تہران ۔ 31 اگست (اے پی پی) ایرانی فوج کے ڈپٹی چیف آف سٹاف بریگیڈیئر جنرل مسعود جزائری نے خبردار کیا ہے کہ ایران پر حملے کی صورت میں عالمی جنگ شروع ہو جائے گی۔ ایرانی خبر رساں ادارہ ارنا کی رپورٹ کے مطابق ہفتہ کو اپنے ایک بیان میں مسعود جزائری نے کہا کہ ایران کسی بھی ممکنہ جارحیت سے نمٹنے کے لئے تیار ہے‘ اگر کسی ملک نے ایران پر حملہ کیا تو اس سے عالمی امن خطرے میں پڑ جائے گا اور عالمی جنگ بھی چھڑ سکتی ہے۔ انہوں نے کہا کہ اگر اس طرح کی صورتحال بن گئی تو جعلی اور مصنوعی ریاستیں ملیا میٹ ہو جائیں گی۔ (م ع/ط ع/س د