درجہ بندی: (1 votes - 5.00 average)

یہ سچا واقعہ ہے اس کو محض ایک کہانی مت سمجھے گا

یہ اس وقت کی بات ہے جب میں میڈیکل میں تھرڈ ائیر کی سٹیوڈنٹ تھی۔ میری ڈیوٹی جس وارڈ میں لگی وہاں ایک آٹھ،نو سال کی بچی داخل تھی۔
اس بچی کے والد کا انتقال ہوگیا تھا۔ اس کا ایک بھائی جس کی عمر گیارہ، بارہ سال ہوگی۔ وہ بچہ اخبار بیچ کر اپنی ماں اور اپنی بہن کا پیٹ پال رہا تھا۔ اس بچے کی آنکھوں سے ذہانت جھلکتی تھی۔ وہ بڑے فخر سے کہتا تھا کہ میں بچہ نہیں بلکہ اپنی ماں کا کماؤ بیٹا ہوں۔

ایک دن وہ بچہ میرے پاس آیا اور کہا کہ میں روز کے اخبار بیچتا ہوں اس میں اتنا منافع نہیں ہوتا ہے ۔ اگر آپ مجھے سو روپے دے دیں تو میں اخبار جہاں خرید کر بیچوں گا اس سے مجھے منافع ذیادہ ہوگا۔ میں نے اس بچے کو سو روپے دیے اور کہا کہ یہ پیسے میں تم کو قرض دے رہی ہوں

تم اپنے منافع میں سے پیسے جمع کرکے مجھے واپس کرنا۔ وہ مجھ سے وعدہ کرکے چلاگیا۔ میرے تمام ساتھیوں نے مجھے کہا کہ یہ بچہ تم کو بےوقوف بناکر پیسے لے کر گیا ہے اب کبھی یہ اپنی شکل نہیں دکھائے گا۔ لیکن میں سب سے کہتی کہ یہ بچہ ضرور آئے گا۔

کچھ دنوں بعد اس کی بہن بھی ہاسپٹل سے ڈسچارج ہوگی اور وہ فیملی بھی چلی گئی۔

اسی طرح کافی عرصہ گزر گیا اور میں واقعہ بھول گئی۔

ایک دن میں ھاسپٹل کے باہر بس سٹاپ پر کھڑی تھی۔وہی بچہ بھاگتے ہوئے میرے پاس آیا اور سو روپے کا نوٹ میری طرف بڑھاتے ہوئے بولا یہ آپ کے پیسے۔ اس کی بات سن کر مجھے اتنی خوشی ہوئی ۔ میں نے وہ پیسے اس کو واپس دے کر بولا یہ میری طرف تمہارے لیئے تحفہ !

مجھے نہیں‌معلوم کہ آج وہ بچہ کہاں‌ہے؟ لیکن مجھے اس نے دیانتداری کا جو سبق سکھایا وہ میری پوری زندگی کیلیئے کافی ہے۔

کاش اس بچے کی طرح ہمارے حکمران اور ہماری قوم بھی دیانتداری کا مظاہرہ کریں۔

سحر