اب درندوں سے نہ حیوانوں سے ڈر لگتا ہے
کیا زمانہ ہے کہ انسانوں سے ڈر لگتا ہے

عزتِ نفس کسی شخص کی محفوظ نہیں
اب تو اپنے ہی نگہبانوں سے ڈر لگتا ہے

ڈنکے کی چوٹ پہ ظالم کو برُا کہیں گے
مجھے سولی سے نہ زندانوں سے ڈر لگتا ہے

خونریزی کا یہ عالم ہے خدا خیر کرے
اب مسلمانوں کو مسلمانوں سے ڈر لگتا ہے

بم دھماکوں سے سبھی خوف زدہ ایسے ہیں
گھر میں رکھے ہوئے گلدانوں سے ڈر لگتا ہے

__________________
فرشتہ مجھ کو کہنے سے میری تحقیر ہوتی ہے ،
میں مسجود ملائک ہوں مجھے انسان رہنے دو،