سعدیہ سحر

ایک دفعہ کا ذکر ہے ایک چھوٹی سی ریاست تھی جسے اللہ نے دنیا کی ہر نعمت سے نوازا تھا لوگ غریب اور محنت کش تھے روکھی سوکھی کھا کر خوش رہتے تھے جس حال میں بھی تھے اپنے حال میں مست تھے ریاست کا بادشاہ جو کہتا اس پہ آنکھیں بند کر یقین کر لیتے جو کہتا مان لیتے پھر خدا کا کرنا یہ ہوا بادشاہ فوت ہو گیا
اب مسئلہ تھا ریاست کون چلائے گا پھر ان میں سے ایک طاقت ور آدمی اٹھا اس نے کہا وہ سب کی حفاظت کر سکتا ہے سب نے شکر کیا کوئی تو آیا ان کی حفاظت کرنے کے لیے — وہ جو کہتا وہ اپنی عادت کے مطابق یقین کر لیتے جو کہتا مان لیتے انھیں دو وقت کی روٹی مل رہی تھی دن ہفتوں میں بدلے ہفتے مہینوں میں اور پھر کئی سال گزر گئے پھر پتا چلا وہ محافظ سارا شاھی خزانہ لے کر بھاگ گیا ہے
مسئلہ پھر کھڑا ہوا اب کون ریاست سنبھالے گا اب تک تو شاھی خاندان حکومت کرتا آیا ہے عوام اپنے آپ کو حکومت کے قابل نہیں سمجھتے تھے رعایا کو صرف دو وقت کی روٹی چاھیے ہوتی تھی سب ایک دوسرے کا منہ دیکھ رہے تھے پھر سب نے مل کر فیصلہ کیا جو بھی صبح سویرے ریاست کے دارلخلافہ میں داخل ہوگا اسے اپنا بادشاہ تسلیم کر لیا جائے گا
سارے شہر کی آنکھیں شہر کے دروازے بھی لگی ہوئیں تھیں صبح دیکھا تو گدھوں کا غول شہر میں داخل ہورہا ہے سب لوگ پریشان ہو گئے اب کیا کریں مگر وہ فیصلہ کر چکے تھے انہوں نے گدھوں کو اپنا حکمران تسلیم کر لیا
گدھے گھاس کھا کر اپنے حال میں مست رہتے وہ عوام کی زبان اور مسائل نہیں سمجھ سکتے تھے عوام ان کی زبان نہیں سمجھ سکتے تھے ریاست میں کافی گھاس تھی سب بندر بانٹ میں لگے رہتے کس کی کتنی گھاس ہے کون کتنی گھاس کھائے گا عوام کی روٹی کی کون فکر کرتے عوام کی حفاظت کون کرتا قانون کون بناتا کون حفاظت کرتا ریاست مین بد حالی پھیل رہی تھی عوام قانون خود بناتے تھے خود ہی فیصلہ کرتے تھے سر ِ عام سزائیں دی جانے لگی مگر حکمران اپنے حال میں مست تھے ایسے میں ریاست سے باہر کے گدھوں نے بھی ریاست میں‌دخل اندازی شروع کر دی
دوسری ریاست کے لوگ حیران تھے انھوں نے گدھوں کو اپنا حکمران کیوں بنایا ہوا ہے پھر ریاست میں الیکشن ہوئے رعایا نے پھر گدھوں کو منتخب کیا دو وقت کی روٹی کو زندگی کا مقصد سمجھنے والے عوام کچھ سمجھتے نہیں تھے
پھر ساری دنیا میں مشہور ھو گیا عوام بھی گدھے ہیں اگر گدھے نہ ھوتے تو گدھوں کو کیسے منتخب کرتے ایک بار دھوکہ کھانے کے بعد انھیں سمجھ جانا چاہئیے تھا گدھے گدھے ھیں انھیں ان کے مسائل کا کوئ ادراک نہیں وہ اپنے حکمران گدھوں سے دن رات دولتیاں کھاتے چیخ و پکار کرتے خود کشیاں کرتے اپنے بچوں کو مارتے ایک دوسرے کو گالیاں دیتے اللہ سے گلے کرتے اپنے مسائل کے لیے پھر ان کی طرف دیکھتے جواب میں دولتیاں کھاتے تھے پھر مگر اس قوم کو ساری دنیا نے گدھے مان لیا ان کے مسائل پہ کوئی غور نہیں کرتا تھا پھر ان کا کیا ہوا اللہ جانے
ہو سکتا ہے جب اس ریاست کی گھاس ختم ہوگئی ہو تو گدھوں نے اس ریاست کو چھوڑ دیا ہو کیونکہ گدھوں کو گھاس سے مطلب ہے زمین سے محبت انھیں کہاں ہوتی ہے ۔۔۔۔۔۔۔۔

سبق —– اس کہانی سے یہ سبق ملتا ھے گدھے کبھی انسان نہیں بنتے چاہے انھیں حکمران بنا دیا جائے
نمبر دو ۔۔۔۔ اگر انسان گدھے بن جائیں تو انھیں عقل دینا بہت مشکل ہوتا ھے انھیں پھر ہر جگہ سے دولتیاں ہی ملتی ہیں

نوٹ —— یہ صرف ایک کہانی ہے اگر حالات واقعات آپ کے اردگرد کے حالات سے ملتے ہوں تو یہ مماثلت اتفاقیہ ہوگی

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں