگ کے دنوں کی یاد تازہ کرتی ہے ۔اس فلم کی کہانی میں انجلینا جولی نے اپنے کردار سے حقیقی رنگ بھر دیے ہیں،اس فلم کو دیکھنے کے بعد کوئی شک نہیں رہتا کہ انجلینا جولی ہی ہالی ووڈ کی ایکشن ہیرووئن ہے۔اس سے بہتر ایکشن کردار اورکوئی اداکارہ نہیں نبھا سکتی۔انجلینا جولی اپنی بہترین اداکاری کی بنیاد پر 1اکیڈمی 2گلڈ اور3گولڈن گلوبل ایوارڈسمیت دنیا بھر سے کئی اعزازات اپنے نام کرچکی ہے۔
انجلینا جولی کو اداکاری کی صلاحیتیں اپنے والدین سے ورثے میں ملیں۔اس نے اداکاری کاآغاز اپنے والد کے ساتھ ایک چائلڈ رول سے کیا۔اس کے والد کا نام Jon Voightتھا جبکہ والدہ کا نامMarchelineتھا۔1982ءکی دہائی سے انجلینا جولی کی یہ چھوٹی سی کوشش اس کو اداکاری کی طرف لے آئی اوراس نے 1993ءمیں بننے والی فلم Cyborg 2سے اپنے کیرئیر کا باقاعدہ آغاز کیا۔1995ءمیں پہلی مرتبہ ایک فلم Hackersمیں مرکزی کردار نبھایا۔اس کے علاوہ Mojave Moon،Foxfire،True Womenنامی فلموں میں کام کرکے اپنے کیرئیر کو آگے بڑھایا۔1997ءمیں ٹیلی ویژن کے لیے 3فلموں میں کام کیا،جن کانامGeorge Wallace،Playing God،Gia تھا۔1999ءمیں، اس نے اکیڈمی ایوارڈ برائے بہترین معاون اداکارہ جیتامگر ابھی اس کی آزمائش ختم نہیں ہوئی تھی،اتنا کام کرنے کے باوجود یہ مخصوص حد سے آگے نہ بڑھ سکی۔2000ءنئی صدی کا آغاز تھا اورانجلینا جولی کے لیے کیرئیر میں نئے موڑ کا آغاز۔اس صدی نے اس پر نئی دنیا کا دروازہ کھولا، جہاں اس کے لیے کامیابیاں تھیں،گلیمر تھا اوربہت ساری شہرت بھی۔۔۔
2001ءمیں ہالی ووڈ کی مشہور زمانہ فلم Lara Croft:Tomb Raiderمیں لاراکروفٹ کا کردار کیا نبھایا ،انجلینا جولی کو عالمی سطح پر پہچان مل گئی۔اس کے بعد انجلینا جولی دنیا کی مہنگی ترین اداکاراﺅں میں شامل ہوگئی اورپھر اس نے پیچھے مڑکر نہیں دیکھا۔2003ءمیں اسی فلم کا سیکوئل بھی بناپھر 2005ءمیں ریلیز ہونے والی فلم Mr and Mrs Smith نے اس کو کامیابی کے ساتھ ساتھ براڈ پٹ جیسا بہترین دوست اور شوہر بھی دے دیا۔اس نے 2شادیاں کیں اوردونوں ناکام رہیں۔گزشتہ کچھ عرصے سے یہ براڈ پٹ کے ساتھ رہ رہی ہے اور ان کے 6بچے بھی ہیں جن میں سے 3لے پالک ہیں۔
انجلینا جولی نے بچپن میں بہت فلمیں دیکھیں۔والدین کی علیحدگی کے بعد اپنی ماں اوربھائی کے ساتھ زندگی کی سختیاں برداشت کیں۔اس نے 2سال تک ایک تھیٹر انسٹی ٹیوٹ Lee Strasbergسے تربیت بھی حاصل کی اورتھیٹر میں عملی طورپر پرفارم بھی کیا۔براڈ پٹ سے محبت کرنے والی انجلینا جولی کو زندگی میں پہلی محبت 14سال کی عمر میں ہوئی لیکن اس محبت میں 2سال بعد ہی جدائی آگئی۔عمر کا 20سال جولی کی زندگی میں ڈپریشن سے بھرا ہوا سال تھا ۔اس سال جولی نے سوچوں کی اذیت سے چھٹکارا پانے کے لیے منشیات کا سہار ابھی لیا مگر کوئی سہارا کام نہ آیا سوائے اس کے ،اس نے خود کو اداکاری کے لیے وقف کردیا۔انجلینا جولی کی محبت کا چشمہ صرف ساتھی اداکاروں کے لیے نہیں بہتا رہا بلکہ اس نے ایک ماڈل اورا داکارہ Jenny Shimizuسے بھی شدید محبت کی۔اس محبت کا جولی نے برملا اعتراف بھی کیاتھا۔
دنیا کی پرکشش خاتون کا لقب حاصل کرنے والی انجلینا جولی نے دنیا بھر کے سفر میں جو کچھ دیکھا اورجو تجربات ہوئے ،اس کو کتابی شکل دی۔اس کانامNotes From My Travelsہے۔اس میں بھی کوئی شک نہیں ،جولی نے دنیا کی سنگین اور تلخ حقیقتوں کا ادراک کرنے کے بعد دکھی اور بے سہارا لوگوں کے لیے اپنی بے پناہ مصروفیا ت سے وقت نکالا۔جولی پٹ فاﺅنڈیشن بنائی۔3لے پالک اولادوں کو پال رہی ہے۔اقوام متحدہ کے پلیٹ فارم سے پوری دنیا میں آفت زدہ علاقوں کے تواتر سے دورے کرتی ہے۔
دل پھینک انجلینا جولی نے 2000ءسے لے کر اب تک کئی ایک فلموں میں کامیابیاں سمیٹیں جن میں Wanted،Gone in 60 Seconds،Changeling،Kung Fu Panda،Salt،The Touristجیسی فلمیںشامل ہیں۔2007ءمیں ڈینئل پرل پر بننے والی فلم A Mighty Heartمیں کام کیا۔اس فلم کی شوٹنگ کراچی میں ہونی تھی کیونکہ یہ وہی امریکی صحافی تھا جس کو کراچی میں قتل کیا گیا تھالیکن کراچی کے خراب حالات کے باعث اس فلم کو بھارت میں شوٹ کیاگیا۔پاکستان سے عدنان صدیقی اوربھارت سے عرفان خان سمیت کئی مقامی اداکاروں نے بھی اپنی فنکارانہ صلاحیتوں کے جوہر دکھائے ۔اس کے علاوہ انجلینا جولی نے کئی ایک میوزک ویڈیوز میں کام کیااور ہدایت کاری کے شعبے میں بھی قسمت آزمائی کررہی ہے۔
انجلینا جولی دنیا بھر میں مقبول ہے۔دولت کی بھی ریل پیل ہے لیکن اس کی زندگی میں رشتوں کی توڑ پھوڑ کا سلسلہ جاری ہے،شاید یہی وہ غصہ ہے جس کو یہ ایکشن فلموں میں نکالتی ہے اورپنا کتھارسز کرتی ہے مگر اندر کی لڑائی کو باہر کی لڑائی سے کون ختم کرسکاہے؟انجلینا جولی ایک بہترین اداکارہ ہے،اس پہلو کو کوئی نظر انداز نہیں کرسکتا۔

__________________
تم لوگوں کی اس دنیا میں ہر قدم پہ انساں غلط
میں صحیح سمجھ کہ جوبھی کروں تم کہتے ہو غلط
میں غلط ہوں تو پھر کون صحیح؟