کچھ لکھنے لگی تو سمجھ نہیں آرہی تھی کیا لکھوں ملکی حالات پر بھی زور وشور سے لکھا جا رہا ھے ۔اور کیا خوب لکھا جا رہا ھے۔ جس کی وجہ سے لوگ مزید پرشان ھیں ۔ شاعری بھی اپنے عروج پر ھے ۔توا یک دم مجھے اپنے بچپن سے تھوڑے بڑے ھونے کا ایک واقعہ یاد آگیا۔تو سوچا تھوری سی یاد تازہ کر لی جائے۔ ھوا کچھ یوں دوستوں کہ جب میں چھوٹی تھی۔تو مجھے کہیں بھی رہنے کی اجازت نہیں تھی۔سب بہن بھائی رشتےداروں کے ہاں رہتے تھے ،لیکن مجھے والدین نہیں رہنے دیتے تھے ۔کہ بیٹی کو کچھ ھو نا جائے ، یا پھر امی ابو میرے بغیر رہ نہیں سکتے تھے۔ کچھ تو تھا جس کی پردہ داری تھی ۔ سردی کے دن تھے مجھے اپنی خالہ کے گھر رہنے کا اتفاق ھوا۔میری دو عدد خالیں اور ایک ماموں ساتھ رہتے تھے۔رات کو میں اور میری دونوں خالہ ایک ھی کمرے میں سوئے ۔ماموں اور ان کی فیملی نیچھے والی منزل پر تھے۔اچانک آواز آئی ۔میری بڑی خالہ نے چھوٹی خالہ سے کہا کہ لگتا ھے ۔ باھر کوئی گھوم رہا ھے۔چھوٹی نے کہا کہ بھائی ھوں گے سو جاو۔اب اس کھسر پھسر میں پوری طرح میں بھی جاگ چکی تھی۔ نہیں بھائی نہیں چور لگتا ھے ۔ یہ میری بڑی خالہ تھیں ۔میری لحاف کے اندر بری طرح جان نکلی ھوئی تھی۔اور یہی لگتا تھا کہ ابھی چور آجاہیں گے اور ھم سب کو باندہ دیں گے،لیکن اس کے ساتھ ایک عجیب خوشی کی لہر بھی دوڑگیی کہ اگلے دن اخبار اور ٹی وی پر ھم سب کو دکھایا جائے گا ،اور میں انتظار میں تھی کہ کب چور اندر آئے گا،اب وہ آواز اوپر جاتی اور پھر سیڑہیاں اترنے کی آواز آتی ۔تھوڑی دیر میں یہ آواز اب جلدی جلدی آنے لگی تو چھوٹی خالہ نے ھمت کر کے دروازہ کھلا اب ان کے پیچھے میری بڑی خالہ،لگتا ھے آواز کچن سے آرہی ھے۔کوئی چور ھے ،اور میں دل میں خوفزادہ بھی ھوں اور خوش بھی،خوشی سے ذیادہ جان نکلی ھوئی تھی۔میریٰ بڑی خالہ نے میرے نانا کی خالی بندوق بغیر گولیوں کے اٹھا لی ۔اب آواز بند ھو چکی تھی۔لگتا ھے چور یا تو بھاگ گیا ھے یا پھر چھپ گیا ھے۔اور میں چور بن کر ایک انکھ سے اندھیرے میں کچھ دیکھنے کی کوشش کر رہی تھی۔کہ اتنے میں چھوٹی خالہ نے کچن کی لایٹ ان کی تو کیا دیکھتے ھیں کہ گڈوی میں بلی کا منہ پھنسا ھوا ھے ۔ گڈوی دودھ کا برتن گھڑے کی طرح ھوتا ھے لیکن چھوٹا سا ۔اب بلی نے دودھ پینے کے لیے منہ گڈوی میں ڈالا ۔ تو وہ نکل نہیں سکتا تھا۔ڈر اور خوف سے جب بلی سیڑہیاں چڑتی یا اترتی تو یوں لگتا کہ چوربھاگ رہا ھے ،جب پتہ چلا کہ چور نہیں ھے اور میں ٹی وی اور اخبار میں نہں آسکوں گی۔تو اپنے ارمانوں پر لحاف اڑو کر سو گیی۔