السلام علیکم ورحمتہ اللہ و برکاتہ

کامیاب محبت کیا ہوتی ہے؟ کیا لیلٰی مجنوں، سسی پنوں ، سوہنی ماہیوال، شیریں فرہاد، انار کلی شہزادہ سلیم۔۔۔ کی محبت کامیاب تھی؟
اگر نہیں تو کیا ان کی شادی ہو جاتی تو محبت کامیاب ہوتی؟ دوسرا یہ کہ محبت کب تک رہتی ہے؟
اگر ان جوڑوں کی شادیاں ہو جاتیں اور لیلٰی مجنوں میں سے ایک سوتے میں اونچے اونچے خراٹے مار مار کر دوسرے کا سونا حرام کر دیتا تو محبت کب تک رہتی؟ ہیر رانجھا میں سے ایک نیند میں ایسے لاتیں چلانے کا عادی ہوتا کہ دوسرے کو زمین پر پٹخ دیتا اور دوسرا خواب دیکھنے کی بجائے اپنے پارٹنر کی لاتیں دیکھنے پر مجبور ہوتا تو محبت کب تک رہتی؟ اگر جو ایسا ہوتا کہ شیریں خواب میں چلنے کی عادی ہوتی اور فرہاد دن میں پہاڑ توڑنے کے بعد ساری رات بیگم کو اپنے راڈار کی ذد میں رکھنے پر مجبور ہوتا تو؟
سوہنی اگر ماہیوال کی مخالفت کے باوجود یہ ضد جاری رکھتی کہ بچوں کی بہتر تربیت کے لئے اس کا نوکری کرنا ضروری ہے تو کیا آج سوہنی ماہیوال کی محبت کی کہانی موجود ہوتی؟ سسی اگر پنوں کو طعنے دیتی کہ تیرے گھر آ کر میں بھوکی مر گئی، میرے تو کرم پھوٹ گئے تجھ سے شادی کر کے۔ میرے لئے تو فلانے ایس ایچ او اور فلانے منشی کا رشتہ آیا ہوا تھا پر میری ہی عقل پر پتھر پڑے ہوئے تھے جو تو میرے متھے لگ گیا۔ تو؟

__________________