السلام علیکم دوستوں
پچھلے کئی ہفتوں سے ایک امتحان میں گرفتار ہوں، اللہ عزوجل سے اپنے گناہوں پر معافی مانگی ہے اور اُس الرحم الرحمین سے رحم کی اُمید ہے۔ (جلد ہی اس بارے میں آپ لوگوں کو بھی آگاہ کروں گا)

میں ایک ہفتے کی رُخصت پر تھا، قریبی ذرائعے سے معلوم ہوا کے جناب منتظمین نے پاک نیٹ کے مذہبی سیکشن کے تمام اعلی عہدہ داران کو اُن کے مناصب سے برخاست کردیا ہے اور مجھ ناچیز پر ایک بڑی ذمہ داری ڈال دی ہے۔ میں چونکہ فورم پر نہیں آ پا رہا تھا لہذا ممکن ہے میں کچھ چیزوں کا تذکرہ نا کرپایا ہوں۔

ناظم اعلی، بذات خود ایک بڑا اور ذمہ دار عہدہ ہے چہ جائیکہ پاک نیٹ کے اسلامی سیکشن کا "ناظم اعلی"۔
سورة الانعام میں ہے۔
و اذ قلتم فاعدلوا و لو کان ذا قربی (مفہوم: اور جب بھی کہو انصاف ہی کی کہو خواہ مدمقابل اپنے رشتے دار ہی کیوں نہ ہو) ایک اور جگہ حکم فرمایا گیا، تحکموا بالعدل (مفہوم: انصاف کے ساتھ فیصلے کرو)۔

رسول اللہ صلی اللہ علیہ وسلم کے ایک فرمان کا مفہوم ہے "تم سے پہلے کی کچھ اُمتیں اس لیئے مٹ گئیں کہ وہ انصاف نہیں کرتی تھیں، کمزوروں پر قانون لاگو ہوتا تھا اور طاقتور دندناتے پھرتے تھے"۔
ابوالحسنبن محمد بن حبیب البصری سے سوال ہوا، "اخلاق کا کمال کیا ہے؟" جواب ملا "عدل" پھر پوچھا گیا "اور دین کا کمال کیا ہے؟" فرمایا"عدل"۔

جنگ عظیم دوئم کا فاتح برطانیہ یہودیوں کے سود میں پھنسا ہوا تھا، خزانہ خالی ہوچکا تھا اور ایک تباہ شدہ ملک کی سی حالت تھی، چرچل کو ساری صورت حال کی بریفنگ دی گئی اُس نے سگار منہ سے نکالا اور پوچھا "کیا ہماری عدالتیں آذاد ہیں؟ (یعنی کیا وہ انصاف کے مطابق فیصلے کررہی ہیں) جواب ملا "جی ہاں" اُس نے کہا "ہم یہ ملک دوبارہ بنا لیں گے" اور سگار نہ سے لگا لیا۔

القصہ المختصر "منصف" اللہ تعالی کی ایک صفت ہے اور اس فورم پر ہی نہیں اپنے گھروں، دفتروں، گھروں، محلوں میں جہاں پر بھی ہمیں کسی قسم کی حاکمیت حاصل ہے وہاں ہمیں انصاف سے کام لینا چاھیئے اور بروز قیامت اللہ عزوجل کے سامنے اپنے اعمال کی جوابدہی کے لیئے تیار رہنا چاھیئے۔

میں بطور "ناظم اعلی" (اسلامی سیکشن، پاک ڈاٹ نیٹ) اس فورم کے منتظمین سمیت تمام عہدہ داران و ممبران کو یہ یقین دلاتا ہوں کے میں اس فورم کے تمام قوانین کی پابندی کرتے ہوئے کسی بھی معاملے پر فیصلہ کرتے ہوئے بطور "منصف/مصلح" انصاف کے تمام تقاضوں کو حتی المقدور پورا کرنے کی کوشش کروں گا خواہ اس کے لیئے مجھے کسی کی بھی مخالفت مول لینی پڑے یا اپنے عہدے ہی کی قُربانی کیوں نا دینی پڑے، انشاءاللہ

میری آپ لوگوں سے گذارش ہے کے مجھے PM( پرسنل میسج) کے ذریعے اپنی آراء، مشوروں اور شکایتوں سے آگاہ کرتے رہیئے گا۔ میں اپنے تمام فیصلوں پر ناصرف اللہ عزوجل بلکے آپ تمام لوگوں کو بھی جواب دہ ہوں۔
لہذا میری جانب سے:
1۔ فرقے بازی کرنے والوں کے خلاف سخت ایکشن لیا جائے گا۔
2۔ باہمی ہم آہنگی بڑھانے والوں کی حوصلہ افزائی کی جائے گی۔
3۔ پاکستانیت کو بڑھاوا دینے والوں کی بھر پور مدد کی جائے گی۔
4۔ اس فورم پر شرانگیزی پھیلانے والوں کا احتساب کیا جائے گا۔

انشاءاللہ تعالیٰ،

آخر میں میری تمام ناراض ممبران سے درخواست ہے کہ وہ بڑے پن کا مظاہرہ کرتے ہوئے اپنے پچھلے تمام گلے شکوں کو دور کرتے ہوئے دوبارہ ایک نئے جذبے کے ساتھ ہمیں دوبارہ جوائن کریں،
شکریہ!

شاہد علی صدیقی