آج ہی ایک دھاگہ نظر سے گزرا جس کا عنوان تھا کہ ’’انجم بھائی کے لئے سزا تجویز کی جائے‘‘ میرے قدم رک گئے۔۔ سوچا اچھا موقع ہے، اونٹ پہاڑ کے نیچے آیا ہے کوئی اچھی سی سزا تجویز کرتے ہیں۔
لیکن جب تفصیلات پڑھیں تو سارا منظر ہی بدل گیا۔۔ انجم بھائی کے اخلاص اور حوصلے کو دیکھتے ہوئے مجبورا فیصلہ کرنا پڑا کہ ان کا اعتراف کیا جائے اور پاک نیٹ اور دوستوں کی جانب سے انہیں ایوارڈ دیا جائے۔

انجم بھائی کا جرم کیا ہے؟؟
جرم بس اتنا ہے کہ پیار کیا، شادی کر لی ، لیکن پاک نیٹ کے دوستوں کو یہی کہا کہ ابھی منگنی ہوئی ہے سال تک شادی ہو جائے گی۔ یہاں مبارکباد کی تیاریاں شروع ہو گئیں، ہماری بہنوں نے شادی کے تحفے اور بھابی کو انجم کی شکایات پہنچانے کی تیاری کر لی، نئے دھاگے بن گئے۔۔
لیکن بعد میں پتہ چلا کہ انجم بھائی کو ابا جان بن چکے ہیں، چار سال قبل پیار کیا اور عشق کو قید شریعت میں لے آئے۔
اس پر بھائیوں اور بہنوں کو دکھ ہوا ۔۔لیکن بہنوں کو زیادہ ہوا۔ ام طلحہ بہنا نے سزا تجویز کرنے کی مہم چلائی اور معظم شاہ جی انجم شاہ جی کے لئے ایک دھاگہ بنایا جس میں سزا کے لئے تجاویز طلب کی گئیں۔
اس میں کوئی برائی نہیں۔۔ جب ایسا کام کیا ہے تو سزا تو ملنی ہی چاہیے ۔۔لیکن اس کے دوسرے پہلو کو بھی نظر انداز نہیں کرنا چاہیے۔

جہاں تک انجم بھائی کی شرارت یا ام طلحہ بہنا کے خیال سے جرم کا تعلق ہے تو میں اسے جرم نہیں کہتا۔
سچ پوچھئے تو یہ انجم بھائی کا ایثار، برداشت اور اخلاص ہے، اپنے دوستوں اور پاک نیٹ کے ساتھ۔۔۔
جرم یہی ہے کہ انہوں نے بتایا کیوں نہیں ۔۔۔۔ اور منگنی منگنی کرتے رہے۔۔۔
مگر انجم بھائی نے ایسا کیوں کیا؟؟؟؟؟؟؟؟؟؟؟؟؟؟؟؟؟
صرف اور صرف پیار اور خوشیاں پھیلانے کے لئے، نفسا نفسی اور آپا دھاپی کے اس دور میں مسکراہٹیں پھیلانا واقعی اتنا بڑا کارنامہ ہے کہ اس کی خاطر تمام جرم معاف کئے جا سکتے ہیں۔۔
لیکن اس سے بھی اہم بات یہ ہے کہ صرف دوستوں کو خوش رکھنے کی خاطر انجم بھائی اپنے دل پر پتھر رکھ کر اپنی محبوب شریک حیات کو ’’کوجی کڑی‘‘ اور نہ جانے کیا کیا لکھتے رہے اور دوسروں کا لکھا برداشت کرتے رہے۔۔ ذرا ایک لمحے کے لئے تصور کریں کوئی آپ کے محبوب کو کچھ کہے۔۔ کیسا لگتا ہے؟؟
اس لئے میری رائے یہ ہے کہ انجم بھائی کے اس کارنامے کو جرم کہہ کر سزا تجویز کرنے کے بجائے ان کے حوصلے اور اخلاص کا اعتراف کرتے ہوئے پاک نیٹ اور دوستوں کی جانب سے انہیں کوئی ایوارڈ دیا جائے۔۔

اب فیصلہ آپ بھائیوں اور بہنوں کے ہاتھ میں ہے۔۔۔

دیکھنا یہ ہے کہ زیادہ ووٹ سزا کے حق میں ہیں یا ایوارڈ کے حق میں ۔۔۔

__________________
محتاج اصلاح و دعا